Divisional Secretariat Dambulla

19/09/2026

ජාතික පවිත්‍රතා වැඩසටහනට සමගාමිව සිදුකරන “අත්තම වැඩසටහන” දෙවන වරටත් 2026.09.19 වන අද දින අභිනවයෙන් ප්‍රජාදායකත්වය ඇතිව ඉදිවන වෑවලවැව ග්‍රාමිය ලේකම් කාර්යාල භූමියේදි ප්‍රාදේශීය ලේකම් තුමියගේ ප්‍රධානත්වයෙන් සිදු කරන ලදී.
මේ සදහා ප්‍රාදේශීය සභාවේ ගරු සභාපති තුමා,උප සභාපතිතුමා ප්‍රමුඛ මන්ත්‍රීවරු, සීගිරිය ගුවන් හමුදා කදවුරේ නිළධාරීන්, ප්‍රාදේශීය ලේකම් කාර්යාලීය නිළධාරින් හා වසම භාර නිළධාරින් ස්වෙච්ඡා සංව්ධාන හා ග්‍රාම නිළධාරි වසමේ ප්‍රජාව සහභාගිත්වයෙන්, සේවා පියස පරිශ්‍රයේ භූමිය සමතලාකර, පිඩැලි අල්ලා, පැළ රෝපණය කර එම පරිශ්‍රය සංරක්ෂණ කිරීම සාර්ථකව සිදු කරන ලදී.

බැකෝ යන්ත්‍රය ලබා දීමෙන් හා සයෝගය දැක්වීම වෙනුවෙන් ප්‍රාදේශීය ස්භාවේ සභාපතිතුමා ප්‍රමුක මන්ත්‍රීතුමන්ලාට, සීගිරිය ගුවන් හමුදා කදවුරට, සහභාගී වූ නිලධාරීන්ට හා ගම්වාසී ප්‍රජාවට විශේෂ ස්තුතිය පිරිනමමු.
(මෙහෙයවීම හා අධීක්ෂණය ප්‍රාදේශීය මහ ලේකම් කාර්යාලය දඹුල්ල)

19/09/2026

☀️ “දිය ජනනි” පාවෙන සූර්ය බලශක්ති ව්‍යාපෘතිය ජාතික විදුලි පද්ධතියට එක් කෙරේ 🇱🇰
📍 ඉබ්බන්කටුව ජලාශය, දඹුල්ල
📅 2026 සැප්තැම්බර් 18
🏗️ Windforce පුද්ගලික සමාගම

Windforce පුද්ගලික සමාගම විසින් දඹුල්ල, ඉබ්බන්කටුව ජලාශයේ ජල මතුපිට ඉදිකරන ලද මෙගාවොට් 5ක ධාරිතාවකින් යුත් “දිය ජනනි” පාවෙන සූර්ය බලශක්ති ව්‍යාපෘතිය 2026 සැප්තැම්බර් 18 වන දින අතිගරු ජනාධිපතිතුමන්ගේ ප්‍රධානත්වයෙන් ජාතික විදුලි පද්ධතියට එක් කරන ලදී.

අක්කර 10.5ක පමණ ජල මතුපිට ප්‍රදේශයක් භාවිතා කරමින් ක්‍රියාත්මක වන මෙම ව්‍යාපෘතිය මඟින් වසරකට නිවාස 7,500කට පමණ අවශ්‍ය විදුලිය සැපයීමට හැකියාව ලැබෙන අතර, විශාල ගොඩබිම් ප්‍රදේශයක් භාවිතා නොකර පවතින ජලාශයක ජල මතුපිට ඵලදායී ලෙස භාවිතා කර සූර්‍ය බලශක්තිය නිෂ්පාදනය කිරීම මෙහි විශේෂත්වයකි.

ජලාශයේ සමස්ත ජල මතුපිට ප්‍රමාණයෙන් 1%කට ආසන්න සීමිත ප්‍රදේශයක් පමණක් භාවිතා කිරීම, ජල මට්ටමේ වෙනස්වීම්වලට අනුව ක්‍රියා කළ හැකි anchoring පද්ධතියක් භාවිතා කිරීම සහ ජලජ පරිසර පද්ධතියට ඇති බලපෑම අවම කිරීම මෙහි තවත් සුවිශේෂී ලක්ෂණ වේ.

