06/07/2026
"බළන්ගොඩ ඓතිහාසික උරුමය" සාඩම්බර ජනගත කිරීමේ මහෝත්සවය
බළන්ගොඩ නගර සභා මහජන පුස්තකාලයීය පාඨක සමාජයේ සුවිශේෂී ප්රකාශනයක් වන "බළන්ගොඩ ඓතිහාසික උරුමය" ග්රන්ථය, 2026 ජූනි මස 30 වන දින බළන්ගොඩ ගෝල්ඩන් සන්සිටි උත්සව ශාලාවේදී අභිමානවත් අයුරින් ජනගත කෙරුණි.
මෙම සුවිශේෂී සංස්කෘතික මහෝත්සවය ශ්රී ලංකා අමරපුර මහා නිකායේ උත්තරීතර මහා නායක, අග්ගමහා පණ්ඩිත, දර්ශනපති අති පූජ්ය කරගොඩ උයන්ගොඩ මෛත්රී මූර්ති මහා නාහිමියන් ඇතුළු මහා සංඝරත්නයේ රාජකීය ප්රධානත්වයෙන් හා ආශිර්වාදයෙන් උත්කර්ෂවත් අන්දමින් පැවැත්විණි.
උත්සවයේ විශේෂ ආරාධිත දේශනය මහාචාර්ය කමල් වලේබොඩ මහතා විසින් පවත්වන ලද අතර, බළන්ගොඩ අතීත උරුමය පිළිබඳව එහිදී ඉතා හරවත් අදහස් රැසක් සමාජගත විය.
මෙම අවස්ථාවට රත්නපුර දිස්ත්රික් පාර්ලිමේන්තු මන්ත්රී වසන්ත පුෂ්පකුමාර මහතා , සබරගමුව විශ්ව විද්යාලයේ මහාචාර්ය මනෝජ් ආරියරත්න මහතා , බලංගොඩ නගර සභාවේ සභාපති පේෂල නිකලන්ද මහතා , බළන්ගොඩ නගර සහාවේ උප සභාපති නදීෂාන් වික්රමආරචිචි මහතා ඇතුළු බලංගොඩ නගර සභාවේ නාගරික මන්ත්රී මණ්ඩලය සහ කාර්ය මණ්ඩලය , වැඩබලන මහේස්තාත් නීතිඥ දේශබන්දු සුරිය පටබැදි මහතා ,බළන්ගොඩ ප්රාදේශීය ලේකම් ලක්ෂිකා මිගෙල්ආරචිචි මහත්මිය, කල්තොට ප්රාදේශීය ලේකම් ටී.ඩී.නිහාල් මහතා , සේනක සෙන් සමූහ ව්යාපාරයේ අධිපති සේනක ගුරුසිංහ මහතා, බළන්ගොඩ බොස්කෝමිබ තේ කර්මාන්ත ශාලාවේ කළමනාකාර අධ්යක්ෂ,බළන්ගොඩ ව්යාපාර හිමියන්ගේ සංසදයේ ලේකම් සමන් හෙට්ටිආරච්චි මහතා, බලංගොඩ නගර සභා මහජන පුස්තකාලීය උපදේශක කමිටුවේ සියළුම සාමාජික මහත්ම මහත්මීන් ඇතුළු ආරාධිත අමුත්තෝ රැසක් සහභාගි වුහ.
බළන්ගොඩ අභිමානය සහ එහි ඓතිහාසික වටිනාකම මතු පරපුර උදෙසා සුරක්ෂිත කිරීමේ මෙම සද්කාර්යයට දායක වූ සැමට අපගේ හෘදයාංගම ස්තූතිය!
