Hey Join Me

Hey Join Me සරලවම කියන්න තියෙන්නෙ "JOIN ME"

ඒත් ඇයි?

පරිසරය සුරකින්න.
අනිත් අයට උදව් කරන්න.

2022.06.12Shramadana Campaignපොලිතීන් භාවිතය අවම කරමු.කසළ නිසිලෙස බැහැර කරමු.
12/06/2022

2022.06.12
Shramadana Campaign

පොලිතීන් භාවිතය අවම කරමු.
කසළ නිසිලෙස බැහැර කරමු.

Join US 🤗First Shramadana campaign 2022.06.1210am onwards
12/06/2022

Join US 🤗
First Shramadana campaign
2022.06.12
10am onwards

ගෙදර ප්ලාස්ටික්, පොලිතීන් ගොඩ ගැහිලා. මොකද කරන්නේ කියලා හිතාගන්න බැරුව ඉන්නකොට යාලුවෙක් දුන්නා අදහසක්“එක්කෝ ගිනි තියලා ද...
11/09/2021

ගෙදර ප්ලාස්ටික්, පොලිතීන් ගොඩ ගැහිලා. මොකද කරන්නේ කියලා හිතාගන්න බැරුව ඉන්නකොට යාලුවෙක් දුන්නා අදහසක්
“එක්කෝ ගිනි තියලා දාන්න, එහෙමත් නැත්තම් වල දාන්න”
වාව් හරිම ලේසි වැඩක්. මට මාරම සතුටුයි. 😃
මම ගිනි පෙට්ටියත් අරන් ඇවිත් ඒ ප්ලාස්ටික්, පොලිතීන් ටිකට ගිනිතියන්න හිතාගෙන ගිනි පෙට්ටියෙන් ගිනි කූරක් ගත්තා විතරයි.

“තාත්තේ, ඔයා ඔය මොකද කරන්නෙ?”
“මම මේ ටික ගිනිතියන්න හදන්නේ පුතේ, කෝ එහාට වෙන්න. මේ එන දුම හොඳ නැහැනේ.”
පොඩි එකා අසනීප වෙයි කියලා මට බය හිතුනා.
“මට විතරද තාත්තේ හොඳ නැත්තේ?” ඔන්න ඉතින් පටන් ගත්තා.
“පැහෙන්නේ නැතුව ඉදහන් කොළුවෝ. මේ ඳුම යන්නේ එහා වත්ත පැත්තටනේ, ඒ නිසා ගිහින් වැඩක් බලාගන්නකෝ”
“ඉතින් තාත්තේ එහා ගෙදර කට්ටියටත් හොඳ නැහැනේ” මොනවා වුනත් පොඩි එකා කියන දේ ඇත්ත. මම වැඩේ නැවැත්තුවා. උදැල්ලක් ගෙනත් හනිකට වලක් කපන්න පටන් ගත්තා.

“ආහ්, මොනවා හරි හිටවන්න හිතිලා තියෙන්නේ, හොඳයි හොඳයි. “ මගේ බිරිඳ එහෙම කීවා. මම කට කොණෙන් හිනා වුණා විතරයි. පොලිතින් ටික වලදාන්න ඔන්න මෙන්න කියලා ආපහු පොඩි එකා එතන.

“තාත්තේ,මේ මොකද කරන්න යන්නේ?”
“දැන් ගිනිතියන්න එපා කීවේ, මම මේ ටික වලදානවා”

“අපෝ තාත්තේ, අපේ ටීචර් කීවා එහෙම කරන්න හොඳ නෑ කියලා. ඕවා වලදැම්මට ගොඩක් කල් ගත වෙනවලු දිරන්න, මේ බලන්න තාත්තේ, කවුරු හරි කලිනුත් වලදාලනේ මෙතනම” පොඩි එකා වල හාරනකොට හම්බෙලා විසි කරපු ඇස්ට්‍රා කප් එක අතට ගත්තා.

“මෙන්න තාත්තේ, මේ බලන්න, මේකේ කල් ඉකුත්වීමේ දිනේ තියෙන්නේ 2008.” පුදුමෙකට වගේ ඒකේ තිබුණ ඒවා යන්තන් කියවගන්න පුලුවන් තරමට තිබුණා.
“හිතන්නකෝ දැන් අවුරුදු 10ටත් වඩා වැඩියි. තාත්තා හිතනවද අද මේ වලදාන්න හදන ටිකත් ඉක්මනටම දිරයි කියලා? හොඳම දේ මේ ටික ප්‍රතිචක්‍රීකරණය කරන තැනකට දෙන එක. ” හැබැයි ඒ කතාවත් ඇත්ත තමා. මම වැඩේ නැවැත්තුවා. ආපහු කල්පනා කළේ ඉස්සරහට ගේන ඒවා කොහොමද විසි කරන්නේ කියලා. ඉදල ඉදලා ඒකත් පුතාගෙන්ම අහන්න මම තිරණය කළා.

“ඉතින් තාත්තේ ආයේ මේ පොලිතින් ගේන එක අඩු කරන්න. අපිට පොලිතින් වෙනුවට තව කොච්චර දේවල් පාවිච්චි කරන්න පුලුවන් ද? “ අපි එදායින් පස්සේ පුලුවන් තරම් පොලීතීන් ගේන එක අඩු කළා. පුතා පොඩි වුනාට එයා කියපු දේ හරි.

