Divisional Secretariat Embilipitiya

25/05/2026

රත්නපුර නව දිසාපති / දිස්ත්‍රික් ලේකම් ලෙස එම්.ජී. ලලිත් ආනන්ද මහතා රාජකාරී අරඹයි.

රත්නපුර නව, දිසාපති / දිස්ත්‍රික් ලේකම් ලෙස එම්.ජී. ලලිත් ආනන්ද මහතා (ශ්‍රී ලංකා පරිපාලන සේවයේ විශේෂ ශ්‍රේණිය) අද දින එනම් 2026.05.25 දින පෙරවරුවේ යෙදුණ සුභ මොහොතින් මහා සංඝරත්නයේ ආශිර්වාද මධ්‍යයේ, දිස්ත්‍රික් ලේකම් කාර්යාලයේදී රාජකාරී කටයුතු ආරම්භ කළේය.

පරිපාලන ක්ෂේත්‍රයේ හසළ අත්දැකීම් සම්භාරයක් ඇති ඒ මහතා පේරාදෙණිය විශ්වවිද්‍යාලයෙන් සිවිල් ඉංජිනේරු උපාධියද, ව්‍යාපාර පරිපාලනය පිළිබඳ ශාස්ත්‍රපති උපාධිය රුහුණු විශ්වවිද්‍යාලයෙන්ද, රාජ්‍ය පරිපාලනය පිළිබඳ ශාස්ත්‍රපති උපාධිය ඔස්ට්‍රෙලියාවේ ෆ්ලින්ඩර්ස් (Flinders University) විශ්වවිද්‍යාලයෙන්ද හදාරා ඇත. තවද කොළඹ මානව හිමිකම් ආයතනයෙන් මානව හිමිකම් පිළිබඳ ඩිප්ලෝමා පාඨමාලාවද ඒ මහතා සාර්ථකව හදාරා ඇත.

2000 වසරේ දී ශ්‍රී ලංකා පරිපාලන සේවයට එක් වූ ලලිත් ආනන්ද මහතා 2001 වසරේ සිට 2004 වසර දක්වා අම්පාර දිස්ත්‍රික්කයේ ලාහුගල හා දාමාන ප්‍රාදේශීය ලේකම් කොට්ඨාසවල සහකාර ප්‍රාදේශීය ලේකම් ලෙසත්, 2004 සිට 2007 දක්වා මොනරාගල දිස්ත්‍රික්කයේ සහකාර මැතිවරණ කොමසාරිස්වරයා ලෙසත් ඉන්පසු ආරක්ෂක අමාත්‍යංශයේ සහකාර ලේකම්වරයෙකු ලෙසත්, ආනයන හා අපනයන පාලක දෙපාර්තමේන්තුවේ සහකාර පාලකවරයෙකු ලෙසත් රාජකාරී ඉටුකර ඇති ඒ මහතා මුදල් අමාත්‍යංශයේ කළමනාකරණ සේවා දෙපාර්තමේන්තුවේ ජ්‍යෙෂ්ඨ සහකාර ලේකම් / අධ්‍යක්ෂ ලෙසත් සේවය කර ඇත.

ඉන්පසු 2014 වසරේ සිට 2017 වසර දක්වා රේගු දෙපාර්තමේන්තුවේ අධ්‍යක්ෂවරයෙකු ලෙස ද, 2017 වසරේ සිට 2018 වසර දක්වා මැතිවරණ කොමිෂන් සභාවේ නියෝජ්‍ය මැතිවරණ කොමසාරිස්වරයෙකු ලෙසද සේවය කළ ඒ මහතා 2019 වසරේ සිට 2021 වසර දක්වා වව්නියාවේ නියෝජ්‍ය මැතිවරණ කොමසාරිස් ලෙසද රාජකාරී කටයුතු ඉටුකර ඇත.

එමෙන්ම 2021 වසරේ සිට 2026 ජනවාරි දක්වා ඔස්ට්‍රෙලියාවේ සිටි කවුන්සිල්හි ආදායම් සේවා පරිපාලන නිලධාරීවරයෙකු ලෙසද සේවය කර ඇති ලලිත් ආනන්ද මහතා විවිධ ක්ෂේත්‍රයන්හි පරිපාලන කටයුතු පිළිබඳ ජාතික මෙන්ම ජාත්‍යන්තර අත්දැකීම් රාශියක් ඇති ජ්‍යෙෂ්ඨ පරිපාලන නිලධාරියෙකි.

මෙම අවස්ථාවට රත්නපුර නව නගර ශ්‍රී සංඝරාජ විහාරාධිපති, රත්නපුර ප්‍රාදේශීය ශාසනාරක්ෂක මණ්ඩලයේ ප්‍රධාන ලේඛකාධිකාරී ශාස්ත්‍රපති පූජ්‍ය දෙල්වල මුදිත ස්වාමීන් වහන්සේ ඇතුළු මහා සංඝරත්නය, රත්නපුර අතිරේක දිස්ත්‍රික් ලේකම් ගයානි අයි. කරුණාරත්න මහත්මිය, අතිරේක දිස්ත්‍රික් ලේකම් අමිල විජේරත්න මහතා, රත්නපුර ප්‍රාදේශීය ලේකම්වරු මෙන්ම රත්නපුර දිස්ත්‍රික් ලේකම් කාර්යාලයේ කාර්ය මණ්ඩලය ද සහභාගී වූහ.

