Syu hambantota

07/12/2020

හම්බන්තොට දිස්ත්‍රික්කයේ අම්බලන්තොට ආසන තරුණ දිනය ඊයේ (06) පවත්වන ලදී

05/12/2020

syulanka youtube channel එක subscribe කරන්න.
https://www.youtube.com/user/syusrilanka

03/12/2020

2021 දී නොබෙල් සාම ත්‍යාගය සඳහා “ආපදා හා බරපතල වසංගත තත්ත්වයන් පිළිබඳ විශේෂ “හෙන්රි රීව්ස්” ජාත්‍යන්තර වෛද්‍ය බලකාය යෝජනා කිරීම
ලොව පුරා ඇතිවූ ආපදා හා බරපතල වසංගත වලින් අසරණ වන ජනතාවට වසර
පහළොවකට ආසන්න කාලයක් පුරා තම සහන සේවා ලබා දීමට කියුබානු හෙන්රි රීවුස් වෛද්‍ය බලකාය කටයුතු කොට තිබේ .වර්තමානයේදීත් කොව්ඩ් 19 වසංගතයෙන් පීඩා විදින ජනතාව වෙනුවෙන් ලොව පුරා රටවල් 40 ක සෞඛ්‍යය කාර්ය මණ්ඩල සාමජිකයන් 3500 කට වැඩ් පිරිසක් තම ස්වේච්ඡා සේවය ලබාදී ඇත්තේ ලොවට තම මානුෂවාදී දෑත් දිගුකරමිනි. මෙම මානුෂීය මෙහෙයුම ඇගයීම වෙනුවෙන් ලොව පුරා විවිධ සංවිධාන හා කණ්ඩායම් විසින් 2021 නොබෙල් සාම ත්‍යාගය සඳහා හෙන්රි රිව්ස් වෛද්‍ය බලකාය නම් කරන ලෙසට ඉල්ලා ගෙනයන ක්‍රියාන්විතයට සමගාමීව ශ්‍රී ලංකාවේ කියුබානු මිතුරෝ සංවිධානය විසින් අන්තර්ජාල පෙත්සමක් අත්සන් කිරීමේ ව්‍යාපාරයක් ආරම්භ කළේය.එහි සාමාජික සංවිධානයක් වන සමාජවාදී තරුණ සංගමය තම සහයෝගිතාව ප්‍රකාශ කරමින් අද දින එහි ජාතික සංවිධායක එරංග ගුණසේකර සහෝදරයා හා එහි ජාතික කමිටු සාමාජිකයන් වන අංජන සම්පත් අමරසිංහ ,මහේෂ් අඹේපිටිය, සංජය විශ්වනාත්, බන්දුල පුෂ්පකුමාර යන සහෝදරවරු ඊට අත්සන් කරන ලදී. පහත link එක ඔස්සේ අප සාමජිකයන්, හිතවතුන් ඇතුළු ඔබ සියලුදෙනාට ඒ සදහා තම දායකත්වය ලබා දෙන ලෙස අප ආරාධනා කරන්නෙමු .
Nomination of the Special "Henry Reeves" International Medical Corps on Disasters and Serious Epidemiology for the Nobel Peace Prize in 2021
The Cuban Henry Reeves Medical Corps had been provided their relief services for nearly 15 years for people who affected by disasters and epidemics around the world. Currently, more than 3,500 health workers in 40 countries around the world have volunteered to help people affected by the Cowd 19 epidemic. In recognition of this humanitarian operation, various organizations and groups around the world have organized the campaign to nominate the Henry Reeves Medical Corps for the 2021 Nobel Peace Prize. An online petition signing campaign is being held by the Cuban Friends of Sri Lanka in line with the campaign. The Socialist Youth Union, a member of the Association, today expressed its solidarity by signed the petition with its National Organizer Comrade Eranga Gunasekara and its National Committee Members Anjana Sampath Amarasinghe, Mahesh Ambepitiya, Sanjaya Vishwanath and Bandula Pushpakumara. We invite all of you, including members and friends, to contribute through the link below.

03/12/2020

2021 අයවැය - ප්‍රභන්ධය සහ යථාර්තය සම්මන්ත්‍රණය - හම්බන්තොට දිස්ත්‍රික්කයජ.වි.පේ දේශපාලන මණ්ඩල සභික සුනිල් හදුන්නෙත.....

03/12/2020

#ගිව්සුම්ගත_කොරියානු_රැකියාලාභීන්ගේ_ගැටළුවට_විසදුම්_ලබාදෙනු..!

