Women's Bureau

05/12/2023

නිර්මාණශීලී ඔබගේ නිර්මාණ හැකියාව උරගා බැලීමට මෙන්න කදිම අවස්ථාවක්... වැඩිදුර තොරතුරු සඳහා අමතන්න 0112186348 සමුද්‍රා, යශිකා

03/05/2023

ජාත්‍යන්තර කාන්තා දිනය නිමිත්තෙන් ශ්‍රී ලංකා කාන්තා කාර්යාංශය විසින් වාර්ෂිකව ප්‍රකාශයට පත් කරන 'කාන්තා සවිය' සඟරාව '2023'

E-book
https://drive.google.com/file/d/1MNw1DkOQve0tI7cC9Fh4GZMtKjEgFyok/view?usp=sharing

03/05/2023

ශ්‍රී ලංකා කාන්තා කාර්යාංශය මගින් වාර්ෂිකව ප්‍රකාශයට පත් කරන 'අරුණෝදය' උපදේශන සඟරාව '2023'

E-book
https://drive.google.com/file/d/1hom1IqD7_4ehmSDgZNnqv51mIuSxLFzU/view?usp=sharing

03/05/2023

කාන්තා, ලමා කටයුතු හා සමාජ සවිබලගැන්වීම් අමාත්‍යාංශයේ සුබසාධක සංගමය මගින් පවත්වන ලද අවුරුදු උත්සවය 2023 Surangi Ekanayaka Niranjith de Senaka Udayamani De Silva Ishi Peiris Vusha Keerthi Pathma Jothimuni Dilini Samarakoon Nimalsiri Ranasinghe Thilanka Paranagama

02/05/2023

කාන්තා, ලමා කටයුතු හා සමාජ සවිබලගැන්වීම් අමාත්‍යාංශය මගින් පවත්වන ලද ජාත්‍යන්තර කාන්තා දින ජාතික සැමරුම 2023

27/12/2022

ව්‍යවසායකත්වය තුළින් කාන්තාවන් සවිබල ගැන්වීමේ ව්‍යපෘතිය යටතේ 2022 වර්ෂයේ දී කුරුණෑගල දිස්ත්‍රික්කයේ රස්නායකපුර ප්‍රාදේශිය ලේකම් කොට්ඨාසයේ 280 උණගොල්ල ග්‍රාම නිලධාරී වසමේ ආර්ථිකමය වශයෙන් දුෂ්කරතා ඇති කාන්තාවන් 06 දෙනකු තෝරාගෙන ප්‍රදේශයේ බහුලව පවතින පොල් ලෙලි කපා ඇසුරුම් කර අලෙවි කිරීමේ ව්‍යපෘතිය ආරම්භ කරන ලදී. ඒ සඳහා අවශ්‍ය කරන ලද පොල් ලෙලි කැපීමේ යන්ත්‍රයක් කාන්තා බල මණ්ඩලය හරහා ලබා දෙන ලදී.

03/11/2022

ශ්‍රී ලංකාව පුරා විසිරි සිටින ව්‍යවසායක කාන්තාවන් තම ප්දේශයට ආවේණික දේශිය සම්පත් ඇසුරින් , තම ස්වකීය නිෂ්පාදන තුළින් ආර්ථික වශයෙන් සවිබලගැන්විමට නියමිත අතර මේ වන විට දිස්ත්‍රික්ක 15 ක් තුළ ප්‍රාදේශීය ලේකම් කොට්ඨාස 32 ක ව්‍යාපෘති 34 මගින් ව්‍යවසායක කාන්තාවන් 365 දෙනෙකු ආර්ථික වශයෙන් ස්වයං රැකියා ගැන්විය. එහි වැඩසටහන් ලෙස දෙවිනුවර ප්‍රාදේශීය ලේකම් කොට්ඨාශයේ ක්‍රියාත්මක වූ පී වී සී පපයිප්ප , කොන්ටියුඩ් බට නිෂ්පාදන ව්‍යාපෘතිය, පාතදුම්බර ප්‍රාදේශීය ලේකම් කොට්ඨාශයේ දුම්බර රටා තල් කොළ අත්කම් නිර්මාණ ව්‍යාපෘතියට අදාල ඡායාරූප කිහිපයක් පහත දක්වා ඇත

