AFESA - SLAF Ex-Servicemen's Association

16/09/2026

'වෙටරන්' සඟරාව - 2026 සඳහා ඔබගේ නිර්මාණ කැඳවනු ලැබේ!

​ශ්‍රී ලංකා සන්නද්ධ හමුදා ප්‍රවීණයන්ගේ සංගමය මගින් වාර්ෂිකව ප්‍රකාශයට පත්කරන 'වෙටරන්' (VETERANS) සඟරාව, 2026 නොවැම්බර් මස 08 දිනට යෙදෙන සන්නද්ධ හමුදා අනුස්මරණ පොපි සැමරුම් උළෙලට සමගාමීව එළිදැක්වීමට කටයුතු යොදා ඇත.

​ඒ වෙනුවෙන් සංගමයේ සාමාජික සාමාජිකාවන්ගෙන් සිංහල හා ඉංග්‍රීසි බසින් ගද්‍ය සහ පද්‍ය නිර්මාණ ආරාධනා කර සිටිමු.
​අදාළ තේමාවන්:

[ ] පළමු හා දෙවන ලෝක යුද්ධයන්ට අදාළ විශේෂ සිදුවීම්
[ ] පොපි මල හා රණවිරුවා
[ ] යුධ ස්මාරක
[ ] ඉහත තේමාවන්ට අදාළ වෙනත් නිර්මාණ
​
නිර්මාණ භාරගන්නා අවසාන දිනය:
2026 ඔක්තෝබර් මස 08

​නිර්මාණ සහ ඡායාරූප යොමුකළ හැකි ආකාර:
Email: [email protected]
WhatsApp: 0772201350

​ඔබ සංගම් යටතේ සිටින සාමාජික සාමාජිකාවන් මේ පිළිබඳව දැනුවත් කර, ඔවුන්ගේ නිර්මාණ කඩිනමින් යොමු කිරීමට කටයුතු කරන ලෙස කාරුණිකව ඉල්ලා සිටිමු.

​

16/09/2026

Ex-Servicemen’s Quota: SLAF Veteran’s Daughter Secures Seat at University of Sri Jayewardenepura Dental Faculty

On behalf of the SLAF EX Servicemen's association, we are pleased to announce that TAW/ 5018 AC2UT Kavindya Bandara HT, the daughter of our member Ex WO 15628 (L 5993) HPSD Baduwaththa (Ops Air) ,has been selected for admission to the Bachelor of Dental Surgery Degree at the University of Sri Jayewardenepura for the academic year 2026/2027.

This admission was granted through the quota allocated to the children of Ex-servicemen by the University Grants Commission via the Ministry of Defence and AFHQ.

We convey our sincere thanks to the Commander of the Air Force for providing such a valuable opportunity to the children of Ex servicemen.

Media Unit
AFESA.

31/08/2026

ශ්‍රී ලංකා ගුවන් හමුදා සේවාමුක්ත සංගමයේ (AFESA) 45 වන වාර්ෂික මහා සභා රැස්වීමෙන් පසු ප්‍රථම විධායක කමිටු රැස්වීම 2026 අගෝස්තු මස 30 වන ඉරිදා උදෑසන 09.30 ට ගුවන්පුර ඊගල්ස් ස්කයිලින්ක් සංකීර්ණයේ පිහිටි AFESA කාර්යාල සම්මන්ත්‍රණ ශාලාවේදී සාර්ථකව පැවැත්විණි.

සභාපති එයාර් වයිස් මාර්ෂල් හේමන්ත සොයිසා (විශ්‍රාම්ක) මහතාගේ මූලිකත්වයෙන් පැවැති මෙම විශේෂ හමුව සඳහා විධායක කමිටු සාමාජිකයින් මෙන්ම අනුබද්ධ සංගම් 18 හි සභාපතිවරුන් සහ නියෝජිතයින් පිරිසක් එක්ව සිටියහ.

