Divisional Secretariat Dambulla

30/05/2026

🪷බැති සිතින් සැමට ආරධනා... 🙏

29/05/2026

සම්බුදු තෙමඟුල නිමිත්තෙන් කාර්යාල පරිශ්‍රයේදී පැවැත්වුණු වෙසක් ධර්ම දේශනාව
​වෙසක් සතිය නිමිත්තෙන් අප ආයතනය විසින් සංවිධානය කරන ලද ධර්ම දානමය පින්කම අද දින කාර්යාල පරිශ්‍රයේදී සාර්ථකව පවත්වා නිම කරන ලදී.
​මෙම පින්කම සඳහා ධර්ම දේශකයාණන් වහන්සේ ලෙස ඇඹුල්අඹේ ශ්‍රී ශෛලතලාරාමාධිපති පූජ්‍ය ලේනව පියරතන ස්වාමීන් වහන්සේ වැඩම කොට වදාළ සේක.
​සහභාගී වූ සහ සහයෝගය දැක්වූ සැමට පින්! සැමට සම්මා සම්බුදු සරණයි! 🙏

29/05/2026

⚡ බලශක්තිය කළමනාකරණය කරමු - රටම දිනවමු! 🇱🇰

රටේ බලශක්ති සුරක්ෂිතතාව වෙනුවෙන් ක්‍රියාත්මක වන 'සුරකිමු ලංකා' ජාතික මෙහෙයුමට අපේ දායකත්වය ලබා දෙමු. විදුලි නාස්තිය අවම කරමින්, බලශක්තිය නිසි ලෙස කළමනාකරණය කරගැනීම ගැන කියවෙන මේ වැදගත් වීඩියෝව ඔබගේ රාජ්‍ය ආයතන සතු සමාජ මාධ්‍ය ජාලාහි අද දින (29) රාත්‍රී 8.00ට upload කරමින් මෙම ජාතික මෙහෙයුම සාර්ථක කර ගැනීමට ශක්තියක් වන මෙන් කාරුණිකව ඉල්ලා සිටිමි.

*ක්ලින් ශ්‍රී ලංකා ලේකම් කාර්යාලය*🇱🇰

28/05/2026

වෙසක් සතිය නිමිති කරගනිමින් ශ්‍රමදාන වැඩසටහන් සිදුකිරීම යටතේ දඹුල්ල ශ්‍රී ජිනරතන ළමා නිවාසයේ
පිරිසිදු කිරීම් කටයුතු 2026 .05 26 දින සිදු කරන ලද අවස්ථාව

මේ සඳහා බෞද්ධ කටයුතු නිලධාරීන් සංස්කෘතික නිලධාරීන්
ඵලදායිතා නිළධාරි සහ
ළමා සමාජ දරුවන් පිරිසක්ද දෙමාපියන්ද සහභාගී වන ලදී ....

28/05/2026

28/05/2026

🟢 'සුරකිමු ලංකා' බලශක්ති සුරක්ෂිතතා වැඩසටහනට කැබිනට් අනුමැතිය 🟢

ජනාධිපති ලේකම් කාර්යාලය, බලශක්ති අමාත්‍යාංශය, ශ්‍රී ලංකා සුනිත්‍ය බලශක්ති අධිකාරිය සහ ක්ලීන් ශ්‍රී ලංකා ලේකම් කාර්යාලය එක්ව සංවිධානය කරනු ලබන 'සුරකිමු ලංකා' බලශක්ති සුරක්ෂිතතා ජාතික මෙහෙයුම සියලූම සියලූම රාජ්‍ය, අර්ධ රාජ්‍ය පෞද්ගලික අංශය සහ මහජනතාව සම්බන්ධ කරමින් ක්‍රියාත්මක කිරීමට කැබිනට් අනුමැතිය හිමිව ඇත.

පොසිල ඉන්ධන මත අධික ලෙස රඳා පැවතීම, අහිතකර කාලගුණය, භූ දේශපාලනික අස්ථාවරත්වය සහ ලෝක වෙළෙඳපොළේ මිල උච්ඡාවචනයන් හේතුවෙන් ශ්‍රී ලංකාවේ බලශක්ති සුරක්ෂිතතාව අභියෝගයට ලක්ව ඇති අතර, පාරිභෝගිකයන්ගේ අවිධිමත් විදුලි භාවිතය නිසා ඉහළ යන ඉන්ධන ආනයන වියදම ජාතික ආර්ථිකයට දැඩි පීඩනයක් එල්ල කරයි. මෙම තත්ත්වය කළමනාකරණය කරමින් රටේ බලශක්ති සුරක්ෂිතතාව තහවුරු කිරීම සඳහා, පුනර්ජනනීය බලශක්තිය වැඩිපුර ජනනය වන කාලසීමාවන් තුළ විදුලිය පරිභෝජනය කිරීමට මහජනතාව යොමු කිරීම සහ බලශක්ති කාර්යක්ෂමතාව ඉහළ නැංවීමට අවශ්‍ය චර්යාත්මක වෙනස්කම් ඇති කිරීම අරමුණු කරගනිමින් ඉදිරියේදී වඩාත් ත්‍රීව ලෙස මෙම වැඩසටහන ක්‍රියාත්මක කිරීමට නියමිතය.