03/11/2022

දෙහිඅත්තකණ්ඩිය ප්‍රාදේශීය ලේකම් කොට්ඨාසයේ ප්‍රතිලාභීන් 30කගේ සහභාගීත්වයෙන් දේශීය වී භාවිතයෙන් 2021 වර්ෂයේදී ආරම්භ කළ බිත්තර වී නිෂ්පාදන ව්‍යාපෘතිය ව්‍යවසායකත්ව සංවර්ධනය තුළින් කාන්තාවන් සවිබල ගැන්වීම අරමුණු කරගෙන ශ්‍රී ලංකා කාන්තා කාර්යාංශය ආරම්භ කළ සාර්ථක ව්‍යාපෘතියක් ලෙස හැඳින්විය හැකිය. මෙහි විශේෂත්වය නම් බිත්තර වී නිශ්පාදනය සඳහා වගාවට පොහොර වශයෙන් යොදා ගැනුනේ කාබනික පොහොර වීමයි. අම්පාර දිස්ත්‍රික්කය පුරාම දක්නට ලැබෙන උග්‍ර සෞඛ්‍ය ගැටළුවක් ලෙස වකුගඩු රෝගීන්ගේ වැඩිවීම දැක්විය හැකිය. එම තත්වයට හේතුව වී ඇත්තේ වී හා අනෙකුත් වගාවන් සඳහා අධිකව රසායනික පොහොර භාවිතයයි.ඊට විසඳුමක් වශයෙන් මෙම ව්‍යාපෘතිය මගින් වගාව සඳහා කාබනික පොහොර යොදාගැනීමට ජනතාව උනන්දු කරවීමද එක් අරමුණකි.

03/11/2022

රටේ ආර්ථිකයට සවියක් ගෙන දෙමින් දේශීය නිශ්පාදනයට ශක්තියක් වන්නට 2021 වර්ෂයේ දීප්ති කෝමාරිකා නිශ්පාදන කාන්තාවන් 10 දෙනෙක් සහභාගිත්වයෙන් ආරම්භ විය. දිනෙන් දින වයාපෘතිය ඵල දරමින් 2022.09.29 වන දින දීප්ති කෝමාරිකා නිශ්පාදන මධ්‍යස්ථානය නව ගොඩනැගිල්ලක ආරම්භ විය. ආහාර නිෂ්පාදන යටතේ කෝමාරිකා ජෑම්,චට්න, ජෙලි ,නෙක්ටෝ ,කෝමාරිකා පවුඩර් නිෂ්පාදනය කරයි. තවත් පියවක් ඉදිරියට තබමින් කෝමාරිකා රූපලාවණ්‍ය නිෂ්පාදන හා අත්සේදුම් දියර මෙන්ම භාජන සේදුම් දියර සෑදීමට අපේක්ෂා කරයි.

03/11/2022

හම්බන්තොට දිස්ත්‍රික්කයේ වීරකැටිය ප්‍රාදේශීය ලේකම් බල ප්‍රදේශයේ උඩුකිරිවිල හා බුද්ධියාගම උතුර යන ග්‍රාම නිලධාරී වසම් තුළ බොහෝ පිරිසකගේ ප්‍රධාන ජීවනෝපාය වී ඇත්තේ සාම්ප්‍රදායික මැටි වළං කර්මාන්තයයි. සාම්ප්‍රධායික කර්මාන්තයන් ට නව තාක්ෂණය මුසු කරමින් ජාතික හා ජාත්‍යන්තර වෙළඳපොළ ජයගැනීම සඳහා ඔවුන්ට යම් අත්වැලක් සැපයීමේ අරමුණ පෙරදැරිව පළමු අදියරේදී කුඩා පරිමාණ මැටිභාණ්ඩ නිෂ්පාදකයන් 10 දෙනක් තෝරාගෙන ගෘහ කර්මාන්ත කුඩා ව්‍යාපාරයක් බවට පත් කර සාර්ථක ව්‍යවසායකයින් පිරිසක් බිහි කිරීම සඳහා අවශ්‍ය යන්ත්‍ර කාන්තා බලමණ්ඩලයේ අධීක්ෂණය යටතේ 2021 වර්ෂයේ දී ලබා දෙන ලදී. විසිතුරු භාණ්ඩ සහ මැටි ආශ්‍රිත වතුර පෙරනය,බුෆේ සෙට්,කුරුළු කූඩු,ගෑස් වළං හා උද්‍යාන අළංකරණ නිෂ්පාදන ඉහළ ගුණාත්මක භාවයකින් යුතුව නිෂ්පාදනය කරනු ලබන අතර වර්තමානය වන විට ඔවුන්ගේම අලෙවිසැලක් විවෘත කර ඇත.