පින්තූරය අන්තර්ජාලයෙනි

ඔන්න එක දවසක් මම මගෙ යාලුවත් එක්ක වැඩට යන ගමන් හිටියේ. එතෙන්ට පයින් යන දුර. වෙනද උදේම උයන්න පුරුදු වෙලා හිටියත් එදා අපි ...
11/09/2021

ඔන්න එක දවසක් මම මගෙ යාලුවත් එක්ක වැඩට යන ගමන් හිටියේ. එතෙන්ට පයින් යන දුර. වෙනද උදේම උයන්න පුරුදු වෙලා හිටියත් එදා අපි දෙන්නටම උයාගන්න බැරි වෙනවා. ඉක්මනටම ලෑස්ති වෙලා ළඟ තියෙන කඩේකට දිව්වා. අවාසනාව කියන්නේ බනිස් විතරමයි තිබුණේ. මොනවා කරන්නද? බනිස් දෙකක් අරන් අපි ඉක්මනටම වැඩට යන්න පිටත් වුණා.

පරක්කුත් වෙලා එතනට ගිහින් තව කෑම කකා ඉන්නත් බැරි නිසා අපි දෙන්නා පයින් යන ගමන්ම බනිස් කන්න තීරණය කළා. යාලුවා මට ඉස්සරහයින් ගියේ. බනිස් එක දාලා තිබුණ ඉටි කොලේ එයා එතනම බිම දැම්මා. මම එතනම නැවතුනා. ඒ ඉටි කොලේ අරන් මම මගේ බෑග් එකට දාගන්නවා එයා දැක්කේ මම කොයි කියලා හොයනකොට. “ආහ්, ඔයා කුණු ඇහිදිනව ද?” එයාගේ හිනාවේ තිබුනේ සමච්චල් සහගත බවක්.එයා මට ද මම එයාටද හිනාවෙන්න ඕනේ කියලා මට හිතාගන්න බැරි වුණා.

මම එයා තරම් උගත් නෑ. එයා උපාධියක් එක්ක ජොබ් එකක් කරන උගත් කෙනෙක්. මට තාම හිතාගන්න බැහැ ඇයි එයා එහෙම කරන්නේ කියලා. වගකීම් විරහිත කෙනෙක් වගේ කසළ බැහැර කරන එක. ඉගෙන ගන්න හැමෝම එහෙම නෑ. ඒත් මගේ අප්පච්චි පොඩි කාලෙම මට කියලා දුන්නා ඒ වැඩේ කරන්න එපා කියලා. ඇත්තටම අදටත් මගේ බෑග් එකේ පුංචි සාක්කුව කුණු ගොඩක්. ගෙදර ඇවිත් එහෙම නැත්තම් ඒවා අදාල තැනටම බැහැර කරන එක මගේ පුරුද්දක් වෙලා. ඉතින් මට එහෙම පුලුවන් නම් ඇයි ඔයාට බැරි?

09/09/2021

“රජය තමා හැමදේටම වැරදි. එයාලට බැරිද මේ පොලිතින් තහනම් කරල දාන්න?බලන්න කොච්චර පරිසර දූෂණයක් ද වෙන්නේ ඒකෙන්. ඔහොම වෙනවා අනවශ්‍ය අය පත් කරල යැව්වම. “

ඔන්න ඉතින් එයා සුපුරුදු කතාව පටන් ගත්තා.

"ඇත්තටම එහෙම ද? පොලිතින් රජයෙන් තහනම් කරනකන්ම ඉන්න ඕනෙ ද?ඇයි අපිට බැරි ද? "මම ඇහුවෙ කට පියන් ඉන්නම බැරි තැන.

"පිස්සු ද? අපි ඉතින් පාර්ලිමේන්තුවේ නෑනේ. මම ජනාධිපති කියල ද හිතන් ඉන්නේ? "

"ම්ම්ම්ම්, ඒකට ජනාධිපති වෙන්නම ඕනෙද?"

"හා නැත්තම් කොහොම ද?"

"අපිට පුලුවන්නේ පොලිතින් භාවිතය අඩු කරන්න."

"ඔයා හිතනවද අපි පොලිතින් පාවිච්චි කරන එක අඩු කළා කියල අනිත් අයත් ඒකම කරයි කියල?"

"ඉතින් එහෙමයි කියලා අපිත් ඒකම කළොත් හරිද? අපිත් දැන දැනම ඒ වගේ දෙයක් කරන එක වැරදි නේද?"

"අපි විතරක් පොලිතින් පාවිච්චිය අඩු කළා කියල පරිසර දූෂනය නැති වෙනවද?"

"නැති වෙන්නේ නම් නැහැ,හැබැයි අඩු වෙනවා.ඔව් ඒක පොඩි දෙයක්,හැබැයි අපි හැමෝටම ඒ දේ කරන්න පුලුවන් නම්...... ඒක ලොකු වෙනසක ආරම්භයක් වෙයි. අපි පොලිතීන් ගන්න එක පුලුවන් තරම් අඩු කළොත්...? ඉල්ලුමක් නැත්තම් ඒ පොලිතීන් නිපදවලා වැඩක් නැහැ නේද? රජයම ඒ දේ කරනකන් බලන් ඉන්න ඕනේ නෑ, අපි පොලිතීන් ගන්න එක අඩු කරනව නම්, ඒ වෙනුවට පුලුවන් හැම වෙලේම වෙන දෙයක් පාවිච්චි කරන්න පුලුවන් නම් අපිට පුලුවන් ලොකු ව්‍යසනයක් ඇති වෙන එක වලක්වා ගන්න. ඉතින් පටන් ගමු. පොලිතින් භාවිතය අඩු කරමු. "

Address

සෙනෙවිරත්න මුල් කඩවර දේවාලය
Kalawewa

Website

Alerts

Be the first to know and let us send you an email when Hey Join Me posts news and promotions. Your email address will not be used for any other purpose, and you can unsubscribe at any time.

Shortcuts

Share

Category