11/08/2026
වයඹ පළාත තුළ පිහිටි ඉඩම්වල වෙළඳපල වටිනාකම් නිශ්චය කිරීම සඳහා ඩිජිටල් සිතියම් සහිත භූගෝලීය තොරතුරු තාක්ෂණ පද්ධතියක් නිර්මාණය කිරීමේ වැඩසටහන.
නිශ්චල දේපලවල අයිතිය හුවමාරුවීමේදී ලියා සහතික කරනු ලබන සාධන පත්ර සඳහා අය කරනු ලබන මුද්දර ගාස්තුව වයඹ පළාතේ ප්රධාන ආදායම් ප්රභවයක් වන අතර එහි මුද්දර ගාස්තුව තීරණය වන්නේ එම දේපලේ වෙළඳපල වටිනාකම මතය. එබැවින් වයඹ පළාත තුළ පිහිටි ඉඩම්වල වෙළඳපොල වටිනාකම් සම්බන්ධ යාවත්කාලීන වූ තොරතුරු පැවතීම, එම කාර්යභාරය ඉටු කරන පළාත් ආදායම් දෙපාර්තමේන්තුවේ නිලධාරීන්ට, නීතිඥවරුන්ට මෙන්ම මේ පිළිබඳ උනන්දුවක් දක්වන වෙනත් පාර්ශවයන්ට ඉතා ප්රයෝජනවත් වේ.
ඒ අනුව, වයඹ පළාත තුළ පිහිටි ඉඩම්වල වෙළඳපල වටිනාකම් නිශ්චය කිරීමේ වැඩසටහනක් 2008 වර්ෂයේ දී මුල් වරට සිදුකර ඇතී අතර, එය අවසන් වරට යාවත්කාලීන කර ඇත්තේ 2018 වසරේදීය. යටිතල පහසුකම් සංවර්ධනය භෞතික හා සමාජීය සාධකවල සාධනීය සිදුවී ඇති වෙනස්කම මත වර්තමානය වන විට ඉඩම් වල වෙළදපල වටිනාකම සැලකිය යුතු ලෙස වෙනස් වී ඇති බැවින් පළාත් ආදායම් දෙපාර්තමේන්තුව විසින් ඉඩම්වල වටිනාකම තීරණය කිරීමේ දී මෙම තොරතුරු මුලාශ්රයක් ලෙස භාවිතා කරන බැවින්ද, ආදායම් එකතු කිරීමේ කාර්යය වඩාත් විධිමත්ව, කාර්යක්ෂමව හා විනිවිදභාවයෙන් යුක්ත ක්රියාත්මක කල යුතු බැවින්ද, වඩත් නිවැරදි වු ඉඩම් වටිනාකම නිරුපනය වන යාවත්කාලීන වූ මූලාශ්රයක් පැවතීම කාලීන අවශ්යතාවයක් වන බැවින්ද ඒ සඳහා ඩිජිටල් සිතියම් සහිත භූගෝලීය තොරතුරු තාක්ෂණ දත්ත පද්ධතියක් කිර්මාණය කිරීමේ ව්යාපෘතිය සම්බන්ධයෙන් වන සාකච්ඡාවක් වයඹ පළාත් ප්රධාන ලේකම් අයි.එම්.අයි.ඉලංගකෝන් මහතාගේ ප්රධනත්වයෙන් ප්රධාන ලේකම් කාර්යාලයේදී පැවැත්විණි.
මේ සඳහා නියෝජ්ය ප්රධාන ලේකම් (පරිපාලන), නියෝජ්ය ප්රධාන ලේකම් (මූල්ය), නියෝජ්ය ප්රධාන ලේකම් (සැලසුම්), ප්රධාන ලේකම් කාර්යාලයේ ගිණුම් අංශයේ නිලධාරීන්, වයඹ පළාත් ආදායම් දෙපාර්තමේන්තුවේ නිලධාරීන්, පළාත් සභා GIS ඒකකයේ නිලධාරීන් ඇතුළු පිරිසක් සහභාගී වන ලදී.
