31/03/2026
ඉපලෝගම ප්රාදේශීය කාන්තා දින උත්සවය -2026*
මාර්තු 08 වන දිනට යෙදී තිබූ ජාත්යන්තර කාන්තා දිනයට සමගාමීව ප්රාදේශීය ලේකම් අයෝමි රත්නායක මෙනෙවියගේ මග පෙන්වීම මත, සහකාර ප්රාදේශීය ලේකම් අජන්තා වික්රමරත්න මහත්මියගේ ප්රධානත්වයෙන් ප්රාදේශීය ලේකම් කාර්යාලය හා ප්රාදේශීය කාන්තා බලමණ්ඩලය එක්ව කාන්තාවන්ගේ රසාස්වාදනය ඉහළ නැංවීම හා කලා කුසලතාවයන් එළි දැක්වීමේ අරමුණින් 2026 මාර්තු 24 වන දින ඉපලෝගම ප්රාදේශීය ලේකම් කාර්යාලයීය ශ්රවණාගාරයේදී රසවින්දනාත්මක විවිධ ප්රසංගයක් පවත්වන ලදී.
එහිදී ප්රධාන දේශනය කැකිරාව ප්රාදේශීය ලේකම් කාර්යාලයේ සංවර්ධන නිලධාරී (විදේශ රැකියා) එච්.කේ.එම් ශ්රී ජයලත් අනුරාධ කුමාරසිංහ මහතා, විසින් සිදු කරන ලදි
මෙම දේශනයේ දී කාන්තාවන්ගේ කාර්යභාරය හා ඇයට අද සමාජය තුළ හා එදා සමාජය තුළ හිමි වූ තත්ත්වය පිළිබඳව කවිය ගීතය ඇසුරු කරමින් පූර්ව විග්රහයක් සිදුකරන ලදී. තවද අතීතයේ දී ජන කවියා කාන්තාව වර්ණනා කළ ආකාරය හා නූතන කවියා කාන්තාව දුටු ආකාරය පිළිබඳව සංසන්දනාත්මකව විග්රහයක් සිදු කරන ලදී.
පසුව
කාන්තා සංවිධානවල කාන්තාවන්ගේ කලා කුසලතාවයන් එළි දැක්වීමේ අරමුණින් ඔවුන්ගේ කලා හැකියාවන් සහ දක්ෂතාවයන් ඇතුළත් ප්රසංගයක් පවත්වන ලදී.
විවිධ ප්රසංගයෙන් අනතුරුව අඩු ආදායම්ලාභී පවුල් පහක් සඳහා රුපියල් දහදාහක් වටිනා චෙක්පතක් බැගින් සහ රුපියල් පනස්දහසක මුදලක් ලබා දෙන ලදී. මේ සඳහා මූල්ය අනුග්රහය කැකිරාව ඔලුකරද පිහිටි රාජ්ය නොවන සංවිධානයක් වන රජරට ප්රජා කේන්ද්රය විසින් දරන ලදී
එසේම කාන්තාවන්ට හා ඔවුන්ගේ පවුල්වල රැකියා විරහිත තරුණ තරුණියන්ට රැකියා අවස්ථා ලබාදීමේ කෙටි දැනුවත් කිරීමක් ශ්රී ලංකා රක්ෂණ සංස්ථාවේ කණ්ඩායම් කළමනාකරු සිරිල් සූරියගේ මහතා විසින් සිදු කරන ලදී. මෙහිදී කුසපත් ඇදීමක් සිදුකර ජයග්රාහිකාවන් තුන් දෙනෙකු සඳහා ත්යාග ලබා දීමක්ද සිදු කරන ලදී.