රැස්වීම ආරම්භ කරමින් සභාපතිතුමා විසින් සියලුම විධායක කමිටු සාමාජිකයින් සහ සාමාන්‍ය සාමාජිකත්වය නියෝජනය කරන පිරිස සාදරයෙන් පිළිගත් අතර, ඉදිරි වසර පුරාම ප්‍රබල කණ්ඩායමක් ලෙස එක්ව පරිපූර්ණ කැපවීමෙන් කටයුතු කිරීමේ වැදගත්කම පෙන්වා දෙන ලදී. මෙහිදී එළඹෙන වසර සඳහා වන අනාගත සැලසුම් පිළිබඳව දීර්ඝ ලෙස සාකච්ඡා වූ අතර, ඉදිවෙමින් පවතින දියතලාව නිවාඩු නිකේතනය වෙනුවෙන් ක්‍රියාත්මක කිරීමට නියමිත අරමුදල් රැස්කිරීමේ ව්‍යාපෘති කෙරෙහිද, 2026 දෙසැම්බර් මස 27 වන දින රයිෆල් ග්‍රීන් (R***e Green) ක්‍රීඩාංගණයේදී පැවැත්වීමට නියමිත වසර අවසාන සුහද හමුව (Annual Get-together) කෙරෙහිද විශේෂ අවධානයක් යොමු කෙරිණි.

එමෙන්ම සංගමයේ ඉදිරි පාලන කටයුතු වෙනුවෙන් වැදගත් කළමනාකරණ තීරණ රැසක් ගත් අතර, සාමාජිකයින්ට උපරිම අයුරින් සහයෝගය දැක්විය හැකි ක්‍රමවේදයන් පිළිබඳවද සාකච්ඡා විය. සංගමයේ සුබසාධන පහසුකම් ප්‍රවර්ධනය කිරීම සහ ඒවා සාමාජිකයින් අතර බෙදාහදා ගැනීම උදෙසා නව සාමාජිකයින් සම්බන්ධ කරගැනීමේ (Membership drive) අවශ්‍යතාවය මෙහිදී අවධාරණය කෙරිණි.

සාමාජිකයන්ගෙන් ඉදිරිපත් වන සියලුම ධනාත්මක යෝජනා කෙරෙහි ඉදිරියේදී සාධනීය ලෙස අවධානය යොමු කරන බවට සහතික වූ සභාපතිතුමා, AFESA සංගමයේ අභිවෘද්ධිය වෙනුවෙන් විධායක කමිටු සාමාජිකයින් 18 දෙනා සහ අනුබද්ධ සංගම්වල සභාපතිවරුන් සියලු දෙනාටම එකිනෙකාට සහයෝගය දක්වමින් කටයුතු කරන ලෙස අවසාන වශයෙන් ඉල්ලා සිටිමින් කමිටු රැස්වීම සමාප්ත විය.

ශ්‍රි ලං ගු හ සේවාමුක්ත සංගමය
-මාධ්‍ය ඒකකය-

29/08/2026

29/08/2026

විශේෂ නිවේදනයයි: රණවිරු නිවාස ණය අවශ්‍යතා පිළිබඳ තොරතුරු එක්රැස් කිරීම

​2008 අංක 6 දරණ "අපි වෙනුවෙන් අපි" අරමුදල් පනත යටතේ, ශ්‍රී ලංකා ගුවන් හමුදා රණවිරුවන් සඳහා බැංකු ණය සහන ලබාදීමේ වැඩසටහනක් ක්‍රියාත්මක කිරීමට ආරක්ෂක අමාත්‍යංශය කටයුතු කරමින් සිටී.

​ඒ අනුව, 2009 මැයි 19 වන දිනට පෙර සේවයට බැඳුණු, නිවාස ණය අවශ්‍යතාවයක් පවතින (ඉදිකිරීම්, මිලදී ගැනීම් හෝ ණය පියවීම් සඳහා) රණවිරුවන්ගේ තොරතුරු පහත සඳහන් දිනට පෙර අවශ්‍ය වේ.