03/10/2022

විදේශගත වීමට අපේක්ෂිත කාන්තාවන් සඳහා විකල්ප ආදායම් උත්පාදන වැඩසටහන යටතේ 2021 වසරේ දී කුණ්ඩසාලේ ප්‍රාදේශීය ලේකම් කාර්යාලයේ කාන්තාවන් දස දෙනෙකු ව්‍යාපෘති ගැන්වීම සිදුකෙරුණි.

03/10/2022

2022 මාර්තු 08 දිනට යෙදෙන ජාත්‍යන්තර කාන්තා දිනය වෙනුවෙන් පැවැත්වෙන ජාතික උත්සවයට සමගාමීව කාන්තාවන්ගේ සෞඛ්‍ය තත්ත්වය නඟා සිටුවීමේ අරමුණ පෙරදැරි කරගෙන දිස්ත්‍රික් මට්ටමින් සුවනාරි සායන වැඩසටහන් ක්‍රියාත්මක කිරීමට අප අමාත්‍යාංශයේ ශ්‍රී ලංකා කාන්තා කාර්යාංශය සැලසුම් කරන ලදී.
සමාජීය වශයෙන් දැනට බහුලව දැකිය හැකි දියවැඩියාව,අධික රුධිර පීඩනය, හෘද රෝග, පිළිකාවන් වැනි බෝ නොවන රෝග ඇති නොවීමට ජනතාව දැනුවත් කිරීමත්, එසේ අසාත්මික තත්ත්වයන්ගෙන් ඔවුන් දැනටමත් පෙළෙන්නේ ද යන්න දැන ගැනීමටත්,මෙම රෝග වළක්වා ගන්නේ කෙසේද යන්නත් ප්‍රතිලාභීන්ට අවබෝධ කර දීම අපේක්ෂා කෙරුණි.

03/10/2022

කාන්තාවන් ආර්ථික වශයෙන් සුරක්ෂිත කිරීම සඳහා ශ්‍රී ලංකා කාන්තා කාර්යාංශය විසින් විවිධ වැඩසටහන් ප්‍රාදේශීය මට්ටමෙන් ක්‍රියාත්මක කරන අතර ඉන් එක් වැඩසටහනක් ලෙස මොරටුව හා හක්මන සිදුකරන ලද පාවහන් නිශ්පාදන පුහුණු වැඩසටහන සහ මැහුම් පුහුණු වැඩසටහන හැඳින්විය හැක.

03/10/2022

ශ්‍රී ලංකා කාන්තා කාර්යාංශය සහ එක්සත් ජාතීන්ගේ සංවිධානයේ කාන්තා ඒකකය (UN Women) ඒකාබද්ධව දැයේ කාන්තාවන්ගේ ආර්ථික තත්වය වර්ධනය කිරීමේ අරමුණ ඇතිව තම නිෂ්පාදිත භාණ්ඩ අළෙවි කර ගැනීම උදෙසා, පදවා ගෙන ගොස් අළෙවි කළ හැකි ලෙස සහ එක ස්ථානයක රඳවා තබා ගෙන අළෙවි කළ හැකි වශයෙන් කාණ්ඩ දෙකක් යටතේ 2021 ජාත්‍යාන්තර කාන්තා දින ජාතික වැඩසටහනට සමගාමීව පහත දක්වා ඇති පරිදි ජංගම අළෙවි කුටි සහ කැනපි හට්ස් ප්‍රදානය කරන ලදී.

