27/08/2026
නිකිණි පුර පසළොස්වක පෝය දිනය බෞද්ධ ඉතිහාසයේ සහ ශාසනික වශයෙන් ඉතා වැදගත් සිදුවීම් රැසක් සලකුණු කරන උතුම් දිනයකි.
ප්රධාන ඓතිහාසික හා ශාසනික වැදගත්කම:
ප්රථම ධර්ම සංගායනාව ආරම්භ වීම: බුදුරජාණන් වහන්සේගේ පරිනිර්වාණයෙන් තෙමසකට පසු, මහා කාශ්යප හිමියන්ගේ ප්රධානත්වයෙන් සහ අජාසත්ත රජුගේ අනුග්රහයෙන් රජගහනුවර සත්තපණ්ණි ගුහා ද්වාරයේදී ප්රථම ධර්ම සංගායනාව ආරම්භ වූයේ නිකිණි පෝය දිනයකය.
ආනන්ද හිමියන් රහත් භාවයට පත්වීම: ප්රථම ධර්ම සංගායනාවට පෙර දින රාත්රියේ ධර්ම භාණ්ඩාගාරික ආනන්ද හිමියන් සිව් ඉරියව්වෙන්ම තොරව උතුම් අරහත් ඵලයට පත් වූයේ නිකිණි පෝදා ය.
පසුවස් එළඹීම: ඇසළ පෝයදා පෙරවස් එළඹීමට නොහැකි වූ භික්ෂූන් වහන්සේලාට නිකිණි පෝය දින පෝය කොට ඊට පසුදා 'පසුවස්' එළඹීමට බුදුරජාණන් වහන්සේ අනුමත කර ඇත.
රාහුල හිමියන් අරහත් භාවයට පත්වීම: බුදුරජාණන් වහන්සේ දේශනා කළ රාහුලෝවාද සූත්රය ශ්රවණය කිරීමෙන් පසු රාහුල හිමියන් රහත් භාවයට පත්වූයේද නිකිණි පෝහෝ දිනයකය.
ශ්රී දළදා පෙරහැර මංගල්යය නිමා වීම: මහනුවර ඇසළ පෙරහැර මංගල්යයේ අවසන් රන්දෝළි පෙරහැර සහ දියකැපීමේ මංගල්යය පවත්වා පෙරහැර කටයුතු නිමා කරන්නේද නිකිණි පෝය ආසන්න කරගනිමිනි.