​නිවේදනයට අදාළ වැදගත් තොරතුරු:

• ​අවසන් දිනය: මෙම තොරතුරු 2026 සැප්තැම්බර් මස 04 වන දින පෙරවරු 09:00 ට පෙර සුභසාධක අධ්‍යක්ෂක මණ්ඩලය වෙත යොමු කිරීමට කටයුතු සිදු කල යුතුය.

ප්‍රතිලාභී කාණ්ඩ:
◦ ​සන්නද්ධ හමුදා සාමාජිකයින් (ණය ලබා ගැනීමට සහ ගෙවීමට සහාය).

◦ ​ක්‍රියාන්විතයේදී මියගිය, අතුරුදහන් වූ හෝ පූර්ණ ආබාධිත තත්ත්වයට පත් වූ සාමාජිකයින් (ණය පියවීම සඳහා).

තොරතුරු ලබා දිය යුතු ආකාරය: මේ සමඟ අමුණා ඇති Excel පත්‍රිකාව (Annex 'A') භාවිතයෙන්, සිංහල 'Iskoola Pota' අක්ෂරවලින් තොරතුරු සම්පූර්ණ කර ඉදිරිපත් කළ යුතුය.
​
මෙම තොරතුරු 2026 සැප්තැම්බර් මස 04 වන දින පෙරවරු 09:00 ට පෙර සුභසාධක අධ්‍යක්ෂක මණ්ඩලය වෙත යොමු කිරීමට කටයුතු සිදු කල යුතු බැවින් ඔබගේ සංගමයේ එවැනි අවශ්‍යතා ඇති සාමාජිකයන් සිටීනම් හැකි ඉක්මනින් ගුවන් හමුදා සේවාමුක්ත සංගමය වෙත 0740641687 වට්ස්ඇප් අංකයට යොමු කරන මෙන් දන්වා සිටිමු.

ප්‍රමාද වී ලැබෙන තොරතුරු ආරක්ෂක අමාත්‍යංශය වෙත යොමු කිරීමට නොහැකි වන බැවින්, නිසි වේලාවට තොරතුරු ලබා දීමට කටයුතු කරන්න.
​
ශ්‍රි ලං ගු හ සේවාමුක්ත සංගමය
-මාධ්‍ය ඒකකය-

28/08/2026

*ත්‍රීවීල් සහ මෝටර් සයිකල් හිමි ත්‍රිවිධ හමුදා ප්‍රවීණයන් සඳහාම වෙන්වූ විශේෂ අමතර ආදායම් මාර්ගයක්*

රටේ පවතින ප්‍රධාන Super Market වෙළෙද සංකීර්ණවල Online ඇනවුම් පාරිභෝගිකයන් වෙත බෙදාහැරීමේ "Brig Zakey" විශේෂ සේවාවක් ත්‍රිවිධ හමුදා ප්‍රවීණයන් වෙනුවෙන් පමණක්ම යෝජනා කර ඇත.

මෙම සේවාවේ විශේෂ වාසි:
• ඔබට පහසු ප්‍රදේශවල පමණක් සේවයේ යෙදීමේ හැකියාව.
• ඔබට පහසු වේලාවන්හිදී පමණක් සම්බන්ධ වීමට ඇති ඉඩකඩ.
• ස්වාධීනව අමතර ආදායමක් උපයා ගැනීමට ලැබෙන අනගි අවස්ථාව.
• විශේෂ Mobile App එකක් මගින් ඉතා පහසුවෙන් කටයුතු පාලනය කිරීමේ හැකියාව.

අනුබද්ධිත සංගම් ලේකම්වරුන් වෙත, ඔබගේ සංගම්වල සිටින, මේ සඳහා ලියාපදිංචි වීමට කැමැත්තක් දක්වන සාමාජික/සාමාජිකාවන් දැනුවත් කර, ඔවුන්ගේ නාමලේඛනය
2026.09.10 දිනට පෙර 0740641687 වට්ස්ඇප් අංකයට හෝ SLAFVA ලේකම් කාර්යාලය වෙත ලබාදෙන ලෙස කාරුණිකව ඉල්ලා සිටිමු.

