22/03/2026
දිනය: 2026.03.22
අලෙවි කළමනාකරු මහත්මයා,
පෙට්රෝලියම් සංස්ථාව
විෂය: තල්ගම්පොල (ගාල්ල – උඩුගම පාර) ඉන්ධන පිරවුම්හල සම්බන්ධයෙන් පරීක්ෂණයක් ඉල්ලා සිටීම.
ගරු මහත්මයාණෙනි,
2026.03.21 දින පෙ.ව. 7.30 පමණ සිට තල්ගම්පොල (ගාල්ල – උඩුගම පාර) පිහිටි ඉන්ධන පිරවුම්හලේ පෙට්රල් තොග තිබියදීත් පාරිභෝගික ජනතාවට ඉන්ධන සැපයීම අත්හිටුවා ඇති බවට ගම්වාසීන් විසින් චෝදනා කර ඇත.
තවද, පසු දින ඉන්ධන මිල වැඩිවන බවට පැතිර ගිය ආරංචියක් මත මෙම සැපයුම නතර කර ඇති බවත්, පසු දින උදෑසන සිට නැවත ඉන්ධන ලබා දී ඇති බවත් ජනතාව විසින් ප්රකාශ කර ඇත. මෙම තත්ත්වය හේතුවෙන් ප්රදේශයේ නොසන්සුන්තාවක් ඇතිව තිබෙන බව ද සඳහන් කරමි.
මෙම සිද්ධිය සම්බන්ධයෙන් ගම්වාසී අයි. කේ. සුනිල් මහතා (දු.අංක 071 298 1141) ඇතුළු පිරිසක් සතුව වැඩිදුර තොරතුරු හා සාක්ෂි පවතින බව ද දැනුම් දී ඇත.
ඉහත කරුණු සම්බන්ධයෙන් කරුණාකර නිසි පරීක්ෂණයක් සිදු කර අවශ්ය ක්රියාමාර්ග ගැනීමට කටයුතු කරන ලෙස පෞද්ගලික වශයෙන් කාරුණිකව ඉල්ලා සිටිමි.
ස්තූතියි.
