Bope Poddala - Divisional Secretariat

25/08/2026

❤️ සෙනෙහසේ හමුව: "වැඩත් එක්ක සතුටින් අපි එකම පවුලක්"
දෛනික රාජකාරී ආතතියෙන් මිදී, වඩාත් සුහදශීලී හා සතුටුදායක මනසකින් යුතුව මහජන සේවයේ නිරත වීමේ අරමුණින් සංවිධානය කෙරුණු "සෙනෙහසේ හමුව" විශේෂ වැඩසටහන අද (2026.08.25) පෙ.ව. 10.00 ට ප්‍රාදේශීය ලේකම් කාර්යාලයීය ශ්‍රවණාගාරයේදී සාර්ථකව පැවැත්විණි.
බෝපෙ පෝද්දල ප්‍රාදේශීය ලේකම් එච්.බී.ජී. ප්‍රගීත් රසික කුමාර මහතාගේ උපදෙස් හා මගපෙන්වීම මත සංවිධානය වූ මෙම සොඳුරු වැඩසටහනේදී, කථිකාචාර්ය රසිකා මුහම්දිරම්ගේ මහත්මිය සහ තිලිණ සාහිත මහතා ප්‍රමුඛ කණ්ඩායම එක්ව ගීතවත් කළ වින්දනීය සංගීත දෙහෝරාව සියලු දෙනාගේ නෙත් සිත් පැහැර ගැනීමට සමත් විය. 🎼
එකිනෙකා අතර පවතින සහයෝගීතාව සහ එකමුතුකම තවදුරටත් තහවුරු කරමින්, මනා මානසික සහනයකින් යුතුව මහජනතාව වෙනුවෙන් වඩාත් ඵලදායී සේවාවක් සැපයීමට මෙවැනි සුහද හමුවීම් මහත් පිටුවහලක් වේ.
එකම පවුලක් මෙන් සතුටින් හා සාමූහිකත්වයෙන් එක්වී ජනතා සේවයට කැපවෙමු! ✨

18/08/2026

🏡 සැමට සුරක්ෂිත නිවහනක් - "රන්විමන" නිවාස ජනතා අයිතියට!
බෝපෙ පෝද්දල ප්‍රාදේශීය ලේකම් එච්.බී.ජී. ප්‍රගීත් රසික කුමාර මහතාගේ උපදෙස් හා පූර්ණ අධීක්ෂණය යටතේ සංවිධානය වූ, 2025 වර්ෂයට අදාළ "රන්විමන" නිවාස ජනතා අයිතියට පත්කිරීමේ වැඩසටහන 2026.08.14 වන දින පෙ.ව. 9.30 ට යෙදුණු සුභ මොහොතින් සාර්ථකව පැවැත්විණි.
මෙහිදී, පන්නමග ග්‍රාම නිලධාරී වසමේ පදිංචි ඩී.ජී. රසික සංජීව මහතාගේ නිවස සහ හිරිඹුරගම පදිංචි අචිනි ඩයස් වීරසේකර මහත්මියගේ නිවස මෙලෙස ජනතා අයිතියට පත් කෙරිණි.
මෙම නිවාස විවෘත කිරීමේ අවස්ථාව සඳහා ගාල්ල දිස්ත්‍රික් පාර්ලිමේන්තු මන්ත්‍රී, කෝප් කමිටු ගරු සභාපති නිශාන්ත සමරවීර මැතිතුමා, බෝපෙ පෝද්දල ප්‍රාදේශීය සභා ගරු සභාපතිතුමිය ඇතුළු මහජන නියෝජිතයන් සහභාගී වූහ.
තවද දිස්ත්‍රික් සමාජ සංවර්ධන කළමනාකාර, මූලස්ථාන කළමනාකාර ඇතුළු කළමනාකරුවන්, සමෘද්ධි සංවර්ධන නිලධාරීන්, ප්‍රජාමූල සංවර්ධන නිලධාරීන්, අදාළ වසම්වල සියලුම ක්ෂේත්‍ර නිලධාරීන් සහ ප්‍රජා සංවර්ධන සභාවේ නියෝජිත පිරිස ද මෙම අවස්ථාවට එක්ව සිටියහ.
සුරක්ෂිත හා ස්ථිර සෙවනක් තනා දෙමින්, ප්‍රදේශයේ ජනතාවගේ ජීවන තත්ත්වය උසස් කිරීම වෙනුවෙන් බෝපෙ පෝද්දල ප්‍රාදේශීය ලේකම් කාර්යාලය සෑම විටම කැපවී සිටියි. 🔑✨