තවද, ප්‍රදේශයේ ධීවර ප්‍රජාවගේ ජීවනෝපාය ශක්තිමත් කිරීම සඳහා ප්‍රජා වැඩසටහන් ක්‍රියාත්මක කරමින්, රුපියල් මිලියන 2ක පමණ ආධාරයක් මඟින් මඩ පොකුණු හා ධීවර උපකරණ සඳහා සහාය ලබාදීමටද කටයුතු කර ඇත.

මෙම ව්‍යාපෘතිය මඟින් වසරකට කාබන් ඩයොක්සයිඩ් විමෝචනය මෙට්‍රික් ටොන් 6,440කින් පමණ අඩු කිරීමට දායක වන අතර, දේශීය ඉංජිනේරුවන් සහ තාක්ෂණික කණ්ඩායම්වල දායකත්වයෙන් ඉදිකිරීමද විශේෂත්වයකි.

🌱 තිරසර බලශක්තියක්, පරිසර හිතකාමී සංවර්ධනයක්, හරිත අනාගතයක් ⚡

https://www.facebook.com/share/v/18T8Xnssq5/

13/09/2026

ප්‍රාදේශීය දහම් පාසල් සිසු නිපුණතා ඇගයීම – 𝟐𝟎𝟐𝟔

2026 සැප්තැම්බර් 13 වන දින දඹුල්ල කොට්ඨාසයේ ප්‍රාදේශීය දහම් පාසල් සිසු නිපුණතා ඇගයීම් තරඟාවලිය මා/රංගිරි දඹුලු ජාතික පාසලේදී පැවැත්විණි.

මෙම උත්සවය රංගිරි දඹුලු රජමහ විහාරය හා ශ්‍රී විෂ්ණු මහ දේවාලයේ භාරකාර ධුරන්දර දඹුල්ල ශාසනාරක්ෂක බල මණ්ඩල ලේඛකාධිකාරි ශාස්ත්‍රපති පූජ්‍ය දඬුබැඳිරුප්පේ මහින්ද ස්වාමීන් වහන්සේගේ හා උයන්වත්ත පුරාණ රජමහා විහාරාධිපති ජිනරතන භික්ෂු පුහුණු මධ්‍යස්ථානයේ අධ්‍යක්ෂක දඹුල්ල ප්‍රදේශීය ශාසනාරක්ෂක මණ්ඩලයේ ගරු සභාපති පූජ්‍ය හල්මිල්ලවැවේ පේමරතන ස්වාමීන් වහන්සේගේ අනුශාසනා පරිදි දඹුල්ල ප්‍රාදේශීය ලේකම් තුමියගේ ප්‍රධානත්වයෙන් පැවැත්විණි.

මෙම සියලු තරඟ විනිශ්චය කිරීම සඳහා ප්‍රාදේශීය ලේකම් කාර්යාලීය මාණ්ඩලික නිලධාරීන්ගේ හා අනෙකුත් දායකත්වය දුන් සියලුම නිලධාරීන්ගේ නොමද දායකත්වය තුළින්ද, දහම් පාසල් ආචාර්ය තුමන්ලා තුමියන්ලාගේ දායකත්වයෙන්ද මේ සියලු විනිශ්චය කටයුතු සාර්ථකව සිදුකරනු ලැබිණි.

තරඟාවලියේ ජයග්‍රාහක සිසුන් වෙත ත්‍යාග හා සහතික පත් ප්‍රධානය කළ අතර, කොට්ඨාසයේ දහම් පාසල් අතර සමස්ත දක්ෂතා මත පළමු, දෙවන හා තෙවන ස්ථාන හිමිකරගත් දහම්පාසල් සඳහා කුසලාන ද පිරිනමන ලදි.

කොට්ඨාසයේ වැඩිම ලකුණු ලබා ප්‍රථම ස්ථානය ගල්ලෙනවත්ත සිරි ජිනවංශ දහම් පාසල විසින් හිමි කරගන්නා ලදි.

ජයග්‍රහණය කළ සියලුම දූ දරුවන්ට හා ඔවුන්ගේ දහම් පාසල් වලට හදපිරි සුභාශිංසන පිරිනමමු.

