29/04/2026
තොරතුරු දැනගැනීමේ අයිතිය හා තොරතුරු දැනගැනීමේ පනත පිළිබඳව මාතර දිස්ත්රික්කයේ ප්රජාව දැනුවත් කෙරේ
====================================
තොරතුරු දැනගැනීමේ අයිතිය හා තොරතුරු දැනගැනීමේ අයිතිවාසිකම් පනත පිළිබඳව මාතර දිස්ත්රික්කයේ ප්රජාව දැනුවත් කිරීමේ වැඩසටහනක් පසුගියදා මාතර දිස්ත්රික් ලේකම් කාර්යාලයීය ගාමිණි ජයසේකර ශ්රවනාගාරයේ දී පැවැත්විණි.
මෙහි දි 2016 අංක 12 දරණ තොරතුරු දැනගැනීමේ අයිතිවාසිකම් පනත පිළිබද පුර්ණ විවරණයක් සිදුකරන ලදි. මේ සඳහා සම්පත් දායකත්වය සපයන ලද්දේ මාතර සහකාර දිස්ත්රික් ලේකම් ලක්මාලි තේනුවර මහත්මිය විසිනි.
තොරතුරු පනතේ ආරම්භය, අවශ්යතාව හා ඒ පිළිබඳ නීතිමය මුලාශ්ර, පනතේ ඇති වටිනාකම, මෙම පනතට යටත්වන අයට තොරතුරු ලබාදීම ප්රතික්ෂේප කළ හැකි අවස්ථා හා තොරතුරු ඉල්ලිමකට පෙර අනුගමනය කළ යුතු ක්රමවේද මොනවාද? යන්නත්, තොරතුරක් ඉල්ලුම් කිරීමෙන් අනතුරුව තොරතුරු ලබාදීමට ගත යුතු නිශ්චිත කාලය පිළිබඳව වඩාත් සරලව නිවැරදි පැහැදිලි කරලීමක් සිදු කරන ලදි.
වැඩසටහන අවසානයේ දී සහභාගි වූ පිරිස අදහස් දක්වමින් කියා සිටියේ, මෙම වැඩසටහන ඉතාම කාලෝචිත මෙන්ම ප්රයෝජනවත් වැඩසටහනක් බවත් ඒ තුළින් විශාල දැනුම් සම්භාරයක් ලබා ගැනීමට හැකි වූ බවත්ය. එමෙන්ම ඉදිරියේදී තවත් මෙවැනි වැඩසටහන් තුළින් මහජනතාවට දැනුවත් කිරීමට කටයුතු කරන ලෙසත් ඉල්ලා සිටියේ ය.
සෞඛ්ය හා ජනමාධ්ය අමාත්යංශයේ මැදිහත්වීමෙන් මාතර දිස්ත්රික් ලේකම් කාර්යාලය මගින් සංවිධානය කරන ලද මෙම වැඩසටහනේ සමාරම්භක අවස්ථාව සදහා මාතර අතිරේක දිස්ත්රික් ලේකම් (පාලන) කුසලක නානායක්කාර මහතා, අතිරේක දිස්ත්රික් ලේකම් (ඉඩම්) කාංචනා තල්පාවිල මහත්මිය සහභාගි වූ අතර මාතර දිස්ත්රික්කයේ වැඩිහිටි බලමණ්ඩල නියෝජිතයින්, කාන්තා බලමණ්ඩල නියෝජිතයින්, ස්වශක්ති සංවිධාන නියෝජිතයින් හා විවිධ සිවිල් සංවිධාන නියෝජනය කරමින් මාතර දිස්ත්රික්කයේ මහජනතාව සහභාගි වී සිටියහ.
එමෙන් ම දිවයිනේ දිස්ත්රික්ක විසිපහම නියෝජනය වන පරිදි මාර්ගගත ක්රමවේදය ඔස්සේ ද රාජ්ය නිලධාරීන් පිරිසක් සහභාගි වී සිටියහ.
Teams ඔස්සේ ඕනෑම කෙනෙක්කුට සම්බන්ධ වීමේ හැකියාව ජනමාධ්ය අමාත්යාංශය පහසුකම් සලසන ලදී.
