MOH Office - kiriella

19/05/2026

29/04/2026

කිරිඇල්ල සෞඛ්‍ය වෛද්‍ය නිලධාරී කොට්ඨාශය තුළ සෑම ගමකම ක්‍රියාත්මක වන මව් හවුල් මගින් නව අවුරුද්ද නිමිත්තෙන් පැවැත් වූ අවුරුදු උත්සව කිහිපයක විශේෂ අවස්ථා .

17/04/2026

අප කාර්යාලයේ සෞඛ්‍ය අධ්‍යාපන නිළධාරියෙකු ලෙස දීර්ඝ කාලයක් සේවය කළ මංජුල විජේසුන්දර මහතා අභාවප්‍රාප්ත විය.
දිස්ත්‍රික්කය පුරා නොයෙකුත් සෞඛ්‍ය ප්‍රවර්ධන වැඩසටහන් සහ සෞඛ්‍ය අධ්‍යාපන වැඩසටහන් කරමින්, ප්‍රජාවගේ සෞඛ්‍ය දැනුම ඉහළ නැංවීමට එතුමා කළ සේවය කෘතවේදී වන සිහිපත් කරමින්, එතුමා ට නිවන් සුව අත්වේවා යි පතමු...

02/04/2026

මාටුවාගල වත්තේ, පවත්වන ලද ලය/ පෙනහළු ආශ්‍රිත රෝග හඳුනා ගැනීමේ සායනය. රත්නපුර ලය චිකිස්සාගාරයේ අනුග්‍රහය මත මෙම වැඩසටහන සංවිධානය කරන ලදී.

01/04/2026

උත්සව සමයට සමගාමීව කිරිඇල්ල ප්‍රදේශයේ වෙළඳ සැල් පරීක්ෂාව. මෙම කාලය තුළ ආහාර ද්‍රව්‍ය මිලදී ගැනීමේදී වඩාත් අවධානයෙන් කටයුතු කරන්න.

28/02/2026

කිරිඇල්ල සෞඛ්‍ය වෛද්‍ය නිලධාරී කාර්යාලය මගින් සංවිධානය කරන ලද ආහාර පරිහරණය කරන ආයතන දැනුවත් කිරීමේ වැඩසටහන. මෙම වැඩසටහන සංවිධානය හා දැනුවත් කිරීමේ දේශන සඳහා කිරිඇල්ල සෞඛ්‍ය වෛද්‍ය නිලධාරී වෛද්‍ය කුමාරසිරි මහතා, කිරිඇල්ල පරිපාලන මහජන සෞඛ්‍ය පරීක්ෂක ජනක වීරසේකර, මහතා කිරිඇල්ල මහජන සෞඛ්‍ය පරීක්ෂක d.p නානායක්කාර මහතා, දොඩම්පේ මහජන සෞඛ්‍ය පරීක්ෂක ප්‍රසන්න සංජීව මහතා, එල්ලාවල මහජන සෞඛ්‍ය පරීක්ෂක ජාලිය මඩුගල්ල මහතා, සම්බන්ධ විය. විශේෂ ආරාධිතයකු ලෙස කුරුවිට ්‍රාදේශීය සභා සභාපති විකසිත පුෂ්ප සූරිය මහතා සහභාගි විය.

23/02/2026

කිරිඇල්ල සෞඛ්‍ය වෛද්‍ය නිලධාරී කාර්යාලයේ සේවය කර ස්ථාන මාරු ලබා ගිය වෛද්‍ය අසේල එදිරිසිංහ මහතා වෛද්‍ය දිනිති පොන්සේකා මහත්මිය, ප. සෞඛ්‍ය සේවා නිලධාරිණි දිල්රුක්ෂි මහත්මිය, සංවර්ධන නිලධාරිනී මියුරි මහත්මිය, සෞඛ්‍ය කාර්ය සහායක කුමාරි මහත්මිය, සෞඛ්‍ය කාර්ය සහායක පියදාස මහතා හා රාජකාරි ජීවිතයෙන් විශ්‍රාම ලබා ගිය පවුල් සෞඛ්‍ය සේවා නිලධාරිනී සංජීවනී මහත්මිය වෙනුවෙන් පැවති සමුගැනීමේ සාදයේ විශේෂ අවස්ථා.

12/02/2026

කිරිඇල්ල සෞඛ්‍ය වෛද්‍ය නිලධාරී කාර්යාලයේ ශෝකය

12/02/2026

කිරිඇල්ල regal calibre ආයතනයේ පැවැත් වූ ෘත්තීය සෞඛ්‍ය පිළිබඳව වැඩසටහන. මෙහිදී කර්මාන්තශාලා පරීක්ෂාව, අවශ්‍ය උපදෙස් ලබාදීම, සේවක වෛද්‍ය පරීක්ෂණය, සුව නාරි සායන වැඩසටහන සාර්ථකව සිදුකරන ලදී.

10/05/2025

දන්සැල් ලියාපදිංචි කිරීම හා දන්සල් හිමියන් දැනුවත් කිරීමේ වැඩසටහන කිරිඇල්ල සෞඛ්‍ය වෛද්‍ය නිලධාරී කාර්යාලය.

05/05/2025

ලියාපදිංචිය සදහා ලියුම් භාරදුන් අයත් භාරදීමට ඉන්න අයත් මේ දිනේටම අනිවාර්‍යෙන් එන්න.. නොදන්නා අයත් දැනුවත්කර ඔවුන්වත් යොමුකරන්න... හැමෝම දකින්න share කරන්න.

කිරිඇල්ල සෞඛ්‍ය වෛද්‍ය නිලධාරී කාර්යාලය 0452266081