03/10/2022

කාන්තා, ළමා කටයුතු හා සමාජ සවිබල ගැන්වීමේ අමාත්‍යාංශයෙහි ශ්‍රී ලංකා කාන්තා කාර්යාංශය, ලෝක ආහාර හා කෘෂිකර්ම සංවිධානය (FAO), කෘෂිකර්ම අමාත්‍යාංශය, සෞඛ්‍ය අමාත්‍යාංශය හා ඒකාබද්ධව Scaling up Nutrition People’s Forum ආයතනයෙහි තාක්ෂණික සහය ලබා ගනිමින් ගෙවතු වගා ව්‍යාපෘතියක් දිවයින පුරා සංවිධානය කරන ලදී.

03/10/2022

කාන්තාවන්ගේ මිල කළ නොහැකි උත්සාහයන් හඳුනාගෙන කාන්තා ක‍ාර්ය සංවිධානයන් ඔස්සේ ව්‍යවසායක කාන්තාවන් බිහිකිරීමෙන් ගුණාත්මක බවින් යුත් නිෂ්පාදනයන් සඳහා ඔවුන් දිරිගැන්වීම, එකී නිෂ්පාදන හා සේවා සඳහා නව වෙළඳපළ අවස්ථා බිහිකිරීම හා සමස්ථ කාන්තාවන්ට ආදර්ශයක් සැපයීම අරමුණු කරගනිමින් ව්‍යවසායක සංවර්ධනය තුළින් කාන්තා සංවර්ධනය සඳහා අලෙවි මධ්‍යස්ථානයක් කිරීම යටතේ රත්මලාන ස්වයං රැකියා නිෂ්පාදන අලෙවි මධ්‍යස්ථානය, 2022.09.06 පෙ.ව. 10.30ට කාන්තා හා ළමා කටයුතු රාජ්‍ය අමාත්‍යංශය ශ්‍රී ලංකා කාන්තා කාර්යාංශය හා රත්මලාන ප්‍රාදේශීය ලේකම් කාර්යාලය හා ඒකාබද්ධ ව්‍යාපෘතියක් ලෙස ජනගත කරන ලදී.

14/10/2021

14/10/2021

25/03/2021

09/03/2021

ජාත්‍යන්තර කාන්තා දිනයට සමගාමීව ශ්‍රී ලංකා කාන්තා කාර්යාංශයේ අනුග්‍රහයෙන්, මාතලේ දිස්ත්‍රික් ලේකම් කාර්යාලයේ සංවිධානයෙන් පවත්වන ලිය සවිය නිෂ්පාදන ප්‍රදර්ශනය හා අළෙවි පොළ 2021/03/01,02,03,04,05 යන දිනවලදි මාතලේ ප්‍රාදේශීය ලේකම් කාර්යාලය ඉදිරිපිට භූමියේ දී සාර්ථක අයුරින් පැවැත්වින.

01/01/2021

ශ්‍රී ලංකා කාන්තා කාර්යාංශ 2021 අලුත් අවුරුදු සැමරුම

කාන්තා හා ළමා සංවර්ධන, පෙර පාසැල් හා ප්‍රාථමික අධ්‍යාපන,පාසැල් යටිතල පහසුකම් හා අධ්‍යායපන සේවා රාජ්‍ය අමාත්‍යංශ ලේකම් තුමිය, අතිරේක ලේකම් තුමන්, අධ්‍යක්ෂ වරුන්, සහකාර අධ්‍යක්ෂ වරුන් සහ අනෙකුත් නිලධාරීන්ගේ සභාගීත්වයෙන් සේත්සිරිපාය දෙවන අදියරේ තුන් වන පරිශයේදී 2021 අලුත් අවුරුදු සැමරුම සිදු විය.