18/08/2026

🥗 නිරෝගී දිවියකට වස විසෙන් තොර පෝෂණීය ආහාර සංස්කෘතියක්!
බෝපෙ පෝද්දල ප්‍රාදේශීය ලේකම් එච්.බී.ජී ප්‍රගීත් රසික කුමාර මහතාගේ මගපෙන්වීම මත, බෝපෙ පෝද්දල විදාතා සම්පත් මධ්‍යස්ථානය මගින් සංවිධානය කරන ලද විශේෂ දැනුවත් කිරීමේ වැඩසටහනක් 2026.08.14 දින බංගලාවත්ත ග්‍රාම නිලධාරි වසමේදී සාර්ථකව පැවැත්විණි.
අප දිනපතා ලබාගන්නා ආහාරවල අඩංගු පෝෂණය, ආහාර සඳහා එක්කරන විවිධ ආකලන (Food Additives) පිළිබඳව මෙන්ම වස විසෙන් තොර සෞඛ්‍ය සම්පන්න ආහාර වේලක් සකස් කරගන්නා ආකාරය පිළිබඳව මෙහිදී ප්‍රදේශවාසීන් දැනුවත් කෙරිණි.
මෙම වැඩසටහන සඳහා සම්පත් දායකත්වය ලබාදෙන ලද්දේ බෝපෙ පෝද්දල විද්‍යා හා තාක්ෂණ නිලධාරී එස්. කේ. අබේසිංහ මහතා විසිනි. 🌾
සෞඛ්‍ය සම්පන්න හෙට දවසක් වෙනුවෙන් නිවැරදි හා සුරක්ෂිත ආහාර රටාවකට හුරු වෙමු!

13/08/2026

13/08/2026

නැවත නගාසිටුවීම සඳහා අත්වැලක් 🤝

පරිවාස හා ප්‍රජා විශෝධන නිලධාරීන්ගේ මැදිහත්වීමෙන් හදුනාගත් පවුල් කීපයක් සඳහා සුලු පරිමාණ ජීවනඋපාය නංවාලීමට ව්‍යවසායකත්ව කටයුතු ආරම්භ කිරීමට අවශ්‍ය උපකරණ ලබාදීමේ වැඩසටහනක් බෝපෙ පෝද්දල ප්‍රාදේශීය ලේකම් කාර්යාලය මගින් ක්‍රියාත්මක කරන ලදී.

මෙම වැඩසටහන බෝපෙ පෝද්දල ප්‍රාදේශීය ලේකම් එච්.බී.ජී. ප්‍රගීත් රසික කුමාර මහතාගේ මගපෙන්වීම යටතේ සිදු කෙරිණි.

අභියෝග හමුවේ නැවත ශක්තිමත්ව නැගී සිටීමට අවශ්‍ය අත්වැල ලබාදෙමින්, ස්වයංපෝෂිත හා යහපත් අනාගතයක් ගොඩනැගීම සඳහා රාජ්‍ය සේවයේ මැදිහත්වීම තවදුරටත් ශක්තිමත් කිරීම මෙහි අරමුණයි. 💙

13/08/2026

✳️මත්ද්‍රව්‍ය නිවාරණ හා රසවින්දනාත්මක වැඩසටහනක් ✳️

නරාවල මහා විද්‍යාලයේ 6,7,8,9,10,11,12 යන ශ්‍රේණි වල ශිෂ්‍ය කණ්ඩායම් සදහා

මතින් තොර හා කලාවට ලැදි අනාගත පරපුරක් බිහිකිරීමේ අරමුණින්,බෝපෙ පෝද්දල ප්‍රාදේශීය ලේකම් එච්.බී.ජී ප්‍රගීත් රසික කුමාර මහතාගේ මගපෙන්වීම යටතේ ගා/නරාවල මහා විද්‍යාලයේදී මත්ද්‍රව්‍ය නිවාරණය පිළිබඳව දැනුවත් කිරීමේ වැඩසටහනක් හා රසවින්දනාත්මක වැඩසටහනක් 2026/08/06 වන දින පවත්වන ලදී.