රැකියාවක් යනු තරුණයන්ගේ ජීවිතයේ එක් සන්ධිස්ථානයක්. නමුත් අපේ රටේ තරුණ තරුණියන් එම සන්ධිස්ථානයට ලගා වන්නේ තරුණ විය ඉක්මවීමට ආසන්න කාලයේදීය. එයද සෑම තරුණයෙකුට උරුම නොවේ. මන්ද යත් අපේ රටේ විරැකියාව තරුණ වයසේ සිටින අයගෙන් අඩකට ආසන්න වීමය.

අධ්‍යාපනය රැකියාවේ සුදුසුකමක් උවද, එම කඩඉම ඉක්මවූ පසුවත් රැකියා ලබාගැනීමට පාරවල් වල පිකටින් කිරීමට හා දේශපාලකයන් පසුපස බඩගෑමට සිදුවීම ඛෙදවාචකයකි.

මේවැනි වටපිටාවක් තුල දකුණු කොරියාව තම රැකියා වෙළෙඳපොළෙන් රැකියා ප්‍රමාණයක් ලංකාවට දීමට එකගවන්නේය. ඒ අනුව කොරියානු භාෂා විභාගය සමත් වීම හා ශරීරික යෝග්‍යතා පරීක්ෂණය සමත්වීම අනිවාර්ය වන්නේය. නමුත් මේ තුලද විවිධ ජාවාරම් කිරීමට දේශපාලන අධිකාරිය යුහුසුළු විය. ඒ අනුව ඇමති වරයාගේ ලිස්ට් එකට පැනීමට, ප්‍රාදේශීය දේශපාලකයන්ට අල්ලස් දීමට පවා සිදුවිය. සමහරක් විට ඇමති වරයා කරන මැදිහත්වීමක් නැතිය. තරුණයාගේ හැකියාව මත සුදුසුකම් ලැබුවද ඇමති ලිස්ට් එකෙන් යැව්වා කියා අල්ලස් ගන්නා දේශපාලන හෙන්චයියන්ද සිටී.

මේ ජාවාරම නිසා 2016 න් පසුව කොරියානු රජය මැදිහත් වී විභාග හා යෝග්‍යතා පරීක්ෂණ පැවැත්වීම සිදුකරයි. එමෙන්ම ලංකාවට ලැබුණු රැකියා ප්‍රමාණය අඩු කිරීමට කොරියානු බලධාරීන් කටයුතු කලේ හොර පාරවල් වලින් ගිය නොසුදුසු ශ්‍රමිකයන් නිසාය.

කෙසේ උවද කොරියානු රැකියා සඳහා උපාධිධාරීන් පවා යෑමට පෙලබී ඇත්තේ
අපේ රටේ ඉහල ගොස් ඇති විරැකියාව හා දරාගැනීමට නොහැකි ජීවන වියදම නිසාය.

අවම වශයෙන් වසරකට කොරියානු භාෂා විභාගය සදහා 20000ක් ඉක්මවූ පිරිසක් පෙනීසිටින්නේය. මේ අනුව කොරියානු රැකියා සදහා සුදුසුකම් ලැබ දැනට පෝලිමේ සිටින ප්‍රමාණය 5438 කි. මෙයින් 1111ක් සඳහා තෝරාගත් සමාගම් විසින් පලමුවර වීසා නිකුත් කරන්නේ මේ වසරේ (2020) පෙබරවාරි මාසයේය. නමුත් කෝවීඩ් ව්‍යසනය නිසා මොවුන්ට කොරියානු රැකියා සදහා යෑමට නොහැකි වී තිබේ. මේ නිසා පැනනැගී ඇති ගැටළු ගනනාවකි.

බොහෝ අය වීසා නිකුත් කල පසු තමන් කරමින් සිටි රැකියාවෙන් ඉවත් වී ඇති අතර. දෙවරක් වීසා කාල සීමාවන් ඉවත් වීම නිසා මාස 8ක පමණ කාලයක් රැකියාවක් නොමැතිව ණයට ගෙන ජීවත් වීමට සිදුව තිබේ.

බොහෝ දුෂ්කර තා මධ්‍යයේ උපකාරක පංති හා විභාග ගාස්තු ගෙවාගෙන සුදුසුකම් ලැබීමට පමණක් 100000ට ආසන්න මුදක් වැය විය. ඉන් පසු ලියාපදිංචි ගාස්තු රු.70000ට වැඩි මුදලක් වැය කොට ඇත. දින දහයක පුහුණුව සදහා රු.20000ක් ද. ඇප තැම්පතු සදහා රු.80000ක මුදලක්ද ගෙවා ඇත. එමෙන්ම වීසා ගාස්තුව රු.10800කි. ගෙවා ඇති මුළු මුදලේ වටිනාකම රුපියල් 280,000 පමණ වේ. වීසා කාලය ඉක්මවූ පසු නැවත වීසා ලබාගන්නේනම් එම මුදලම නැවත ගෙවිය යුතුය.

