What are the opening hours?

Monday 08:30 - 16:15 Tuesday 08:30 - 16:15 Wednesday 08:30 - 16:15 Thursday 08:30 - 16:15 Friday 08:30 - 16:15

https://www.facebook.com/120046904401350/

Deraniyagala Pradeshiya sabha Pre School, Now 90, Dehiowita Road, Deraniyagala (2026)

25/06/2026

🍦🍨 අයිස්ක්‍රීම් දන්සල 2026 🍨🍦

පොසොන් පුන් පොහොයට සමගාමීව දැරණියගල ප්‍රාදේශීය සභා පෙර පාසලේ දූ දරුවන් විසින් සංවිධානය කරන අයිස්ක්‍රීම් දන්සල 2026 ජූනි මස 26 වන දින උදෑසන 10.30 සිට බහුකාර්ය ගොඩනැගිල්ල ඉදිරිපිට පැවැත්වේ.

සියලු දෙනාටම පැමිණ මෙම පුණ්‍ය කටයුත්තට සහභාගී වී දරුවන් දිරිමත් කරන ලෙස ආදරයෙන් ආරාධනා කරමු. ❤️🙏

📅 2026 ජූනි 26
⏰ උදෑසන 10.30 සිට
📍 බහුකාර්ය ගොඩනැගිල්ල ඉදිරිපිට

ඔබ සැමට සාදරයෙන් ආරාධනා! 🌸

#දැරණියගලps #අයිස්ක්‍රීම්_දන්සල 🍦💖

03/06/2026

🌕🙏 සම්බුදු තෙමඟුල බැතියෙන් සමරමු 🙏🌕
පුංචි අපේ වෙසක් 2026

දැරණියගල ප්‍රාදේශීය සභා පෙර පාසල
ලොව්තුරා සම්මා සම්බුදුරජාණන් වහන්සේගේ උත්පත්තිය, බුදුවීම හා පරිනිර්වාණය සිහිපත් කරන ශ්‍රී සද්ධර්මයෙහි අති උතුම් වූ වෙසක් මංගල්‍යය නිමිත්තෙන්, අපගේ පුංචි දූ දරුවන් සමඟ ආගමික හා සංස්කෘතික වටිනාකම් හඳුනා ගනිමින් විවිධ නිර්මාණාත්මක ක්‍රියාකාරකම් සිදු කළෙමු.

👉වෙසක් කූඩු නිර්මාණය කිරීම
👉චෛත්‍යයක් සකස් කිරීම
👉බෞද්ධ කොඩිය වර්ණ ගැන්වීම
මෙම ක්‍රියාකාරකම් වල නිරත වීම තුළින් දරුවන්ගේ නිර්මාණශීලීත්වය, අවධානය, සහජීවනය හා බෞද්ධ සාරධර්ම කෙරෙහි ඇති ගෞරවය වර්ධනය කිරීමට අපට හැකි විය.
මේ පින්බර වෙසක් සමයේ, සියලු සත්ත්වයෝ නිදුක් වෙත්වා, නිරෝගී වෙත්වා, සුවපත් වෙත්වා! ☸️🪔
සියලු දෙනාටම සාමය, සතුට සහ සෙත සපිරි පින්බර වෙසක් මංගල්‍යයක් වේවා! 🌼🙏
#පුංචිඅපේවෙසක්2026 #සම්බුදුතෙමඟුලබැතියෙන්සමරමු #දැරණියගලps ☸️🪔🌕

16/05/2026

🌸 “අම්මලාට මොකටද එක දවසක්… අම්මා කියන්නේම මුළු සසරක්.” 🌸

ලෝකයේ උතුම්ම ආදරය, කැපවීම සහ සෙනෙහස පිරුණු හදවත අම්මාගේ හදවතයි.
අපි වැටෙන හැම මොහොතකම අල්ලාගන්න, අපි අඬන හැම වෙලාවකම තුරුල් කරගන්න, අපේ සතුට වෙනුවෙන් තමන්ගේ ජීවිතයම කැප කරන ඒ උතුම් චරිතය “අම්මා”යි. ❤️

