09/06/2026
🚨 කුරුගගේ ජලය විෂ වෙමින් පවතී! 🚨
කුරුවිට නගරය මුහුණ දෙන බරපතළම පරිසර හා සෞඛ්ය ගැටලුවක් වන්නේ නිසි ලෙස අපද්රව්ය බැහැර නොකිරීමයි. නගරයේ බොහෝ නිවාස, හෝටල් සහ ව්යාපාරික ආයතනවල අපද්රව්ය ජලය සෘජුවම කුරු ගඟට සහ අනෙකුත් ජල මාර්ගවලට මුදා හරින බව දක්නට ලැබේ.
කනගාටුවට කරුණ වන්නේ කුරුවිට ජනතාවගෙන් සැලකිය යුතු පිරිසක් තවමත් පානීය ජලය ලෙස භාවිතා කරන්නේ මෙම ජල මූලාශ්ර ආශ්රිත ජලය වීමයි. ප්රදේශයේ පාචන රෝග, ඩෙංගු වැනි මදුරු ආශ්රිත රෝග සහ විවිධ ජලජ රෝග වර්ධනය වීමට මෙම දූෂිත පරිසරය බලපාන බවට ජනතාව අතර දැඩි කනස්සල්ලක් පවතී.
සමනොළ කන්ද ආශ්රිතව පිරිසිදුව ආරම්භ වන මෙම ජල මූලාශ්රය, කුරුවිට නගරය මධ්යයෙන් ගමන් කරන අවස්ථාවේදී දැඩි ලෙස දූෂණයට ලක් වේ. අද වන විට ඇතැම් ස්ථානවල ජලය පානයට පමණක් නොව ස්නානය සඳහා පවා නුසුදුසු මට්ටමකට පත්ව ඇත.
ග්රාමීය ප්රදේශවලදීද ඇතැම් ස්ථානවල අපද්රව්ය කුඹුරු සහ කෘෂිකාර්මික ඉඩම් ආශ්රිත ප්රදේශ වෙත මුදා හරින අතර එය ගොවීන්ගේ ජීවනෝපායට හානි කරන බරපතළ ක්රියාවකි. මෙවැනි ක්රියා නීතියෙන් දඬුවම් ලැබිය හැකි වරදක් වන අතර, අදාළ බලධාරීන් වෙත පැමිණිලි කිරීමේ අයිතිය ජනතාවට ඇත.
පිරිසිදු ජලය යනු සෑම පුරවැසියෙකුගේම මූලික අයිතිවාසිකමකි. කුරුවිට සහ සමස්ත සබරගමුවේ වටිනා ජල සම්පත ආරක්ෂා කිරීම සඳහා ජනතාව, ව්යාපාරිකයන් සහ වගකිවයුතු ආයතන සියල්ලන්ම වහා ක්රියාත්මක විය යුතු කාලය එළඹ ඇත.