11/09/2026

ඔබේ ආර්ථිකයට අත්වැලක් සමග සුන්දරත්වය, රස හා සතුට සපිරි නිමැවුමක්.

මධ්‍යම පළාත් කර්මාන්ත අමාත්‍යාංශයේ තරුණ කටයුතු අංශය හා
දඹුල්ල ප්‍රාදේශීය ලේකම් කාර්යාලයේ තරුණ කටයුතු සංවර්ධන නිලධාරි විසින් සංවිධානය කරනු ලබන දින 10ක අයිසිං මල් නිර්මාණය කිරීමේ පුහුණු පාඨමාලාවේ පළමු දිනය දඹුල්ල ප්‍රාදේශීය ලේකම් කාර්‍යාලයේ දී 2026.09.11වන දින ආරම්භ කරන ලදි.

10/09/2026

08/09/2026

2026.09.01 සහ 2026.09.04 දිනයන්හි සහකාර ප්‍රාදේශීය ලේකම්තුමියගේ ප්‍රධානත්වයෙන් හා අනෙකුත් රාජ්‍ය නිලධාරීන්ගේ සහභාගීත්වයෙන් ඉහල ඇරෑවුල වසමේ පවත්වන ලද ඉඩම් කච්චේරිය ඉහල ඇරෑවුල ග්‍රාම නිලධාරී කාර්‍යාලයේදී ඉතා සාර්ථකව පවත්වන ලදී.

06/09/2026

සීගිරිය මයිලත්තෑව ශ්‍රී සිංහගිරි දර්ශනාරාමයේ විහාරාධිපතිව වැඩ විසූ පූජ්‍ය වටපාන ජිනානන්ද හිමිපාණන් වහන්සේගේ ආදාහන පුජෝත්සවය 2026.09.06 වන දින රංගිරි දඹුලු ආදාහනාගායේදී සිදු කරන ලදි.

29/08/2026

"පොහොසත් රටක් - ලස්සන ජීවිතයක්." - සළුඅපුල්ලනවැව සංචාරක ගමනාන්තයේ දෙවෙනි පියවර වන ඇවිදීමේ මං තීරුවත්, සෝලා පහන් කනු සහ ගිමන් හැරීමට ආසන ඉදිකිරීමේ කටයුත්ත සදහා මුල් ගල් තැබීම අද දින දඹුල්ල මහා නගර සභාවේ නගරාධිපති වසන්ත රාජමන්ත්‍රී මහතා හා ප්‍රදේශීය ලේකම් තුමියගේ සහභාගිත්වයෙන් 2026.08.29 දින සිදු කරන ලදි.

මේ සඳහා දඹුල්ල මහා නගර සභාවේ නියෝජ්‍ය නගරාධිපති ඇතුළු මන්ත්‍රී මණ්ඩලය , ප්‍රදේශීය ලේකම් කාර්යාලයේ සැලසුම් අධ්‍යක්ෂතුමිය ප්‍රමුඛ නිළධාරී මඩුල්ල හා ගොවි සංවිධානයේ නිළධාරි මහත්ම මහත්මීන් ඇතුලු ප්‍රදේශ වාසී පිරිසක් සම්බන්ධ වූහ.

24/08/2026

දිට්වා සුළි කුනාටුව හමුවේ ස්ත්‍රී පුරුෂ සමාජ භාවය මත පදනම් වු හිංසනයන් වැලැක්වීම හා ප්‍රතිචාර ශක්තිමත් කිරීම සම්බන්ධයෙන් දැනුවත් කිරීමේ වැඩසටහන 2026.08.24 දින රාජ්‍ය නිලධාරීන් හා වෙනත් රාජ්‍ය ආයතන වල නිලධාරීන් වෙනුවෙන් ප්‍රාදේශීය ලේකම් කාර්යාලයේදී පවත්වන ලදි .
වැඩසටහන සඳහා සම්පත් දායකත්වය අඹන්පොළ ප්‍රාදේශීය ලේකම් කාර්‍යාලයේ උපදේශන නිලධාරී කේ.එම්.යූ. ජයවීර මහතා විසින් සපයන ලදි.