ශ්‍රි ලං ගු හ සේවාමුක්ත සංගමය
-මාධ්‍ය ඒකකය-

25/08/2026

ශ්‍රී ලංකා ගුවන් හමුදා සේවාමුක්ත සාමාජිකයන් වෙත කෙරෙන විශේෂ දැනුම්දීමයි!

ගුවන් හමුදා සේවාමුක්ත සංගමයේ 45 වන මහාසභා වාරයේදී සංගමයේ සභාපති එයාර් වයිස් මාර්ෂල් හේමන්ත සොයිසා (විශ්‍රාම්ක) මහතා විසින් 2026 අගෝස්තු මස 15 වන දින සිට 2027 මහාසභා වාරය තෙක් සංගමයේ නව සාමාජිකත්වය ලබා ගැනීම සඳහා විශේෂ සහන කාලයක් (අමතර මුදල් ගාස්තු ගෙවීමකින් තොරව) ප්‍රකාශයට පත් කර ඇත.

ඔබට රු. 1500.00 ක සාමාජික ගාස්තුව (දඩ මුදල් වලට යටත් නොවී) පමණක් ගෙවා ගුවන් හමුදා සේවාමුක්ත සංගමයේ - SLAFESA සහ රු.1500.00 ක සාමාජික ගාස්තුව ගෙවා ශ්‍රි ලංකා සන්නද්ධ සේවා ප්‍රවීණයන්ගේ සංගමයේ - SLAFVA නව සාමාජිකත්වය ලබා ගත හැක. ඒ අනුව සම්පුර්ණ මුදල වශයෙන් රු.3000.00 ක් ගෙවා සංගම් දෙකෙහිම සාමාජිකත්වය ලබා ගත හැක. (ශ්‍රි ලං ගු හ සේවාමුක්ත සංගමයේ සාමාජිකත්වය ලබා ගැනීමේදී සන්නද්ධ සේවා ප්‍රවීණයන්ගේ සංගමයේ සාමාජිකත්වය ලබා ගැනීම අනිවාර්ය බව සලකන්න.)

සාමාජිකයෙකු වූ පසු පහත සදහන් වරප්‍රසාද ඔබට ලබා ගත හැක.

තවද, රු. 5,280.00 ක දායකත්ව මුදලක් ගෙවා 'සුවසුරැකුම්' සුබසාධන පහසුකම සඳහා ලියාපදිංචි විය හැක. සුවසුරැකුම් දායකත්වය ලබා ඇති සාමාජිකයන් සඳහා පිරිනමන මරණාධාර මුදල් මෙම වසරේ සිට පහත පරිදි ඉහළ නංවා ඇත.

සුවසුරැකුම්' සුබසාධන පහසුකම් සහ සංශෝධිත ප්‍රතිලාභ

• සාමාජිකයෙකුගේ අභාවයකදී:
රු. 70,000.00 සිට රු. 80,000.00 දක්වා වැඩි කර ඇත.

• කලත්‍රයෙකුගේ අභාවයකදී:
රු. 35,000.00 සිට රු. 40,000.00 දක්වා වැඩි කර ඇත.

(සටහන: ඉහත වැඩි කරන ලද ප්‍රතිලාභ හිමිවනුයේ '*සුවසුරැකුම්' *දායකත්වය හිමි සාමාජිකයන් සඳහා පමණි.)
ගුවන් හමුදා සේවාමුක්ත සංගමයේ අයදුම්පත් පහත link එකෙන් බාගත කල හැක.
https://airforce.lk/afesa/afesa-applications.php

තවද, ​ශ්‍රී ලංකා සන්නද්ධ සේවා ප්‍රවීණයන්ගේ සංගමය මගින් සාමාජිකයන්ගේ සෞඛ්‍ය සුබසාධනය උදෙසා ක්‍රියාත්මක කරනු ලබන "ප්‍රවීණ දිරිය" නව සෞඛ්‍ය රක්ෂණ වැඩසටහනට දායකත්වය ලබා ගත හැක.

