07/08/2026
*United Guys அமைப்பின் Finance Committee அங்கத்தவர்களின் கொழும்பு விஜயம்*
United Guys Organization இன் Finance Committee உறுப்பினர்களான ரஷீக் முஹம்மத், ஹிமாஸ் கான், முஹம்மத் ஷெஸ்மி, அஸ்லி அஹ்மத் மற்றும் ரியாஸ் முஹம்மத் ஆகியோர் 2026 ஆகஸ்ட் 5ஆம் திகதி கொழும்பிற்கு ஆக்கபூர்வமான விஜயம் ஒன்றை மேற்கொண்டனர்.
இந்த விஜயத்தின் முதல் நிகழ்வாக, திக்குவல்லை முஹ்யித்தீன் ஜும்ஆ மஸ்ஜித் நிர்வாகத்தின் வழிகாட்டலின் கீழ் நிதா அறக்கட்டளை மற்றும் திக்குவல்லை ஒஸ்டம் நிறுவனம் ஆகியவற்றின் அனுசரணையுடன் United Guys Organization மூலம் 05.01.2025 முதல் திக்குவல்லை முஹ்யித்தீன் ஜும்ஆ மஸ்ஜிதில் ஒவ்வொரு ஞாயிற்றுக்கிழமையும் நடைபெற்று வரும் “Path to Faith” வகுப்புகள் தொடர்பான கலந்துரையாடல், நிதா அறக்கட்டளையின் இராஜகிரியிலுள்ள தலைமையகத்தில் நடைபெற்றது.
இந்த கலந்துரையாடலில் நிதா அறக்கட்டளையின் ஸ்தாபகத் தலைவர் மௌலவி ஹஸன் ஃபரீத் (பின்னூரி), தென் மாகாணப் பொறுப்பாளர் சாதிக் ஹாஜியார், தென் மாகாண ஒருங்கிணைப்பாளர் மௌலவி அப்துல் பத்தாஹ் (உஸ்மானி) மற்றும் திக்குவல்லை ஒஸ்டம் நிறுவனத்தின் தலைவர் நஸார் ஹாஜியார், United Guys Organization இன் Finance Committee உறுப்பினர்கள் ஆகியோர் கலந்து கொண்டனர். வகுப்புகளின் இதுவரையிலான முன்னேற்றம், மாணவர் பங்கேற்பு, சமூகப் பயன் மற்றும் எதிர்கால மேம்பாட்டு திட்டங்கள் குறித்து விரிவாக கருத்துப் பரிமாற்றம் நடைபெற்றது.
அதனைத் தொடர்ந்து United Guys Organization இன் Finance Committee உறுப்பினர்களுக்கு நஸார் ஹாஜியாரின் அன்பான விருந்தோம்பலின் பின்னர் குழுவினர் Insight நிறுவனத்தின் பிரதான காரியாலயத்திற்கு விஜயம் செய்தனர்.
திக்குவல்லை மற்றும் சுற்றுவட்டாரப் பகுதிகளில் O/L மற்றும் A/L பரீட்சைகளில் தோற்றும் மாணவர்களின் உயர்கல்வி வாய்ப்புகள், சித்தியடையத்தவருமானவர்களுக்கான திறன் மேம்பாடு மற்றும் எதிர்கால வழிகாட்டல் தொடர்பாக முக்கிய கலந்துரையாடல் நடைபெற்றது.
இக்கூட்டத்தில் இன்சைட் நிறுவனத்தின் Founder Chairman அல்ஹாஜ் S.L.M. பௌஸ், Vice Chancellor பேராசிரியர் நாஜிம், Managing Director யூஸுஃப் ஹமீஸ், Chief Executive Officer ஸுஹ்ரி மற்றும் நஸார் ஹாஜியாருடன் இணைந்து United Guys Organization இன் Finance Committee உறுப்பினர்கள் பங்கேற்றனர்.
மாணவர்களின் கல்வி முன்னேற்றத்திற்காக சமூக அமைப்புகள் மற்றும் கல்வி நிறுவனங்கள் இணைந்து செயல்பட வேண்டிய அவசியம் வலியுறுத்தப்பட்டது.
பின்னர் குழுவினர், அல்ஹாஜ் S.L.M. பௌஸ் அவர்களின் குடும்பத்தினரால் வழிநடத்தப்படும் Next Academy நிறுவனத்திற்கும் விஜயம் செய்தனர். ஒஸ்டம் நிறுவனத்தின் மூலம் அங்கு கல்வி பயின்ற மாணவர்களின் கல்வி முன்னேற்றம், சாதனைகள் மற்றும் எதிர்கால வாய்ப்புகள் குறித்து கலந்துரையாடப்பட்டதுடன், மாணவர்களுக்கு வழங்கப்பட்டுவரும் ஆதரவு திட்டங்கள் பற்றியும் அறிந்து கொள்ளப்பட்டது. நிகழ்வின் இறுதியில் வருகையாளர் குழுவிற்கு சிறப்பு refreshment வழங்கப்பட்டது.
இந்த கொழும்பு விஜயம், கல்வி, ஆன்மிக வளர்ச்சி மற்றும் சமூக முன்னேற்றம் ஆகிய மூன்று துறைகளிலும் United Guys Organization தொடர்ந்து செயல்பட்டு வருவதற்கான இன்னொரு முக்கியமான முன்னெடுப்பாக அமைந்தது. இவ்வகையான பயனுள்ள சந்திப்புகள் எதிர்காலத்தில் திக்குவல்லை மற்றும் சுற்றுவட்டார இளைஞர்களுக்கு மேலும் பல கல்வி மற்றும் சமூக வாய்ப்புகளை உருவாக்கும் என்ற நம்பிக்கை தெரிவிக்கப்பட்டது.
#நல்லநண்பன்நல்லகுடிமகன்
