07/10/2026
ஏறாவூர் நகர் பிரதேச செயலகத்தில் உள்விவகாரப் பிரிவு (Internal Affairs Unit - IAU) தொழிற்பாடு தொடர்பான உத்தியோகபூர்வ அறிவித்தல்.
பொது சேவையில் நேர்மைத்தன்மை, வெளிப்படைத்தன்மை மற்றும் பொறுப்புக்கூறலை வலுப்படுத்தும் நோக்கில், ஜனாதிபதி செயலகத்தின் 18.02.2025 திகதியிட்ட PS/SB/Circular/2/2025 இலக்க சுற்றறிக்கைக்கு அமைவாகவும், 'Clean Sri Lanka' தேசிய ஊழல் எதிர்ப்புத் திட்டத்தின் வழிகாட்டலிலும், எமது ஏறாவூர் நகர் பிரதேச செயலகத்தில் உள்விவகார அலகு (Internal Affairs Unit – IAU) நிறுவப்பட்டு அதன் செயற்பாடுகள் வெற்றிகரமாக முன்னெடுக்கப்பட்டு வருகின்றன.
பொதுமக்களுக்குக் திறமையான, வெளிப்படையான, நேர்மையான மற்றும் ஊழலற்ற பொதுச் சேவையை வழங்குவதே இப்பிரிவின் முதன்மை நோக்கமாகும்.
முக்கிய நோக்கங்கள்:
நேர்மை மற்றும் வெளிப்படைத்தன்மை: நிறுவனத்தினுள் நேர்மைக் கலாசாரத்தை வளர்த்தல் மற்றும் அனைத்துச் செயற்பாடுகளிலும் வெளிப்படைத்தன்மையைப் பேணுதல்.
முறைகேடு தடுத்தல்: ஊழல் அபாய மதிப்பீடுகள் (Corruption Risk Assessments) மற்றும் நடைமுறை ஆய்வுகள் மூலம் முறைகேடுகளை முன்கூட்டியே தடுத்தல்.
பாதுகாப்பான முறைப்பாடு அமைப்பு: பொதுமக்களின் புகார்களைப் பாதுகாப்பாகப் பெற்று ஆராயும் இரகசியப் பொறிமுறையைச் செயற்படுத்துதல்.
⚠️ பொதுமக்கள் புகார் அளிக்கக்கூடிய விடயங்கள்:
பிரதேச செயலகச் சேவைகளைப் பெற்றுக்கொள்வதில் பின்வரும் அசௌகரியங்கள் அல்லது முறைகேடுகளை எதிர்கொண்டால் பொதுமக்கள் எவ்வித அச்சமுமின்றி முறைப்பாடு செய்ய முடியும்:
01 .லஞ்சம் கோருதல் (சேவையை வழங்க பணம் அல்லது சலுகைகள் கோருதல்).
02. காரணமற்ற காலதாமதம்.
03. ஊழல் மற்றும் நிதியியல்/நிர்வாக முறைகேடுகள்.
04. கடமை தவறுதல் மற்றும் பொறுப்பற்ற சேவை.
05. முறையற்ற நடத்தை.
முறைப்பாடுகள் மற்றும் தகவல்களைப் பெற்றுக்கொள்ளுதல்
பொதுமக்கள் பொது சேவைகளைப் பெற்றுக்கொள்ளும் போது இடம்பெறும் இலஞ்சம், ஊழல், அதிகார துஷ்பிரயோகம், அரச சொத்துக்கள் மற்றும் அலுவலக வளங்களின் துஷ்பிரயோகம் போன்ற முறைகேடுகள் தொடர்பில் முறைப்பாடுகள் மற்றும் தகவல்களை ஏறாவூர் நகர் பிரதேச செயலகத்தின் உள்விவகார அலகிற்கு (IAU) சமர்ப்பிக்கலாம்.
முறைப்பாட்டை சமர்ப்பிக்கும் போது, சம்பவம் இடம்பெற்ற திகதி, நேரம், இடம், சம்பந்தப்பட்ட நபர்/அலுவலர், சம்பவத்தின் விபரம் மற்றும் கிடைக்கக்கூடிய ஆதாரங்கள் போன்ற தகவல்களைத் தெளிவாக வழங்குவது முறைப்பாட்டை உரிய முறையில் பரிசீலனை செய்வதற்கு உதவியாக அமையும்.
முறைப்பாடு சமர்ப்பிக்கும் முறைகள்.
✍️ எழுத்துமூலம்: ஏறாவூர் நகர் பிரதேச செயலகத்தில் அமைந்துள்ள உள்விவகார அலகிற்கு நேரடியாகச் சமர்ப்பிக்கலாம்.
📮 முறைப்பாட்டுப் பெட்டி: பிரதேச செயலகத்தில் உள்விவகார அலகிற்காக ஏற்படுத்தப்பட்டுள்ள முறைப்பாட்டுப் பெட்டியில் இடலாம்.
☎️ தொலைபேசி மூலம்: 065 22 40 516
📧 மின்னஞ்சல் மூலம்: [email protected]
📱 QR Code மூலம்: பிரசுரத்தில் உள்ள IAU QR Code-ஐ ஸ்கேன் செய்வதன் மூலமும் நேரடியாகப் புகாரைப் பதிவு செய்யலாம்.
இரகசியத்தன்மை பாதுகாப்பு.
முறைப்பாடு செய்யும் பொதுமக்களின் தகவல்களும், தகவலாளர்களின் அடையாளங்களும் 100% முழுமையான இரகசியத்தன்மையுடன் பேணப்படும்.
📞 தொடர்பு மற்றும் புகார்களைச் சமர்ப்பிக்க:
👤 பிரிவுப் பொறுப்பாளர்: உதவிப் பிரதேச செயலாளர்
☎️ தொலைபேசி: 065 22 40 516
📧 மின்னஞ்சல்: [email protected]
🌐 இணையதளம்: www.eravurtown.ds.gov.lk
"வெளிப்படைத்தன்மை கொண்ட மற்றும் முறைகேடற்ற அரச சேவையை உருவாக்க ஒன்றிணைவோம்!"
பிரதேச செயலாளர்,
பிரதேச செயலகம் - ஏறாவூர் நகர்.
