11/09/2026
යක්කුන්ගේ අඩවියේ යකුන් අතර සිටි යකෙක්.....
විශේෂ බළකාය නැගි එන ත්රස්ථවාදය පරාජය කිරිමට මෙරට ප්රභූ බළකායන් වෙත එක්වූ ළාබාල සොහොයුරා.එකල එවකට කම්බැට් ට්රැකර් නම් කන්ඩායමේ අනදෙන්නා නොමැතිනම් බළඝනයක නායකත්වය දැරු එවකට කපිතාන් ගාමිනි හෙට්ටිආරච්චි කපිතාන් ජයවි ෆනෑන්ඩෝ සහ කපිතාන් ෆස්ලි අස්ලාම් ලෆිර් සමග ඕජී නිල ඇදුම විශාල රවුම් ජංගල් හැට් එක සමග එකාවන්ව පෙලට වනයට ඇදුන ත්රස්තවාදීන් සලිතව බියෙන් කිලිපොලායන්නට අහසත් පොලවත් කම්පිත කරවමින් පිටකරන ගිනියම්උන්ඩවලට හසුවන ත්රස්ථයන්ගේ සිරුරු ඉරී යන්නට තරමේ වෙඩි බලයක් සහිත බලඝනයේ පුරෝගාමින් අතර සිටි එක් චරිතයක් ගැන මට අසන්නට ලැබුනා.
ඒ මගේ අගිනි පිටුවෙහි පාඨකයෙකු වු පුතෙකු සහ දියනියක් හරහාය..
සර් අපේ තාත්තා විශේෂ බළකායේ පළමු කන්න්ඩායම් අතර කෙනෙක්.දැන් තාත්තගේ හිසේ නහරයක් පිපිරීම නිසා ඇතිවුන හේතුවක් මත හරියට කතා කරගන්න බැ..එයාට තව කෙනෙක්ගේ උපකාරයක් නැතිව කිසිවැඩක් කරගන්න බෑ.
සර් තාත්තා හරි ආසාවෙන් ඉන්නේ කිසිවිටකත් සතුරාට යටත් නොවන මා පොත ගන්න.ඇත්තටම සර් තාත්තට දැන් පොත් කියවන්න බෑ, අම්මා හරි මම හරි එයාට පොත් පත්තර ඇහෙන්න කියවනවා.වනැස වැඩසටහන් තාත්තට ඇහෙන්න දස්ලා තියනවා.සමහර වෙලාවට එයා ඒවා අහල හිනාවෙනවා ඇස්වලින් කදුලු වැටෙනවා. සර් මට ඒ පොත පුළුවන් නම් එවන්න. මම සල්ලි දාන්නම්.
අවාසනාවකට පුස්ථක හි පොත් එකතුවේ එම පොත අවසන් වී තිබුනි. මා ඒ බැව් ඇයට පැවසූවද ඇයගේ පියාවු එම පුරෝගාමි විශේෂ බළකා සෙබළා වෙනුවෙන්. ඇය සොයානා පොතක් ඇයට නොවරදවාම සොයා දීමට පොරන්දු වීමි. මා ලග එම පොත නැතත් විශේෂ බළකායේ මේජර් ජෙනරාල් වරයකු වු දම්මි හේවගේ මහතා රචිත එවන්ම විශේෂ බළකායේ සටන් ඇතුලත් පොතක් වු දෙපෙරමුනක සටන් පොත පිළිබඳව මා ඇය දැනුවත් කල විට ඒ පොතත් තවත් යුද සාහිත්යට අදාල පොත් කිහිපයකුත් ගෙන්වා ගැනීම සදහා ඇය විසින් මාවෙත මුදල් එවන ලඳි.
එම පොත් ඇය වෙත තැපැල් මගින් පිටත් කරවා දැන් ඒ සිංහ රැලේ සිංහයකු වූ එම වියපත් විශේෂ බළකා පුරෝගාමියා වෙනුවෙන් මා කල පොරන්දුව ඉටු කිරිමට මා සොයා ගියේ එම පොත් මා හට ලබාදීම සම්බන්දිකරනය කල මගේ පාඨමාලා සගයා වු මේජර් රොහාන් ජයවික්රම වෙතයි. ඒවන විට එම පොත් ඔහු ලගද නොවු බව පැවසීමෙන් පසු මෙම පොත මා සොයන්නේ කා වෙනුවෙන්ද යන්න පැවසු විගස ඔහුගේ. ඕනෑම විටෙක උපකාරයට නැවෙන ඒ යහපත් හදවත විවර විය..
මචං චිරා ( ඒ හැමදාම ඔහු මා අමතන ආකාරයයි)
මගේ ලග තියනවා පොඩි ඩැමේජ් එකක් වුන පොතක් ඒක මම රිටන් කරන්න තියන් ඉන්නේ මම ඒක උඹට දෙන්නම්.
ඒ අනුව ඔහු මට එම පොත මුදල් අය කිරිමකින් තොරව ලබාදුන් අතර එම පොත නොමිලේම එම විශේෂ බළකා විරුවාවෙත යැවීමට මා පොරන්දු වුයෙමි.
දිනකට පසු නැවත කෙටි පනිවිඩයක්.
