01/09/2026
ශ්රී ලංකා–සර්බියා සබඳතා තවදුරටත් ශක්තිමත් කිරීමට අවධානය
සර්බියාවේ දෙදින නිල සංචාරයක නිරතව සිටින විදේශ කටයුතු හා විදේශ රැකියා නියෝජ්ය අමාත්ය අරුන් හේමචන්ද්ර මහතා සහ සර්බියානු විදේශ කටයුතු අමාත්යාංශයේ රාජ්ය ලේකම් Damjan Jović මහතා අතර ද්විපාර්ශ්වික සාකච්ඡාවක් බෙල්ග්රේඩ්හිදී පැවැත්විණි.
මෙහිදී ශ්රී ලංකාව සහ සර්බියාව අතර පවතින මිත්රශීලී සබඳතා තවදුරටත් ශක්තිමත් කිරීම මෙන්ම ආර්ථික සහයෝගීතාව, වෙළෙඳ හා ආයෝජන, අධ්යාපනය, රැකියා අවස්ථා, ක්රීඩා සහ ඩිජිටල් ආර්ථිකය ඇතුළු ක්ෂේත්ර රැසක සහයෝගීතාව පුළුල් කිරීම පිළිබඳව අවධානය යොමු කෙරිණි.
ජාත්යන්තර ප්රදර්ශන හා ව්යාපාරික වේදිකා හරහා දෙරටේ පෞද්ගලික අංශ සහ ආයතන අතර සබඳතා ශක්තිමත් කිරීමේ අවස්ථා පිළිබඳවද අදහස් හුවමාරු කර ගන්නා ලදී.
එමෙන්ම, ද්විපාර්ශ්වික දේශපාලන උපදේශන සඳහා වඩාත් විධිමත් යාන්ත්රණයක් ස්ථාපිත කිරීමේ වැදගත්කම පිළිබඳවද සාකච්ඡා කෙරිණි.
ශ්රී ලංකාව සහ සර්බියාව අතර පවතින මිත්රත්වය තවදුරටත් ශක්තිමත් කරමින්, දෙරටේ ජනතාවගේ අන්යෝන්ය ප්රතිලාභය සඳහා සහයෝගීතාව නව ක්ෂේත්ර වෙත පුළුල් කිරීමට දෙපාර්ශ්වයම එකඟත්වය පළ කළහ.
🇱🇰🇷🇸
