06/07/2026
රනිල් වික්රමසිංහ මහතා අග්රාමාත්ය ලෙස සිටි රජයේ 2015–2019 කාලයේ රජයේ රෝහල් සඳහා සෞඛ්ය අමාත්යාංශය විසින් Ford Transit සහ Mercedes-Benz ගිලන් රථ විශාල සංඛ්යාවක් බෙදා දී තිබේ. මෙම වැඩසටහන 1990 සුව සැරිය 297ක් ගිලන් රථ සේවාවෙන් වෙනස් වූ, රජයේ සහ පළාත් රෝහල් සතු ගිලන් රථ බලඇණිය නවීකරණය කිරීමේ වැඩසටහනකි.
2019 ජනවාරි මාසයේ සෞඛ්ය අමාත්යාංශය :
Ford ගිලන් රථ 132ක් රෝහල් 132කට බෙදාදීමට කටයුතු සම්පාදනය කරන ලදී.
පළාත් රෝහල් 103කට
මධ්යම රජයේ රෝහල් 27කට
ආයුර්වේද රෝහල් 2කට
මීට අමතරව එම අවස්ථාවේ දැඩි සත්කාර Mercedes-Benz ගිලන් රථ 40ක් ජාතික රෝහල්වලට බෙදා දී තිබුණි.
2019 අප්රේල් වන විට
සෞඛ්ය අමාත්යාංශය අනුව,
ගිලන් රථ 152ක් මීට පෙර රෝහල් වෙත බෙදා දී තිබුණි.
ඉන් අනතුරුව තවත් 138ක් (Ford 118 + Mercedes-Benz 20) බෙදා දෙන ලදී.
මෙම ගිලන් රථ සාමාන්ය රෝගී ප්රවාහන රථ නොව, ඔක්සිජන් සැපයුම් පද්ධති, හෘද නිරීක්ෂණ උපකරණ (Patient Monitor), Defibrillator, Suction Unit සහ අනෙකුත් ජීවිතාරක්ෂක පහසුකම්වලින් සමන්විත නවීන හදිසි ප්රතිකාර ගිලන් රථ ලෙස රෝහල්වල සේවයට එක් කරන ලදී.
2020–2022 COVID-19 වසංගත සමයේ මෙම ගිලන් රථ රෝහල් පද්ධතියට විශාල ශක්තියක් විය. අසාධ්ය රෝගීන් ආරක්ෂිතව ප්රවාහනය කිරීම, රෝහල් අතර හදිසි මාරු කිරීම් (Inter-Hospital Transfers) සිදු කිරීම සහ දැඩි සත්කාර (ICU/HDU) අවශ්ය රෝගීන් විශේෂිත රෝහල් වෙත යොමු කිරීම සඳහා ඒවා පුළුල් ලෙස භාවිතා කරන ලදී.
විශේෂයෙන් දිස්ත්රික් සහ ප්රාදේශීය රෝහල්වල සිට කිලෝමීටර් 40–50ක් පමණ දුරින් පිහිටි මූලික රෝහල් වෙතත්, අවශ්ය අවස්ථාවලදී කොළඹ, මහනුවර සහ අනෙකුත් තෘතියික ප්රතිකාර මධ්යස්ථාන වෙත කිලෝමීටර් සිය ගණනක් දුරින් රෝගීන් ආරක්ෂිතව ප්රවාහනය කිරීම සඳහා මෙම ගිලන් රථ භාවිතයට ගැනිණි.
වසංගත සමය අවසන් වුවද, මෙම Ford සහ Mercedes-Benz ගිලන් රථ අදටත් රජයේ රෝහල් පද්ධතිය තුළ හදිසි ප්රතිකාර, දැඩි සත්කාර රෝගීන්ගේ ප්රවාහනය සහ රෝහල් අතර අන්තර් සේවා සඳහා අත්යවශ්ය සම්පතක් ලෙස අඛණ්ඩව සේවයේ යෙදී සිටී.