24/12/2020

ඔබ සැමට සිරි සුබ නත්තලක් වේවා!
ලෝකවාසී ඔබ සැමට 2020 නත්තල සාමය සතුට සෞභාග්‍ය පිරි සුබ නත්තලක් වේවා.
ශ්‍රී ලංකා කාන්තා කාර්යාංශය

08/10/2020

ලෝක මානසික සෞඛ්‍ය දිනය කිව්වම අපිට මතක් වෙන්නෙ අපේ මානසික සෞඛ්‍ය ගැන අපි හිතන්න ඕන කියලා. ලෝක මානසික සෞඛ්‍ය දිනය ඔක්තෝම්බර් 10 වෙනිදට යෙදුනත් අපේ මානසික සෞඛ්‍ය හැමදාම හොඳින් පවත්වාගෙන යාම අත්‍යාවශයි. නමුත් අපි ඒ වෙනුවෙන් මොනවද දෛනිකව තබා මාසයකට වරක්වත් සිදුකරන්නේ කියන පැනය අපි අපෙන්ම ඇසිය යුතුයි නේද?. මානසික සෞඛ්‍ය සහ කායික සෞඛ්‍ය යනු අනුලෝමව සමානුපාතික වන එකම කාසියක දෙපැත්ත වගේ. මෙය අපි එතරම් නොහිතන කරුණක්. අපේ හිතට හොඳ නැත්නම් ඇඟටත් හොඳ මදි ඇඟට හොඳ මදි නම් හිතටත් හොඳ මදි. ඒත් එක්ක අපේ සමාජීය සබඳතාත් ගැටලුකාරී වෙනවා. අවසානයේ අපි යහපත් සෞඛ්‍ය කියලා විග්‍රහ කරන්නේ මේ කාරණයම තමා. ඉතිං අපේ යහපැවැත්මට මානසික සෞඛ්‍ය. අත්‍යාවශ්‍ය සාධකයක්.
කොරෝනා දෙවන රැල්ලත් සීඝ්‍රයෙන් පැතිරෙන කාලයක් ඇවිත් තියෙන්නේ. තිබුණ සීමිත නිදහසත් ආයේ අහිමි වෙන්නෙ Lock down, curfew, social distance, stay at home, Quarantine වගේ දැන් අවිඥාණිකවම අපි අහන්න අකමැති වචන සෙට් එකතුත් එක්ක. ආපසු ලැප්ටොප් එකේ,ස්මාර්ට් ෆෝන් එකේ,ටීවී එකේ ඔලුව ඔබාගෙන ඉතුරු වෙලවේ නිදා ගෙන දවස්,සති,මාස ගණන් ගෙවා ගෙන මානසික රෝග තත්ත්වයන්ට අත වනන්නේ නැතිව ඒ කාලය කොරෝනා පාලනයට සහය විය හැකි සෞඛ්‍ය උපදෙස් පිළිපදිමින් නිවසේ ගෙවතු වගාව කරන්න, ගෙදර අය සමග වෙනදාට වඩා සමීපව අදහස් හුවමාරු කරගන්න සහ කලා නිර්මාණ කිරීමට ඵලදායීව යොදාගන්න. පසුගිය ඇඳිරි නීති කාලයේ සමහරු සමාජ මාධ්‍ය තුල පලකර තිබුණ පෝස්ටුවක් මතක් වෙනවා “ගෙදර අය එක්ක මං කථා කළා, එයාලා හරි හොඳයි” කියලා, අපි අපේ වැඩ කෙතරම් සංකීර්ණ කරගෙන ද? ප්‍රධානම හේතුව මුදල් හම්බකිරීම. මේ සමාජ ක්‍රමය නිරායාසයෙන් පත්වෙච්ච තැන එතන. කෙතරම් කාර්යබහුල වුවත් පොඩි පොඩි දෙවල් සහ කැපකිරීම් වලින් අපේ මානසික සෞඛ්‍ය යහපත්ව පවත්වාගන්න පුළුවන් බව අමතක කරන්න එපා. පොඩ්ඩක් හිතන්න.