28/05/2026

සීගිරිය ආශ්‍රිත සංචාරක කලාපයේ සංචාක සංර්වධනයට අදාළ ගැටලු ගැටළු සාකච්ඡා කිරීම ____

සංචාරක නියෝජ්‍ය අමාත්‍ය, ගරු මහාචාර්ය රුවන් රණසිංහ මැතිතුමා හා මාතලේ දිස්ත්‍රික් පාර්ලිමේන්තු මන්ත්‍රී, දිස්ත්‍රික් සංචාරක අනුකමිටුවේ ගරු සභාපති සුනිල් බියන්විල මැතිතුමාගේ ප්‍රමුඛ මහජන නියෝජියින්ගේ ද,

විදේශ කටයුතු, විදේශ රැකියා සහ සංචාරක අමාත්‍යාංශයේ අතිරේක ලේකම් (සංර්වධන), එස්.එම්. නසීර් මහතා සහ දිස්ත්‍රික් ලේකම් ප්‍රසන්න මදනායක මහතා ප්‍රමුඛ රාජ්‍ය නිලධාරීන්ගේ ද,

සීගිරිය – දඹුල්ල සංචාරක ක්ෂේත්‍රය හා සම්බන්ධ සංගමයන්හි නියෝජිතයන් ගේ ද සහභාගිත්වයෙන්

2026.05.27 දින දඹුල්ල ප්‍රාදේශීය ලේකම් කාර්යාලීය ශවණාගාරයේදී පවත්වන ලදි.

28/05/2026

🪷රංගිරි දඹුලු සිරසා නමාමි වෙසක් කලාපය 🪷

27/05/2026

🌱♻️ “පරිසරය හා සමාජ වගකීම්” පිළිබඳ දැනුවත් කිරීමේ දේශනය අද දින (2026.05.27) ඉනාමලුව වෘත්තීය පුහුණු අධිකාරියේ පුහුණුලාභීන් සඳහා පරිසර සංවර්ධන නිලධාරීගේ සම්පත් දායකත්වයෙන් සාර්ථකව පැවැත්විණි.
පරිසර සංරක්ෂණය, සමාජ වගකීම් සහ තිරසාර අනාගතයක් ගොඩනැගීම පිළිබඳව පුහුණුලාභීන්ගේ දැනුම හා වගකීම වැඩිදියුණු කිරීමට මෙම වැඩසටහන මඟින් අවස්ථාව හිමි විය. 🌍💚
“අද අප ගන්නා වගකීම්, හෙට ලෝකය සුරක්ෂිත කරයි.” ✨

26/05/2026

දඹුල්ල ප්‍රාදේශීය සම්බන්ධීකරණ කමිටුව 2026.05,26 දින දඹුල්ල ප්‍රාදේශීය සම්බන්ධීකරණ කමිටු සභාපති හා මාතලේ දිස්ත්‍රික් පාර්ලිමේන්තු මන්ත්‍රී ගරු සුනිල් ජයලත් බියන්විල මැතිතුමාගේ ප්‍රධානත්වයෙන් පවත්වන ලදී.

කොට්ඨාශයේ සියලු රාජ්‍ය ආයතන සම්බන්ධකරණය කරමින් පවතින ගැටලු හා ඒවාට විසඳුම් ලබා ගැනීම මෙහිදී සිදුවිය.

දඹුල්ල ගරු නගරාධිපති වසන්ත කේ. රාජමන්ත්‍රී මැතිතුමා හා ප්‍රාදේශීය සභා ගරු සභාපති ඩබ්.එම්. තිලකරත්න මැතිතුමා ඇතුළු ප්‍රාදේශය සභා මන්ත්‍රීවරුන් , දඹුල්ල ප්‍රාදේශීය ලේකම් එන්.එම්.උපේක්ෂා කුමාරි මහත්මිය ඇතුළු රාජ්‍ය නිලධාරීන් මේ සඳහා සහභාගී විය.