​ප්‍රතිලාභී කාණ්ඩ (මාසික සාමාජික මුදල අනුව):

​ඔබට පහත සඳහන් ඕනෑම කාණ්ඩයක් යටතේ මෙයට දායක විය හැක:

• ​Bronze: රු. 100.00
• ​Silver: රු. 250.00
• ​Gold: රු. 500.00
• ​Gold Plus: රු. 750.00
• ​Platinum: රු. 1000.00
​
අයදුම්පත් පහත සදහන් link එකෙන් බාගත කල හැක.
https://airforce.lk/afesa/slesa-applications.php

ඔබගේ සාමජිකත්වය ලබා ගැනීම ගැනීම පිළිබදව විස්තර ලබා ගැනීමට පහත දුරකථන අංක හෝ විද්‍යුත් තැපෑල ඔස්සේ සේවාමුක්ත සංගමය හා සම්බන්ධ වන්න.

දුරකථන අංක:
සාමාන්‍ය ඇමතුම්:
011 234 0045 - කාර්යාලය
ජංගම දුරකථන ඇමතුම්:

074 017 0604- ලේකම් කමල් පද්මකාන්ත මහතා
074 040 2421- ධම්මි පෙරේරා මහත්මිය.
074 041 0278 - වරුණි මහත්මිය
WhatsApp : 074 064 1687

විද්‍යුත් තැපෑල (Email): [email protected]

ලිපිනය:
ශ්‍රී ලංකා ගුවන් හමුදා සේවාමුක්ත සංගමය,
ඊගල්ස් ස්කය් ලින්ක් සංකීර්ණය,
ශ්‍රී ලංකා ගුවන් හමුදා ගුවන්පුර,
කොළඹ 08,

ඔබගේ සේවාමුක්ත මිතුරන්, මේ පිළිබඳව දැනුවත් කිරීමට කාරුණික වන්න. අපි එක්ව අපේ විරුවන්ගේ හෙට දවස ශක්තිමත් කරමු!

ශ්‍රි ලං ගු හ සේවාමුක්ත සංගමය
*-මාධ්‍ය ඒකකය-*

Ex-Servicemen's Association

20/08/2026

ශ්‍රී ලංකා ගුවන් හමුදා සේවාමුක්ත සංගමයේ සාමාජිකයින් සඳහා වෙන්වූ නිවාඩු නිකේතන පහසුකම්

ගුවන් හමුදා සේවාමුක්ත සංගමයේ සාමාජිකයන්ගේ සහ ඔවුන්ගේ පවුල්වල සුභසාධනය වෙනුවෙන් වෙන්වූ නිවාඩු නිකේතන පහසුකම් රැසක් පහත සඳහන් ස්ථානවලදී ලබාගත හැක.

පවතින නිවාඩු නිකේතන:

අනුරාධපුර නිවාඩු නිකේතනය:
ඓතිහාසික අනුරාධපුරයේ සංචාරය කිරිම සදහා

කතරගම වැඩසිටිකන්ද නිවාඩු නිකේතනය:
කතරගම පූජා භූමිය වන්දනා කිරීමට පැමිණෙන අය සදහා

චීනවරාය ගුවන් හමුදා නිවාඩු නිකේතනය:
(මෙය සැරයන් නිවස්නය මගින් සිදුකරනු ලබන සුභසාධන ව්‍යාපෘතියක් බැවින්, අධිකාරී නොලත් ජ්‍යෙෂ්ඨ නිලධාරීන් සඳහා පමණක් හිමිවේ.)

