20/03/2026
"දැය නං වන සපිරි ගමක්" ප්රජා ඵලදායිතා ආදර්ශ ගම්මාන ව්යාපෘතිය - 2025 / 27
-------------------------------------------------------------------------
clean sri lanka ජාතික වැඩසටහන යටතේ ජාතික ඵලදායිතා ලේකම් කාර්යාලය විසින් ක්රියාත්මක කරනු ලබන දැය නංවන සපිරි ගමක් ප්රජා ඵලදායිතා ආදර්ශ ගම්මානය එළිදැක්වීමේ ජාතික වැඩසටහනට සමගාමීව බෙන්තොට ප්රාදේශීය ලේකම් කොට්ඨාශයට අදාල වැඩසටහනන 2026.03.16 වන දින බෙන්තොට ප්රාදේශීය ලේකම් කොට්ඨාශයේ 14A මිරිස්වත්ත ග්රාම නිලධාරී වසමේ මහ කුරුන්ද ග්රාමයේ දී පැවැත්විණි.
ග්රාමීය දරිද්රතාවයෙන් පෙළෙන ජනතාව ඉන් මුදවා පොහොසත් සවිමත් සෞභාග්යමත් ජීවිතයක් ලබාදීමේ රජයේ අරමුණ ඉටු කිරීමට තෝරාගත් ග්රාමීය පවුල් 50ක් සංරචකයන් 06ක් ඔස්සේ සංවර්ධනය කරමින් ඵලදායීතාවෙන් ඉහල නැංවීම වැඩසටහනේ පරමාර්ථයයි.
මිරිස්වත්ත තපෝධාරාම පුරාණ විහාරයේ විහාරාධිපති පූජ්ය කොස්ගොඩ සුජාත හිමියන්ගේ අනුශාසකත්වයෙන් ගාල්ල දිස්ත්රික් පාර්ලිමේන්තු මන්ත්රී නිශාන්ත පෙරේරා මැතිතුමා,බෙන්තොට ප්රාදේශීය සභා සභාපති ප්රේම කුමාර විජේවර්ධන මැතිතුමා, උප සභාපති ප්රසන්න ගුණවර්ධන මැතිතුමා, ප්රාදේශීය සභා මන්ත්රී clean sri lanka ප්රාදේශීය සම්බන්ධීකාරක ප්රදීප් කොඩිතුවක්කු මැතිතුමා, ප්රාදේශීය සභා මන්ත්රීවරුන් වන රුසිත නන්දන මැතිතුමා සහ සෞම්ය කුමාරද සිල්වා මැතිතුමා, ප්රාදේශීය ලේකම් ඩබ්ලිව්. ඒ. ජනහිත මැතිතුමා, සහකාර අධ්යක්ෂ සැලසුම් තුමිය, පරිපාලන ග්රාම නිලධාරීතුමිය, විදුහල්පතිවරුන් දෙපල, වසම සමග ගනුදෙනු කරනු ලබන සියලුු රාජ්ය ආයතන ප්රධානීන්, බැංකු කළමනාකරුවන්, වසමේ සියලු රාජ්ය නිලධාරීන්, ගමේ සියලු සමිති නිලධාරීන් හා සාමාජිකයන් ඇතුළු ප්රදේශවාසීන්ගේ සහභාගිත්වයෙන් සමාරම්භක වැඩසටහන පැවැත්විණි.
එම වැඩසටහනට සමගාමීව මහ කුරුන්ද ප්රජාශාලා භූමියේ පැළ සිටුවීමේ වැඩසටහනක් ද පැවැත්විණි.2026.03.14 දින ද ශ්රමදාන කටයුත්තක් පවත්වා, භාවිතයෙන් ඈත් කර තිබූ මහ කුරුන්ද ප්රජා ශාලාව පිළිසකර කරගන්නා ලදී.තෙවන අදියර වශයෙන් ආරාධිත අමුත්තන්, ප්රාදේශීය ලේකම් කාර්යාලයීය ක්ෂේත්ර නිලධාරීන් ඇතුළු නිලධාරීන්ගේ සහ ග්රාමීය ප්රජාවගේ සහභාගීත්වයෙන් සෞන්දර්යාත්මක සන්ධ්යාව සංගීතමය වැඩසටහන සාර්ථකව පවත්වන ලදී.
මෙම වැඩසටහන ප්රාදේශීය ලේකම් කාර්යාලයේ ඵලදායිතා සංවර්ධන නිලධාරී එල්. කල්ප රංගන සහ වසන්ති පේරුසිංහ යන නිලධාරීන්ගේ සම්බන්ධීකරණයෙන් සිදු කරන ලදී.