මව්වරුන්ගේ දිනය කියන්නේ අම්මලාට ආදරය කියන්න වෙන් කරපු එකම දවස නොවෙයි…
නමුත් අම්මාගේ අගය, කැපවීම සහ සෙනෙහස මතක් කරලා “ස්තූතියි අම්මේ” කියන්න ලැබෙන විශේෂ දවසක්. 🌷

ඒ ආදරණීය මතකය සමරමින්,
දැරණියගල ප්‍රාදේශීය සභා පෙර පාසලේ පුංචි අපිත් අපේ ආදරණීය අම්මලා වෙනුවෙන් සුභ පැතුම් පතක් සකසා මව්වරුන්ගේ දිනය ආදරයෙන් සැමරුවා. 🥰🙏

සියලුම ආදරණීය මව්වරුන්ට
සුභ මව්වරුන්ගේ දිනයක් වේවා! 💐❤️

13/03/2026

සිඟිති පොළ – 2026

දැරණියගල ප්‍රාදේශීය සභා පෙර පාසලේ දූ පුතුන්ගේ “සිඟිති පොළ” වැඩසටහන සාර්ථකව 2026 මාර්තු මස 13 වන දින දැරණියගල ප්‍රාදේශීය සභා සෙල්ලම් මිදුලේ දී පැවැත්වුණි.

මෙම සිඟිති පොළ පැවැත්වීම මඟින් දරුවන්ට වෙළඳාම පිළිබඳ මුල් අවබෝධයක් ලබා ගනිමින් තමන් විසින් නිවසින් රැගෙන එන ලද භාණ්ඩ අලෙවි කිරීම, මුදල් භාවිතය පිළිබඳ දැනුම ලබා ගැනීම සහ අනෙකුත් අය සමඟ සන්නිවේදනය කිරීම වැනි අත්දැකීම් ලබා ගැනීමට අවස්ථාව ලැබුණි.

දැරණියගල ප්‍රාදේශීය සභාවේ ගරු සභාපති ඉන්දික ප්‍රසාද් රණසිංහ මැතිතුමන් හා ලේකම් ආර්.ඩී. නලින් පුෂ්පකුමාර මහතාගේ ප්‍රධානත්වයෙන් සිඟිති පොළ ආරමිභ කළ අතර එම අවස්ථාවට ජාතික ඉතිරි කිරිමේ බැංකුවෙහි කළමණාකාරතුමිය, දැරණියගල ප්‍රාදේශීය සභාවේ ප්‍රධාන කළමනාකරණ සේවා නිළධාරීතුමිය, පෙර පාසල් විෂයභාර නිළධාරිතුමිය ඇතුළු කාර්ය මණ්ඩලයේ නිළධාරී මහත්ම මහත්මීන් සහභාගී විය.

මෙම වැඩසටහන දරුවන්ගේ ආත්ම විශ්වාසය, නිර්මාණශීලීත්වය සහ සමාජ හැකියාවන් වර්ධනය කරගැනීමට මහත් දායකත්වයක් ලබා දුනි.
🌈 දරුවන්ගේ කුඩා සිහින වර්ණවත් කළ මෙම සුන්දර අවස්ථාවට සහභාගී වූ සියලු දෙනාට අපගේ ස්තුතිය පුද කරමු.
#සිගිතිපොළ

12/03/2026

හෙට තමා දවස - 2026 මාර්තු 13 සිකුරාදා

2026 අධ්‍යයන කණ්ඩායමේ දූ දරුවන්ගේ සිඟිති පොළ උදෑසන 9.30 සිට ප්‍රාදේශීය සභා පෙර පාසල් සෙල්ලම් මිදුලේ දී පැවැත්වෙනවා.

