01/06/2026
දිවයින පුරා දිස්ත්රික්ක 25ම ආවරණය කරමින් “ගම් දහසක වැඩ දහසක්” සමාරම්භය හෙට
“ප්රජා ශක්ති” දිළිඳු බව තුරන් කිරීමේ ජාතික වැඩසටහනට සමගාමීව ක්රියාත්මක කෙරෙන “ගම් දහසක වැඩ දහසක්” ව්යාපෘතිය යටතේ දිස්ත්රික්ක 25ම ආවරණය වන පරිදි වැඩසටහන් රැසක් හෙට (02) ආරම්භ වේ.
ව්යාපෘතියේ සමාරම්භක වැඩසටහන හෙට පෙරවරු 9.00ට ගම්පහ දිස්ත්රික්කයේ මහර ප්රාදේශීය ලේකම් කොට්ඨාසයේදී පැවැත්වෙන අතර, එම වැඩසටහන ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්ය ආචාර්ය උපාලි පන්නිල මහතාගේ ප්රධානත්වයෙන් ආරම්භ කෙරේ.
ප්රධාන සමාරම්භක වැඩසටහනට සමගාමීව දිස්ත්රික් මට්ටමේ වැඩසටහන් දිස්ත්රික් සම්බන්ධීකරණ කමිටු සභාපතිවරුන්ගේ ප්රධානත්වයෙන් ආරම්භ කිරීමට සැලසුම් කර ඇත.
එමෙන්ම සියලුම ප්රාදේශීය ලේකම් කොට්ඨාස ආවරණය වන පරිදි එක් එක් කොට්ඨාසයක අවම වශයෙන් ව්යාපෘති තුනත් පහත් අතර සංඛ්යාවක් ආරම්භ කිරීමට කටයුතු යොදා තිබේ.
゚viralシfypシ゚ #