අනෙක් අතට, වීසා කාල සීමාව ඉවත් වූ පසු නැවත වීසා එවන තුරු තව කාලයක් බලා සිටීමට සිදුවීම හා ගිව්සුම් කාලය ඉක්මවූ විට එම සමාගමෙන්ම හෝ වෙනත් සමාගමකින් ගිව්සුමක් එවන තෙක් බලා සිටිය යුතුය. එම නව ගිව්සුම සඳහා පොලිස් සහතික , ග්‍රාම සේවා සහතික , සෞඛ්‍ය යෝග්‍යතා සහතික නැවත ලබා ගැනීමට සිදු වීම හා ඒ සඳහාද වියදම් දැරීමට, නැවත ණය වීමට සිදුවීම කබලෙන් ලිපට ඇද දැමීමකි.

එමෙන්ම තමන් කරමින් සිටි රැකියාව අහිමි වී එයින් ආ අදායම නොලැබෙන නිසා ගත් ණයද අවසන්ය. දෙමාපියන්ට, දරුවන්ට හා නිවසේ වියදම් පවා පියවා ගැනීමට නොහැකිව අසරණ වී සිටින මුත් පොලීකරුවන් මොවුන් පසුපස හබා එමින් ඇත. මේ නිසා නිවෙස් වල සිටීමට පවා නොහැකි තත්වයක් උදා වී සමාජයට මුහුණ දීමට පවා නොහැකිව දැඩි මානසික පීඩාවකට ලක්ව සිටින්නේය.
නමුත් ආණ්ඩුව මෙතෙක් මේ පිළිබඳ අවධානය යොමුකර නොමැත.

ආධාර උපකාර ඇතිව කෝවීඩ් අරමුදල ගොඩ නැගුණේ කෝවීඩ් ව්‍යසනයෙන් පීඩාවට පත්වූවන්ටද සහන සැලසීමේ අරමුණ සහිතවය. කොරියානු රැකියා අපේක්ෂාකයින්ද කෝවීඩ් ව්‍යසනය නිසා පීඩාවට පත් වී සිටින්නේය. නමුත් ආණ්ඩුව මැනිකක් රකිනා නා රජිදෙකු සේ එම අරමුදල රැකගෙන සිටී. දැනට එම අරමුදලෙන් වියදම් කර ඇත්තේ 16%ක් පමණි. ඉතිහාස අත්දැකීම් අනුවනම් මෙම අරමුදල් අවසානයේ සින්න වූයේ පාලකයාගේ සාක්කු තුලය. සුනාමි අරමුදල් වලටද වූයේ එයමය.

මේ නිසා රටට විදෙස් විනිමය ගෙන ඒමට තම තරුණ ශ්‍රමය කැප කරන තරුණ තරුණියන්ගේ ජන ජීවිතය පවත්වාගෙන යෑම වෙනුවෙන් මෙමෙ අරමුදල යොදා ගැනීම ආණ්ඩුවේ වගකීමක් වන්නේය.
කබලෙන් ලිපට ඇද දමා ඇති කොරියානු රැකියා ලාබීන්ගේ රැකියාවේ ගැටලු වලට කඩිනම් විසදුම් ලබාදීමට කටයුතු කිරීමද ආණ්ඩුවේ ප්‍රමුඛ වගකීමක් වන්නේය..

මීට පෙරද කොරියානු රැකියා පිළිබඳ ගැටළු පැනනැගෙනු අවස්ථා වල සමාජවාදී තරුණ සංගමය ලෙස අප හඬ නගා ඇත්තෙමු. ඔබ වෙනුවෙන් සමාජවාදී තරුණ සංගමයේ අප හඬ නැගීමට සූදානම්. ඒ සදහා එකතු වන්න. අපට කතා කරන්න.

සමාජවාදී තරුණ සංගමය

Email - [email protected]

එරංග - 0718457920
විශ්ව - 0718688802

24/11/2020

https://syusrilanka.com https://www.facebook.com/syulanka

24/11/2020

25/10/2020

11/10/2020

01/10/2020

ඔබ ආ මාවත එලියයි....

සමාජවාදී තරුණ සංගමය මගින් නිර්මාණය කළ දෙවැනි චේ ගීතය ලෙස 'ඔබ ආ මාවත එලියයි' ගීතය 2014 ඔක්තෝබර් 08 දින එලි දැක්විය. ගායනය...

08/07/2020

ඇත්ත මිිනිස්සු වැඩි කරන්න මාලිමාවට ඡන්දය දෙන්න...