සර් තාත්තා ගැන කතා කරන්න සර්ට නිදහස් වේලාවක සර්ට මට කතා කරන්න පුළුවන්ද..?
එය පිළිගත් මා එම පනිවිඩය ලබාදුන් අංකයට මා විවේකිව සිටි මොහොතක කතා කලෙමි.
ඒවර මට කතා කලේ එම විශේෂ බළකා සෙබළගේ පුතනුවන් ය.
ඔහු විසින් ඔවුන්ගේ කුඩා කාලයේ තම පියා ගෙන් දුරස්ව සිටිමේ වේදනාව.ඔහු නිවාඩුවට පැමිනි පසු ඒ ආදරණීයත්වය විදි ආකාරය. යුද්දයේ බිහිසුනු බව සගවා කතාකල හැටි මෙන්ම ඔවුන් උසස් තැනකට ගෙන ඒමෙන් පසුවත්
කිසිදාක ඔහුගේ මුවින් විවර නොවුන ඔහුගේ විරත්වය ගැන සටන් පෙරමුනුවල දැක්වු සටන් කාමිත්වය ඔහුගේ සටන් සගයන් තම පියානන් හමුවට ගෙන්වා ඔවුන් හා සිනහවෙමින් තේව්බොමින් තම පියා බෙදාගන්නා අන්දම දැකීමට ආශා බව පවසන ලදි.
අවාසනාවකට ඔහු ගැන දන්නා අයෙකු මට හමු නොවීය..
එම වියපත් විශේෂ බළකා සෙබළා අසනීපව හුදකලාවි ඇත.එදා රණ බිමේ ඇසුන වෙඩි හඩ කෑගැසිම්. වෙඩි බෙහෙත් මිශ්රව පිළිස්සුන ඝන රෙදි කඩ හා සිරුර විනිවිද යමින් පිලිස්සුන රුදිරයේ සුවද දැන් ඔහුට දැනෙන මානයේ නැත.
ෆීල්ඩ් මාෂල් සරත් ෆොන්සේකා මහතා සිංහ රෙජිමේන්තුවේදි ඔහුගේ අනදෙන නිළදාරි බව පවසයි.විශේෂ බළකා සටන් සගයන් ගැන මතකයේ නැත.විශේෂ බලකායේ සිටියදි ගත් දැන් විනාෂ වෙමින් ඇති චායාරුප සහ සහතික පත් කිහිපයක් ඔවුන් සන්තකයේ ඇත..
සර් තාත්තව දන්න කවුරු හරි SF. එකේ කිහිප දෙනෙක් ඇවිත් තාත්තට ඇහෙන්න කතාකරලා ඒ පරණ මතකය එයාට මතක් කරනවා නම් ඒක එයාට වගේම අපිටත් සතුටක්.
එයාව විශේෂ බළකා සෙබළු දරුණු සටන් වලදි අත් නොහැර සිටියා වගේම මේ මොහොතෙත් එයා තනි නැ කියලා හිතේවි.
සැබැවින්ම ඔහු තනි නැති බව අප පෙන්විය යුතු නොවේද...?
ඔහු නමින්.
01 වෙනි විශේෂ බලකාය. ☠
කෝප්රල් ඥානසිරි ඩී ☠
සෙ. අ. 00480
මව් ඒකකය - 02 සිංහ රෙජිමේන්තුව
☠☠☠☠☠☠☠☠☠☠☠☠☠☠
වර්ෂ 1985.06.29 දින
2 වෙනි සිංහ රෙජිමේන්තුවට ඇතුළත් වී දියතලාව පුහුණු පාසලෙන් මූලික පුහුණුව ලබා පසුව 1986 පළමු වන විශේෂ බලකායට ඇතුලත් වී මාදුරුඔය විශේෂ බළකා පුහුණු පාසලෙන් සාර්ථකව විශේෂ බලකා රණවිරුවෙක් ලෙස විසිර ගියහ.
විශේෂ බලකා ලෝකඩ පදක්කම හිමිගැන්වීමේ සහතික පත්රය හිමි ඔහු වර්ෂ 2008.12.01 දින යුධ හමුදා දිවියෙන් විශ්රාම ලැබීය.
විශේෂ බලකා පුරෝගාමි සෙබළුන් නිලධාරීන් හට මෙන්ම වත්මන් විශේෂ බලකා සාමාජිකයන් අග්නි හි සිටි නම් මේ විවෘත ආරාධනාව කාරුණික ඉල්ලීම ඔබවෙතයි. මොහුගේ සමකාළිනයන් ඔබ දන්නේ නම් අග්නි හරහා මා ඔබට ඔහු සම්භන්ද කර දෙන්නම්.
හැකිනම් ඔහු බලන්න යන්න වදනක් දොඩා ඒ වියපත් දෙතොල් මත සිනහවක් රඳවා එන්න
☠☠☠☠☠☠☠☠☠☠☠☠☠☠
යක්කුනේ විමානයෙන් පිට ඔබේ සගයෙක් ඔබ එනතුරු බලා සිටී..
එදා ඔහු අත් නොහැරි ඔබ අදත් ඔහු හා සිටියි යන්න විශ්වාසයයි.
ස්තුතියි..
