Divisional Secretariat Mahiyangana

04/06/2026

03/06/2026

මහියංගනයේ ආපදාවට පත් පවුල් 687කට වන්දි ප්‍රදානය හෙට (දෙවන අදියර)
▪️▪️▪️▪️▪️▪️▪️▪️▪️▪️▪️▪️

දිට්වා ආපදා තත්ත්වය හේතුවෙන් නිවාස අර්ධ වශයෙන් හානියට පත් වූ මහියංගණය කොට්ඨාසයේ ජනතාවට සහන සැලසීමේ දෙවන අදියර හෙට (2026.06.04) දින ක්‍රියාත්මක වේ.

පළමු අදියර යටතේ පවුල් 531 කට සාර්ථකව සහන සැලසූ අතර, මෙවර තවත් පවුල් 687 ක් සඳහා මූල්‍යාධාර පිරිනැමීමට නියමිතයි.

• ප්‍රතිලාභීන්: නිවාස අර්ධ හානියට පත් තවත් පවුල් 676ක් සහ පුර්ණ හානි පවුල් 12 ක් සඳහා

📌 වැඩසටහනේ විශේෂ අවස්ථා:

• වන්දි මුදල: එක් පවුලක් සඳහා රුපියල් ලක්ෂ 3 බැගින් මූල්‍යාධාර.
• ස්ථානය: මහියංගනය ප්‍රාදේශීය ලේකම් කාර්යාලයීය ශ්‍රවණාගාරය.

මහියංගනය ප්‍රාදේශීය ලේකම් විමංස සෙනෙවිරත්න මහතාගේ මගපෙන්වීම යටතේ, ප්‍රාදේශීය ලේකම් කාර්යාලයේ කාර්ය මණ්ඩලය විසින් මෙම වැඩසටහන සංවිධානය කර ඇත.

දිරියෙන් නැගිටිමු - සෙවනක‍ සැනසෙමු! 🏡✨

03/06/2026

මහා ශ්‍රම මෙහෙයුම
සුපිරිසිදු හෙටක් - පරිසර ශ්‍රමදානය
▪️▪️ ▪️ ▪️ ▪️ ▪️ ▪️ ▪️ ▪️ ▪️ ▪️
ලෝක පරිසර දිනයට සමගාමීව "Clean Sri Lanka" වැඩසටහන යටතේ සංවිධානය වන මහා ශ්‍රම මෙහෙයුම ජුනි 5 වෙනිදා පෙරවරු 8 සිට මහියංගනය රාජමහා විහාරස්ථානයේදී , සොරබොර වැව පරිශ්‍රයේදී සහ කොට්ඨාසයේ සියලුම වසම් වලදි පැවැත්විමට නියමිතය.

අපේ පරිසරය අපේ දරුවන්ට රැක දීම වෙනුවෙන් ස්වේච්ඡා සමිති, පාසල් සිසුන් සහ රාජ්‍ය නිලධාරීන් ඇතුළු අපි හැමෝම එකතු වෙන මේ සත්කාරයට ඔබත් එකතු වෙන්න!

එකතු වෙමු - හදමු - ජයගමු!

31/05/2026

මෙත් සිත් එක් කළ වෙසක් දන්සල
▪️▪️▪️▪️▪️▪️▪️▪️▪️▪️▪️▪️▪️

සම්බුදු තෙමඟුල සිහි කරන පින්බර වෙසක් පොහෝ දිනය නිමිත්තෙන් මහියංගනය ප්‍රාදේශිය ලේකම් කාර්යාලය මගින් සංවිධානය කරන ලද මාළු පාන් සමඟ ප්ලේන්ටි දන්සල වෙසක් පුන් පෝහෝ (30) දින කාර්යාල පරිශ්‍රයේදී පැවැත්විණි.

30/05/2026

ශ්‍රී බුද්ධ වර්ෂ 2570 ක් වූ උදාර වෙසක් පුණ්‍ය මහෝත්සවයට සමගාමීව, මහියංගන පුදබිම පින් මහිමයෙන් ඒකාලෝක කරමින් පැවැත්වුණු සුවිශේෂී පිණ්ඩපාත චාරිකාව...

29/05/2026

මහියංගන ප්‍රාදේශීය ලේකම් කාර්යාලයේ දී ප්‍රජා සංවර්ධන සභා සම්බන්ධීකරණ කමිටුව රැස්වෙයි! 🏛️🌾
▪️ ▪️ ▪️ ▪️ ▪️ ▪️ ▪️ ▪️ ▪️ ▪️ ▪️ ▪️

දිස්ත්‍රික් හා ප්‍රාදේශීය සම්බන්ධීකරණ කමිටු ප්‍රතිසංවිධානය කිරීම වෙනුවෙන් නිකුත් කර ඇති 3/2025 චක්‍රලේඛයට අනුව, ප්‍රාදේශීය සම්බන්ධීකරණ කමිටුවේ ප්‍රධාන අනු කමිටුවක් වන "ප්‍රජා සංවර්ධන සභා සම්බන්ධීකරණ කමිටු" රැස්වීම 2026.05.27 දින ප්‍රාදේශීය ලේකම් කාර්යාලීය ශ්‍රවණාගාරයේ දී සාර්ථකව පවත්වන ලදී.