සියලුම දෙනාට ගෞර⁣වයෙන් ආරාධානා කර සිටිනවා පැමිණ අපේ දූ දරුවන්ට ශකිතියක් ⁣වන ලෙසට🙏

05/03/2026

🌾 දරුවන් සඳහා සංවිධානය කරන ලද කෙටි දුර පරිසර චාරිකාව 🌾

දැරණියගල ප්‍රාදේශීය සභාවේ පූර්ණ අධීක්ෂණය යටතේ ක්‍රියාත්මක වන දැරණියගල ප්‍රාදේශීය සභා පෙර පාසල් 2026 අධ්‍යයන කණ්ඩායමේ දරුවන්ගේ අත්දැකීම්මය ඉගෙනීම ප්‍රවර්ධනය කිරීමේ අරමුණින් වෙල් යායක් නැරඹීමට යෑම ක්ෂේත්‍ර චාරිකාවක් 2026 මාර්තු මස 04 වන දින සංවිධානය කරන ලදී. මෙම අවස්ථාවේදී දරුවන්ට ගොවිතැන හා ගොයම් වගාව සම්බන්ධයෙන් මූලික දැනුම ලබා දීමට කටයුතු කරන ලදි.

එහිදී දරුවන් වෙල් යායේ සිදුකරන කාර්යයන් නිරීක්ෂණය කිරීමත් සමඟම ගොයම් කපන ක්‍රියාවලිය සඳහා සක්‍රීයව සහභාගී වූ අතර, ගම්මානීය සංස්කෘතියට ආසන්න අත්දැකීමක් ලෙස ජන ගී ගායනය කිරීමටද දරුවන් උනන්දුවෙන් එක්විය. එමෙන්ම ඇඹුල ගැනීමේ ක්‍රියාවලිය පිළිබඳවද දරුවන්ට ප්‍රායෝගික අත්දැකීමක් ලබා දීම සඳහා වෙල් කමත අසල සිට ආහාරලබා ගැනීමට අවස්ථාව ලබා දෙන ලදි.

මෙම ක්ෂේත්‍ර චාරිකාව හරහා දරුවන්ට ගොවිතැනේ වැදගත්කම, ගොවියන්ගේ මහන්සිය සහ ස්වභාවික පරිසරය සමඟ සම්බන්ධ වීමේ වටිනාකම අවබෝධ කරගැනීමට හැකි වූ අතර, අත්දැකීම්මය ඉගෙනීමේ වැදගත් අවස්ථාවක් ලෙස මෙම වැඩසටහන ක්‍රියාත්මක කරන ලදි.

දැරණියගල දකුණ ප්‍රදේශයේ චම්පික ජයසිංහ මහතා ඇතුළු පවුලේ සැමට මෙම අවස්ථාව දරුවන් වෙනුවෙන් සලසා දීම සම්බන්ධයෙන් ස්තූය ප්‍රකාශ කර සිටින අතර ජනගායනා සමඟ එක් වුන පුන්‍යා ධර්මසූරිය මහත්මියටත්, ප්‍රවාහන පහසුකම් සැපයීම වෙනුවෙන් තරීන් නෙත්වින් පුතුගේ දෙමාපියන්⁣ට සහ
ආහාර සැපයීම වෙනුවෙන් දුල්නිත, සස්මිත, රනුල්‍යා සහ කෙනුලි යන දරුවන්ගේ දෙමාපියන් ඇතුළු දෙමාපියන් සියලුම දෙනාටත් සහයෝගය දක්වන ලද සැමටත් ස්තූතියි.🙏

05/03/2026

කාටත් කියන්න - රෑටත් මදින්න..