වෙන්කරවා ගැනීම් සහ වැඩිදුර තොරතුරු සඳහා:

ඔබගේ නිවාඩු නිකේතන පහසුවෙන් වෙන්කරවා ගැනීමට පහත දුරකථන අංක හෝ විද්‍යුත් තැපෑල ඔස්සේ සේවාමුක්ත සංගමය හා සම්බන්ධ වන්න.

දුරකථන අංක:
සාමාන්‍ය ඇමතුම්:
011 234 0045
ජංගම දුරකථන ඇමතුම්:
074 041 0278 | 074 017 0604 | 074 040 2421
WhatsApp : 074 064 1687

විද්‍යුත් තැපෑල (Email): [email protected]

ලිපිනය:
ශ්‍රී ලංකා ගුවන් හමුදා සේවාමුක්ත සංගමය,
ඊගල්ස් ස්කය් ලින්ක් සංකීර්ණය,
ශ්‍රී ලංකා ගුවන් හමුදා ගුවන්පුර,
කොළඹ 08,

ශ්‍රි ලං ගු හ සේවාමුක්ත සංගමය
-මාධ්‍ය ඒකකය-

19/08/2026

ශ්‍රී ලංකා ගුවන් හමුදා සේවාමුක්ත සංගමයේ තේමා ගීතය එළිදැක්වේ!

ශ්‍රී ලංකා ගුවන් හමුදා සේවාමුක්ත සංගමයේ (SLAFESA) 45 වන අභිමානවත් වාර්ෂික මහා සභා වාරයට සමගාමීව, සංගමයේ නිල තේමා ගීතය 2026 අගෝස්තු මස 15 වන දින අභිමානවත් ලෙස එළිදක්වන ලදී.

දේශයට සේවය කළ සියලුම ගුවන් හමුදා රණවිරුවන්ගේ අභිමානය, සහෝදරත්වය සහ එකමුතුකම තනුවකට කැටි කළ මෙම විශිෂ්ට නිර්මාණයේ පද රචනය, තනුව සහ සංගීතය, විශ්‍රාමික බලලත් නිලධාරී ඩී. ඩී. සී. නවරත්න මහතා විසින්ද, තාරක ආචාරිගේ මහතාගේ ගායනයෙන්ද, පසුබිම් ගායනයෙන් අප සංගමයේ සාමාජිකයන් කිහිපදෙනෙකුද දායක විය.

අපගේ අතීත සේවය සහ සහෝදරත්වයේ මතකයන් තව තවත් අලුත් කරන මෙම තේමා ගීතයට සවන් දී අපගේ සංගමය වටා රොක් වන ලෙස සියලුම සාමාජිකයින්ට මෙයින් ආරාධනා කර සිටිමු.

ශ්‍රි ලංකා ගුවන් හමුදා සේවාමුක්ත සංගමය
- මාධ්‍ය ඒකකය

18/08/2026

ශ්‍රී ලංකා ගුවන් හමුදා සේවාමුක්ත සංගමයේ 45 වන වාර්ෂික මහා සභා රැස්වීම සහ සුහද හමුව සාර්ථකව නිමාවට දකියි!

ශ්‍රී ලංකා ගුවන් හමුදා සේවාමුක්ත සංගමයේ 45 වන වාර්ෂික මහා සභා රැස්වීම සහ සුහද හමුව 2026 අගෝස්තු 15 වන දින අත්තිඩිය Eagles' Lakeside උත්සව සහ සම්මන්ත්‍රණ ශාලා පරිශ්‍රයේදී අතිඋත්කර්ෂවත් අන්දමින් පැවැත්විණි.

ජ්‍යෙෂ්ඨ නිලධාරීන්, නිලධාරීන් සහ සසුනි/සෙසු නිලයන් ඇතුළු සංගමයේ සාමාජික සාමාජිකාවන් 800 කට අධික විශාල පිරිසකගේ සුහද සහභාගීත්වයෙන් මෙවර මහා සභාව අභිමානවත් ලෙස ආරම්භ විය.