මාධ්‍ය ඒකකය
ප්‍රාදේශීය ලේකම් කාර්‍යාලය
ඇඹිලිපිටිය

22/05/2026

තමන්ගේම තැනක්, ලස්සන ජිවිතයක් - නිවාස ආධාර වැඩසටහනේ තවත් අදියරක්...
පනහඩුව ග්‍රාම නිළධාරි වසම.
මෙම අවස්ථාවට රත්නපුර දිස්ත්‍රීක් පාර්ලිමේන්තු මන්ත්‍රී උපුල් කිත්සිරි මහතා හා දේශපාලන නියෝජීතයින් මෙන්ම ප්‍රාදේශිය ලේකම්තුමිය ඇතුළු රාජ්‍ය නිළධාරීන් එක්ව සිටියා.
මාධ්‍ය ඒකකය
ප්‍රාදේශිය ලේකම් කාර්‍යාලය
ඇඹිලිපිටිය

22/05/2026

ඇඹිලිපිටිය ප්‍රාදේශීය ඩෙංගු මර්දන කමිටුව...
ඇඹිලිපිටිය ප්‍රාදේශීය ලේකම් කොට්ඨාසයේ තුළ ඩෙංගු රෝගයේ ව්‍යාප්තිය පාලනය කිරීමට අවශ්‍ය තීන්දු තීරණ ගැනීම හා ඒ වෙනුවෙන් රාජ්‍ය ආයතන අතර වූ අන්තර් සම්බන්ධතාවය පවත්වාගැනීම වඩාත් ශක්තිමත් කිරීම ඇතුලු අරමුණු මුල් කර ගනිමින් මෙම කමිටුව පවත්වනු ලබනවා.
ප්‍රාදේශීය ලේකම්තුමියගේ ප්‍රධානත්වයෙන් පැවැත්වෙන මෙම කමිටුව සදහා පලාත් පාලන ආයතන ප්‍රධානීන්, නියෝජිතයින් ඇතුළු රාජ්‍ය ආයතන ප්‍රධානීන් හා නිළධාරීන් එක්ව සිටියා.

මාධ්‍ය ඒකකය
ප්‍රාදේශීය ලේකම් කාර්‍යාලය
ඇඹිලිපිටිය.

20/05/2026

ප්‍රතිසංස්කරණය කිරීමට යෝජිත කෝන්කටුව වැව නිරීක්ෂණය කිරීමේ අවස්ථාව. වෙන්කර ඇති මුදල රුපියල් මිලියන 05 ක්. මේ සදහා රත්නපුර දිස්ත්‍රික් පාර්ලිමේන්තු මන්ත්‍රී, ඇඹිලිපිටිය සම්බන්ධීකරණ කමිටු සභාපති උපුල් කිත්සිරි මහතා ඇතුළු දේශපාලන නියෝජිතයින්, ඇඹිලිපිටිය ප්‍රාදේශීය ලේකම් ඇතුළු රාජ්‍ය නිළධාරීන් පිරිසක් එක්ව සිටියා.
මාධ්‍ය ඒකකය,
ප්‍රාදේශීය ලේකම් කාර්‍යාලය,
ඇඹිලිපිටිය.

19/05/2026

කාර්මික නිළධාරීන් ඇතුළු නිළධාරීන් වෙනුවෙන් පැවති පුහුණු වැඩසටහන. ප්‍රාදේශීය ලේකම්තුමියගේ ඉල්ලීම හා මග පෙන්වීම යටතේ සංවිධානය වූ මෙම වැඩසටහන වෙනුවෙන් දිස්ත්‍රික් වාරිමාර්ග ඉංජිනේරුතුමිය විසින් සම්පත් දායකත්වය සපයනු ලැබීය.
මාධ්‍ය ඒකකය
ප්‍රාදේශීය ලේකම් කාර්‍යාලය
ඇඹිලිපිටිය.

15/05/2026

ඇඹිලිපිටිය සම්බන්ධිකරණ කමිටු සභාපති, රත්නපුර දිස්ත්‍රීක් පාර්ලිමේන්තු මන්ත්‍රී උපුල් කිත්සිරි මහතාගේ ප්‍රධානත්වයෙන් ඇඹිලිපිටිය ප්‍රාදේශිය සංවර්ධන කමිටුව අද පැවැත්වුණා. මෙම කමිටුවට පක්ෂ විපක්ෂ දේශපාලන නියෝජිතයින් ඇතුළුව, කමිටු ලේඛම්, ඇඹිලිපිටිය ප්‍රාදේශීය ලේකම්තුමිය ඇතුළු කොට්ඨාශයේ රාජ්‍ය ආයතන ප්‍රධානීන් සහ නිළධාරීන් එක්ව සිටියා.

කොට්ටාශයේ මානව හා භෞතික සංවර්ධනයට අවශ්‍ය තීන්දු තීරණ ගැනීම හා මැදිහත්වීම කමිටුව පැවැත්වීමේ ප්‍රධාන අරමුණක් වනවා.

මාධ්‍ය ඒකකය
ප්‍රාදේශිය ලේකම් කාර්‍යාලය
ඇඹිලිපිටිය.

13/05/2026

ප්‍රසම්පාදනය හා විගණනය පිළිබඳ පුහුණු වැඩසටහන. කාර්‍යාලීය ක්ෂේත්‍ර නිළධාරීන් ඇතුළු නිළධාරීන් වෙනුවෙන් මෙම වැඩසටහන අද පැවැත්වුණා. ප්‍රාදේශීය ලේකම්තුමියගේ මගපෙන්වීම මත ක්‍රියාත්මක රාජ්‍ය නිළධාරීන් සදහා වූ පුහුණු වැඩසටහන් මාලාවේ තවත් එක් අදියරක් ලෙස මෙය ක්‍රියාත්මක විය.
මාධ්‍ය ඒකකය
ප්‍රාදේශීය ලේකම් කාර්‍යාලය
ඇඹිලිපිටිය.

13/05/2026