පෙර පාසල් දරුවන්ගේ මුඛ සෞඛ්‍ය පරීක්ෂාව සහ දැනුවත් කිරීමේ වැඩසටහන - 2026 මාර්තු 03

පෙර පාසල් දරුවන්ගේ මුඛ සෞඛ්‍ය තත්ත්වය පරීක්ෂා කිරීම සඳහා පාසල් දන්ත චිකිත්සාගාරයේ වෛද්‍ය නිළධාරීතුමිය විසින් විශේෂ සායනයක් හා දැනුවත් කිරීමේ දේශනයක් දැරණියගල ප්‍රාදේශීය සභා පෙර පාසලේ දී පැවැත්විය.

මෙම වැඩසටහන තුළින්,
🦷 දරුවන්ගේ දත් සෞඛ්‍ය පරීක්ෂා කිරීම
🦷 නිවැරදි දත් මැදිීමේ ක්‍රම පිළිබඳ උපදෙස් ලබා දීම
🦷 මුඛ සෞඛ්‍ය ආරක්ෂා කර ගැනීමේ වැදගත්කම පැහැදිලි කිරීම
සිදු කරන ලදී.
එමෙන්ම, දරුවන්ගේ මුඛ සෞඛ්‍ය රැකගැනීමේදී දෙමාපියන්ගේ භූමිකාව පිළිබඳවද දෙමාපියන් දැනුවත් කරන ලදී.
සෞඛ්‍ය සම්පන්න අනාගත පරපුරක් ගොඩනඟා ගැනීම සඳහා මෙවැනි වැඩසටහන් අතිශය වැදගත් වේ.

🙏 සහභාගී වූ සියලු දෙනාට හා සහයෝගය ලබා දුන් සියලු දෙනාට අපගේ ස්තූතිය ප්‍රකාශ කරමු.

04/03/2026

සෞඛ්‍ය වෛද්‍ය නිළධාරී කාර්යාලය මඟින් පවත්වන දෙමාපිය දැනුවත් කිරීමේ වැඩසටහන- 2026 පෙබරවාරි 21

මුල් ළමාවිය දරුවන්ගේ සෞඛ්‍ය, පෝෂණය හා සමාජ සංවර්ධනය සුරක්ෂිත කිරීමේ අරමුණින් සෞඛ්‍ය වෛද්‍ය නිළධාරී කාර්යාලය මඟින් දෙමාපියන් සඳහා විශේෂ දැනුවත් කිරීමේ වැඩසටහනක් පැවැත්වීය.
මෙම වැඩසටහන සඳහා
🔹 සෞඛ්‍ය වෛද්‍ය නිළධාරීතුමා
🔹 මහජන සෞඛ්‍ය ප්‍රධාන හෙද සොයුරිය
🔹 දැරණියගල උතුර වසම පවුල් සෞඛ්‍ය සේවා නිළධාරීතුමිය
🔹 මහජන සෞඛ්‍ය පරීක්ෂකතුමා
සහභාගී වෙමින්, දෙමාපියන් වෙත වැදගත් කරුණු පිළිබඳ සවිස්තරාත්මක දැනුවත් කිරීමක් සිදු කරන ලදී.
මෙහිදී,
✔️ දරුවන්ගේ නිසි පෝෂණ රටාව
✔️ රෝග වලින් ආරක්ෂා වීමේ ක්‍රම
✔️ ප්‍රතිශක්තිකරණ වැඩසටහන් පිළිබඳ අවධානය
✔️ නිසි සනීපාරක්ෂක පුරුදු
✔️ මානසික හා සමාජීය සංවර්ධනයට දෙමාපිය භූමිකාව
පිළිබඳව විශේෂ අවධානය යොමු කරන ලදී.
මුල් ළමාවිය යනු දරුවෙකුගේ ජීවිතයේ පදනම සකස් වන අතිශය වැදගත් අවධියක් බැවින්, දෙමාපියන්ගේ දැනුවත්භාවය හා සක්‍රීය සහභාගීත්වය ඉතාමත් වැදගත් වේ.