මෙම වැඩසටහන සඳහා,

🔹 සම්බන්ධීකරණය – සංවර්ධන නිලධාරී (මත්ද්‍රව්‍ය නිවාරණ ,ප්‍රතිකාර හා පුනරුත්ථාපන )
🔹 සම්පත් දායකත්වය -සංවර්ධන නිලධාරී (මත්ද්‍රව්‍ය නිවාරණ ,ප්‍රතිකාර හා පුනරුත්ථාපන )
-සංස්කෘතික නිළධාරි (මධ්‍යම රජය)
-සංස්කෘතික නිළධාරි (පළාත් සභා)විසින් ලබා දෙන ලදී.

මෙම අවස්ථාවට විද්‍යාලයේ විදුහල්පතිතුන් ,සහකාර විදුහල්පතිතුමිය ඇතුලු ආචාර්ය මණ්ඩලයද සම්බන්ධ විය.

වැඩසටහන අවසානයේ දී අසන ලද ප්‍රශ්න වලට නිවැරදි පිළිතුරු ලබා දුන් දරුවන් වෙනුවෙන් තෑගි ප්‍රදානය කිරීමක්ද සිදු කරන ලදී.වැඩසටහන සම්බන්ධයෙන් යහපත් ප්‍රතිචාර රාශියක් ලැබුණු අතර ආර්ථික ගැටලු වලින් පීඩා විදින මෙම දරුවන් වෙනුවෙන් කරන ලද ක්‍රියාව බොහෝ දෙනාගේ පැසසුමටද ලක් විය.

07/08/2026

03/08/2026

බෝපෙ පෝද්දල ප්‍රාදේශිය ලේකමි කොටඨසයේ සමෘද්ධි සමාජ සංවර්ධන අංශය මගින් සංවිධානය
කල මෙවර ශිෂ්‍යත්ව විභාගයට පෙනී සිටින අඩු ආදායම් ලාභි දරුවන් වෙනුවෙන් ශිෂ්‍යත්ව පෙරහුරු සම්මන්ත්‍රණ වැඩසටහනක් 2026/07/31 දින ගා/කිතුලම්පිටිය ආනන්ද විද්‍යාලයේදී පැවැත්වන ලදී.

මෙම වැඩසටහන සඳහා සම්පත් දායකත්වය ලබාදෙන ලද්දේ ගා/බොනවිස්ටා විද්‍යාලයේ ප්‍රාථමික ගුරු දිලූකා මදුශානි මහත්මිය විසිනි.

මෙම අවස්ථාවට විද්‍යාලයේ විදුහල්පතිතුමා,ප්‍රාථමික අංශයේ ආචාර්ය මණ්ඩලය සහභාගි වුහ.
බෝපෙ පෝද්දල ප්‍රාදේශීය ලේකම් තුමාගේ උපදෙස් හා මග පෙන්වීම යටතේ ක්‍රියාත්මක කල මෙම වැඩසටහන සාර්ථක කර ගැනීමට සහයෝගය දැක්වූ සමෘද්ධි මූලස්ථාන කළමණාකරු ඇතුළු සහභාගි වු සියලු නිලධාරීන්ට ස්තුතිය පුද කරමි.

03/08/2026

✳️මත්ද්‍රව්‍ය නිවාරණ වැඩසටහනක් ✳️
සිරිධම්ම විද්‍යාලයේ 2028 A/L (12 ශේණිය)ශිෂ්‍ය කණ්ඩායම සදහා

මතින් තොර අනාගත පරපුරමක් බිහිකිරීමේ අරමුණින්,බෝපෙ පෝද්දල ප්‍රාදේශීය ලේකම් එච්.බී.ජී ප්‍රගීත් රසික කුමාර මහතාගේ මගපෙන්වීම යටතේ ගා/ලබුදූව සිරිධම්ම විද්‍යාලයේදී මත්ද්‍රව්‍ය නිවාරණය පිළිබඳව දැනුවත් කිරීමේ වැඩසටහනක් 2026/07/31 වන දින පවත්වන ලදී.

මෙම වැඩසටහන සඳහා,

🔹 සම්බන්ධීකරණය – සංවර්ධන නිලධාරී (මත්ද්‍රව්‍ය නිවාරණ ,ප්‍රතිකාර හා පුනරුත්ථාපන )
🔹 සම්පත් දායකත්වය – මත්ද්‍රව්‍ය අධ්‍යාපන තොරතුරු නිළධාරිනී ඉසුරි රත්නායක මහත්මිය

විසින් ලබා දෙන ලදී.

මෙම අවස්ථාවට විද්‍යාලයේ විදුහල්පතිතුමිය ඇතුලු ආචාර්ය මණ්ඩලයද සම්බන්ධ විය.