Department Of Sports Development NWP

27/08/2026

50 වැනි ජාතික මහා ක්‍රීඩා උළෙලේ වයඹ පළාත් මලල ක්‍රීඩා තරගාවලිය.

2026/09/15 හා 16 යන දෙදින දියගම මහින්ද රාජපක්ෂ ක්‍රීඩාංගණයේදී පැවැත්වේ.

කුරුණෑගල සහ පුත්තලම් දිස්ත්‍රික් මලල ක්‍රීඩා තරග ජයග්‍රහණය කරමින් වයඹ පළාත් මලල ක්‍රීඩා තරගාවලියට සුදුසුකම් ලැබූ දක්ෂ ක්‍රීඩක ක්‍රීඩිකාවන්ගේ හැකියාවන් වඩ වඩාත් ඔප්නැංවීම සඳහාත් ඔවුන්ට ජාත්‍යන්තර මට්ටමේ තරග අත්දැකීම් ලබාදීම සඳහාත් සින්තටික් ධාවන පථයක (Synthetic track) තරග වැදීමට අවස්ථාව සලසා දීම තුළින් වයඹ පළාතේ මලල ක්‍රීඩාව තවදුරටත් ඉදිරියට ගෙන ඒම සඳහා මෙවර වයඹ පළාත් මලල ක්‍රීඩා තරගාවලිය මෙම ක්‍රීඩාංගණයේදී පැවැත්වීමට කටයුතු සූදානම් කර ඇත.

මෙම තරගාවලිය නැරඹීම සඳහා ක්‍රීඩාශීලි ඔබ සැමට ගෞරවනීය ආරාධනා...🙏🙏🙏

27/08/2026

26/08/2026

වයඹ පළාත් ක්‍රීඩා සංවර්ධන දෙපාර්තමේන්තුව පිහිටි කුලියාපිටිය ජනාධිපති ශිල්ප කලා ශාලිකා ක්‍රීඩාංගණයේ ඉදිකරන ලද නව ක්‍රීඩා මණ්ඩපය විවෘත කිරීම 2026 අගෝස්තු මස 25 වැනි දින පෙරවරුවේදී සිදුකෙරිණි.

වයඹ පළාත් ගරු ආණ්ඩුකාරවර තිස්ස වර්ණසූරිය මැතිතුමා , ක්‍රීඩා හා යෞවන කටයුතු ගරු අමාත්‍ය සුනිල් කුමාර ගමගේ මැතිතුමා , කෘෂිකර්ම හා පශු සම්පත් සංවර්ධන ගරු නියෝජ්‍ය අමාත්‍ය හා කුරුණෑගල දිස්ත්‍රික් සම්බන්ධීකරන කමිටු සම සභාපති නාමල් කරුණාරත්න මැතිතුමන් ඇතුළු දේශපාලන අධිකාරියද වයඹ පළාත් ක්‍රීඩා අමාත්‍යංශයේ ලේකම්තුමිය ඇතුළු රජයේ නිලධාරීන්ද ක්‍රීඩක ක්‍රීඩිකාවන් හා මාධ්‍යවේදීන් ඇතුළු විශාල පිරිසක්ද මෙම අවස්ථාවට එක්ව සිටියහ.

මෙම උත්සවයට සමගාවීව සංවිධානය කරන ලද වයඹ පළාත් ගරු ආණ්ඩුකාරවර අභියෝගතා කුසලාන රාජ්‍ය සේවා සැහැල්ලු පන්දු ක්‍රිකට් තරඟාවලියට සහභාගී වූ ක්‍රීඩක ක්‍රීඩකාවන් දිරිමත් කරමින් ගරු ආණ්ඩුකාරතුමන් ප්‍රදර්ශනාත්මකව පන්දුවට පහර දෙමින් තරඟය ආරම්භ කිරීම විශේෂ කරුණක් විය.

26/08/2026

25/08/2026

වයඹ පළාත් ගරු ආණ්ඩුකාරවර අභියෝග කුසලාන රාජ්‍ය සේවා සැහැල්ලු පන්දු ක්‍රීකට තරගාවලිය 2026 ජය සංකේත ප්‍රධානය

21/08/2026

🎯 ක්‍රීඩක ක්‍රීඩිකාවන්ගේ උපරිම දක්ෂතා සහ ආරක්ෂාව වෙනුවෙන් අපගේ පුහුණුකරුවන් හා ක්‍රීඩා නිලධාරීන් සවිබල ගැන්වීම! 🏆💪
ක්‍රීඩා සංවර්ධන දෙපාර්තමේන්තුවේ පුහුණුකරුවන්, ක්‍රීඩා නිලධාරීන් සහ පාසල් ක්‍රීඩා පුහුණුකරුවන් වෙනුවෙන් සංවිධානය කරන ලද "ක්‍රීඩා ආබාධ වළක්වා ගැනීම සහ කාර්යසාධන වෛද්‍ය විද්‍යාව" (Injury Prevention & Performance Medicine) පිළිබඳ දෙදින විශේෂ පුහුණු වැඩමුළුව 2026 අගෝස්තු 19 සහ 20 යන දිනවලදී සාර්ථකව පවත්වන ලදී.
වයඹ පළාත් ක්‍රීඩා සංවර්ධන දෙපාර්තමේන්තුව මගින් සංවිධානය කරන ලද ක්‍රීඩා හා යෞවන කටයුතු අමාත්‍යාංශයේ ක්‍රීඩා වෛද්‍ය ආයතනය (Institute of Sports Medicine) මගින් මෙම වැඩසටහන මෙහෙයවනු ලැබීය.
වැඩමුළුවේ ප්‍රධාන අවධානය යොමු වූ කරුණු:
* ක්‍රීඩා ආබාධ කල්තියා හඳුනාගැනීම සහ ඒවා වළක්වා ගැනීමේ නවීන ක්‍රමවේද
* Load Management
* Recovery Protocols
* ක්‍රීඩකයන්ගේ උපරිම දක්ෂතා වර්ධනය කරමින් දිගුකාලීන ක්‍රීඩා දිවියක් තහවුරු කිරීම
* පාසල් මට්ටමේ සිට ජාතික මට්ටම දක්වා ක්‍රීඩකයන්ට ගැළපෙන ප්‍රායෝගික ක්‍රියාකාරකම්
නවීන ක්‍රීඩා විද්‍යාත්මක දැනුම ප්‍රායෝගික පුහුණුව සමග මුසු කරමින්, අපගේ ක්‍රීඩක පරපුරට වඩාත් සුරක්ෂිත හා සාර්ථක අනාගතයක් නිර්මාණය කිරීම දෙපාර්තමේන්තුවේ නිරන්තර බලාපොරොත්තුවයි.
මෙම වැඩසටහන සාර්ථක කර ගැනීම සඳහා මගපෙන්වූ ක්‍රීඩා වෛද්‍ය ආයතනයේ සම්පත්දායක මණ්ඩලයටත්, සහභාගී වූ සියලුම පුහුණුකරුවන් සහ නිලධාරීන්ටත් අපගේ හෘදයාංගම ස්තූතිය! 👏🔥