🙏 මෙම වැඩසටහන සාර්ථක කර ගැනීමට දායක වූ සියලු නිළධාරීන්ට හා දෙමාපියන්ට අපගේ ස්තූතිය පළ කරමු.

04/03/2026

දෙමාපිය දැනුවත් කිරීමේ දේශනය - 2026

දැරණියගල ප්‍රාදේශීය ලේකම් කාර්යාලයෙහි මුල් ළමාවිය සංවර්ධන නිළධාරීතුමිය හා ළමා හිම්කම් ප්‍රවර්ධන නිළධාරිතුමිය විසින් මෙහෙයවනු ලැබූ දෙමාපිය දැනුවත් කිරීමේ දේශනයක් 2026 පෙබරවාරි මස 13 වන සාර්ථකව පවත්වන ලදි.
මෙම සමාරම්භක අවස්ථාව සඳහා දැරණියගල ප්‍රාදේශීය සභාවේ පෙර පාසල් විෂයභාර නිළධාරිතුමිය සහ කළමනාකරණ සේවා නිළධාරී පියුමලී රත්නසේන මහත්මිය සහභාගි විය.

මෙම වැඩසහනේ දී,
🔹 මුල් ළමාවිය සංවර්ධනයේ වැදගත්කම
🔹 ළමා හිමිකම් සහ එහි ආරක්ෂාව
🔹 සෞඛ්‍ය සම්පන්න සහ ආරක්ෂිත පරිසරයක දරුවන් වර්ධනය කිරීම
🔹 දෙමාපියන්ගේ වගකීම් හා දරුවන් සමඟ සෞඛ්‍ය සම්පන්න සම්බන්ධතා ගොඩනගා ගැනීම
🔹 දරුවන් අතර අධික දුරකථන භාවිතය හේතුවෙන් ඇතිවන බලපෑම්
🔹 නිසි පාලනය සහ මඟපෙන්වීම යටතේ තාක්ෂණ භාවිතයේ වැදගත්කම
🔹 දෙමාපියන් ලෙස දරුවන්ට සවන් දීමේ හා ඔවුන්ගේ හැඟීම් අවබෝධ කර ගැනීමේ වැදගත්කම
යන කරුණු පිළිබඳව වටිනා දැනුවත් කිරීම් සහ මඟපෙන්වීම් ලබා දෙන ලදී.

අනාගත පරපුර සෞඛ්‍ය සම්පන්න, විශ්වාසයෙන් යුතු සහ ආරක්ෂිත පරිසරයක වර්ධනය වීමට මෙවැනි වැඩසටහන් මහත් දායකත්වයක් සපයයි. 🌿💛
මෙම වැඩසටහනට සහභාගී වූ සියලු දෙමාපියන්ට හා සහයෝගය දක්වන ලද සියලුම දෙනාට අපගේ කෘතඥතාවය පුද කරමු.

23/02/2026

78 වන නිදහස් දිනය අභිමානයෙන් සමරමු -
2026 කණ්ඩායම

දැරණියගල ප්‍රාදේශීය සභා පෙර පාසලේ දූ පුතුන් නිදහස් දිනයට සමගාමීව රුක් රෝපන වැඩ සටහනක් සිදු කරන ලද අතර එම වැඩ සටහනට අමතරව දරුවන් හට ⁣නිදහසේ කතන්දරය කියා දීම , ජාතික ධජය ඔසවා ජාතික ගීය ගායනය කිරීම හා කුඩා කොඩි අතෙහි රැගෙන දේශාභිමානී ගීත ගායනය කරීම සිදු කරන ලදි.
゚

Deraniyagala Pradeshiya sabha Pre School

25/06/2026

03/06/2026

16/05/2026

13/03/2026

12/03/2026

05/03/2026

05/03/2026

04/03/2026

04/03/2026

23/02/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	08:30 - 16:15
Tuesday	08:30 - 16:15
Wednesday	08:30 - 16:15
Thursday	08:30 - 16:15
Friday	08:30 - 16:15