මෙම විශේෂ රැස්වීම බදුල්ල දිස්ත්‍රික් ගරු පාර්ලිමේන්තු මන්ත්‍රී සුදත් බලගල්ල මැතිතුමාගේ ප්‍රධානත්වයෙන් පැවැත්විණි.

🎯 සාකච්ඡාවට බඳුන් වූ ප්‍රධාන කරුණු:

✳️ ප්‍රජා ශක්ති ජාතික වැඩසටහන: මහියංගන කොට්ඨාසය තුළ මෙම වැඩසටහන සාර්ථකව ක්‍රියාත්මක කිරීම.

✳️ Clean Sri Lanka වැඩසටහන: පරිසර සංරක්ෂණය සහ පිරිසිදුකම වෙනුවෙන් වූ ජාතික වැඩපිළිවෙළ ශක්තිමත් කිරීම.

✳️ සංවර්ධන ව්‍යාපෘති (2026): මේ වසරේ දැනටමත් ක්‍රියාත්මක වන සංවර්ධන වැඩකටයුතු පිළිබඳ සමාලෝචනය.

✳️ අනාගත සංවර්ධන යෝජනා (2027): ලබන වසරේ ක්‍රියාත්මක කිරීමට අපේක්ෂිත සංවර්ධන යෝජනා පිළිබඳව දීර්ඝව සාකච්ඡා කිරීම.

ප්‍රධාන අරමුණ:
මෙම සියලුම ප්‍රාදේශීය සංවර්ධන යෝජනා, දිස්ත්‍රික් සංවර්ධන සැලැස්ම (District Development Plan) දක්වා නිසි පරිදි ගෙන යමින් ප්‍රදේශයේ සැබෑ අවශ්‍යතා ඉටු කිරීමයි.

මෙම අවස්ථාවට ප්‍රදේශයේ සංවර්ධනයට ඍජුව ම දායකත්වය සපයන ප්‍රාදේශීය සභා ගරු සභාපතිතුමිය, ගරු උප සභාපතිතුමා, ප්‍රාදේශීය ලේකම් විමංස සෙනෙවිරත්න මහතා, සහකාර අධ්‍යක්ෂතුමිය (ක්‍රමසම්පාදන), රාජ්‍ය ආයතන ප්‍රධානීන් මෙන් ම ප්‍රජා සංවර්ධන සභා කමිටු සභාපතිවරු, ප්‍රජා සවිබලගැන්වීමේ නිලධාරීන්, ක්ෂේත්‍ර නිලධාරීන් ඇතුළු රැසක් සහභාගී විය.

Lanka

29/05/2026

ප්‍රාදේශීය යෞවන සමාජ සම්මේලන ක්‍රීඩා උළෙල
▪️ ▪️ ▪️ ▪️ ▪️ ▪️ ▪️ ▪️ ▪️ ▪️

36 වන ජාතික යෞවන ක්‍රීඩා උළෙලට සමගාමීව අප විසින් සංවිධානය කළ ප්‍රාදේශීය යෞවන සමාජ සම්මේලන ක්‍රීඩා උළෙල ඊයේ(28) දින ඉතා සාරිථක ලෙස මහියංගණය ජාතික පාසලි ක්‍රිඩාංගණයෙි දී පැවැත්විය..

මේ දැවැන්ත කර්තව්‍යය සාර්ථක කරගැනීම සඳහා ආරාධනය පිළිගෙන පැමිණි සම්භාව්‍ය ආරාධිත අමුත්තන්ටත්, අද දවසේ උපරිම ක්‍රීඩාශීලීත්වයෙන් තරග වැදුණු අපගේ ආදරණීය ක්‍රීඩක ක්‍රීඩිකාවන්ටත්, විනිසුරු මඩුල්ලට සහ නොමඳ සහයෝගයක් ලබාදුන් ක්‍රීඩා ලෝලීන් ඇතුළු ඔබ සියලු දෙනාටමත් ප්‍රාදේශීය යෞවන සමාජ සම්මේලනයේ හදපිරි ස්තූතිය පුද කර සිටිනවා! 🙏

දවසේ දක්ෂතා දැක්වූ සියලුම ජයග්‍රාහකයින්ට අපගේ උණුසුම් සුබපැතුම්! 🏅

තරුණ ජවයෙන් පිරුණු අපේ ප්‍රදේශයේ තරුණ තරුණියන්ගේ හෙට දවස වෙනුවෙන් යෞවන සමාජය හරහා ඉදිරියටත් මෙවැනි සුවිශේෂී වැඩසටහන් රැසක් ක්‍රියාත්මක කිරීමට අපි සූදානම්. ඒ ගමන තවත් ශක්තිමත් කරන්නට, ඉදිරියටත් අපේ යෞවන සමාජ සමඟ අත්වැල් බැඳගෙන එකට ගමන් කරන ලෙස ඔබ සියලු දෙනාටම අපි ආදරයෙන් ආරාධනා කරනවා. 🤝

#36වනජාතිකයෞවනක්‍රීඩාඋළෙල #යෞවනසමාජ