ගුවන් හමුදාධිපති එයාර් මාර්ෂල් බන්දු එදිරිසිංහ මහතා ප්‍රධාන ආරාධිත අමුත්තා ලෙස සහභාගී වූ අතර, සංගමයේ සභාපති එයාර් වයිස් මාර්ෂල් හේමන්ත සොයිසා (විශ්‍රාමික) මහතා ඇතුළු නිලධාරී මණ්ඩලය විසින් එතුමන්ව ඉතා උණුසුම් ලෙස පිළිගන්නා ලදී.

මෙම අවස්ථාව සඳහා ගුවන් හමුදා අධ්‍යක්ෂ ජනරාල්වරුන්, සම්බන්ධීකරණ නිලධාරීතුමන්, සංගමයේ හිටපු සභාපතිවරුන් ඇතුළු ආරාධිත අමුත්තන් රැසක් එක්ව සිටියහ.

2026/2027 වර්ෂය සඳහා නව නිලධාරී මණ්ඩලය පත් කර ගැනීම සිදුවිය.එයාර් වයිස් මාර්ෂල් හේමන්ත සොයිසා (විශ්‍රාමික) මහතා නිතරගයෙන් පත් විය. හිටපු ලේකම් කමල් පද්මකාන්ත මහතා ඉදිරි වසර සදහාද ලේකම් ධුරය හිමිවිය. භාණ්ඩාගාරික ලෙස මොහාන් කුමාර මහතා තේරී පත් විය. උප සභාපතිවරුන් ලෙස ඡන්ද විමසීමකින් අනතුරුව එයාර් කොමඩෝර් අමල් විමලරත්න මහතා, හෙන්රි ප්‍රනාන්දු මහතා සහ දයාවංශ මහතා තේරී පත් විය. මීට අමතරව සහකාර ලේකම්වරුන් 02 ක්, සහකාර භාණ්ඩාගාරිකවරුන් 02 ක් සහ විධායක කමිටු සාමාජිකයින් 9 දෙනෙකු මහා සභාව විසින් තේරී පත් කර ගන්නා ලදී.

තවද, මෙතෙක් කල් සංගමයට තේමා ගීතයක් නොමැති වූ අතර එදින සංගමයේ තේමා ගීතය එලිදැක්වීමද, සංගමයේ සුවිශේෂ සංදිස්ථානයක් ලෙස ඉතිහාසයට එක්වනු ඇත.

එසේම, සංගමයේ ඉදිකිරීමට යෝජිත නව නිවාඩු නිකේතනය සදහා අරමුදල් එකතු කිරීමට එදින සාමාජිකයන් හට ටිකට්පතක් අලෙවි කල අතර ජයග්‍රාහකයින් උදෙසා එදිනම ත්‍යාගද පිරිනමන ලදී.

අපගේ දැක්ම සහ ඉදිරි ගමන ලෙස පසුගිය වසර පුරා අප සංගමය විසින් ක්‍රියාත්මක කරන ලද සුභසාධන වැඩසටහන්, 'Sky Legacy' රණවිරු උපහාර සහ සේවා පියස ව්‍යාපෘතිය, ආපදා සහන මූල්‍ය ආධාර වැඩසටහන් මෙන්ම සාමාජිකයන්ගේ සහ පවුල්වල සුභසාධනය වෙනුවෙන් ඉටුකළ මෙහෙවර ඉදිරියටත් වඩාත් ශක්තිමත්ව පවත්වාගෙන යාමට නව නිලධාරී මණ්ඩලය කැපවී සිටිනු ඇක.

අපගේ රණවිරු සහෝදරත්වය සහ එකමුතුකම තවදුරටත් ඉදිරියටම ගෙන යාමට එක්වූ සියලුම සාමාජිකයින්ට සහ ගෞරවනීය අමුත්තන්ට අපගේ හදපිරි ප්‍රණාමය!

ශ්‍රි ලංකා ගුවන් හමුදා සේවාමුක්ත සංගමය
-AFESA-මාධ්‍ය ඒකකය-