26/06/2026
සිවිල් ආරක්ෂක දෙපාර්තමේන්තුවේ සාමාජික සාමාජිකාවන් සඳහා පැවැත්වූ පුහුණු වැඩසටහන් මාලාව සහ සහතික පත් ප්රදානය.
-----------------------------------------------------------------------------------------------------------
සිවිල් ආරක්ෂක දෙපාර්තමේන්තුවේ රාජකාරීන්හි කාර්යක්ෂමතාව සහ ගුණාත්මකභාවය ඉහළ නැංවීමේ අරමුණින්, සාමාජික සාමාජිකාවන්ගේ දැනුම හා කුසලතා වැඩිදියුණු කිරීම සඳහා වූ පුහුණු වැඩසටහන් මාලාවක් සිවිල් ආරක්ෂක දෙපාර්තමේන්තු මූලස්ථාන පරිශ්රයේදී සාර්ථකව පවත්වන ලදී.
සිවිල් ආරක්ෂක දෙපාර්තමේන්තු අධ්යක්ෂ ජනරාල් මේජර් ජෙනරල් පාලිත ප්රනාන්දු ජ්යෙෂ්ඨ නිලධාරිගේ උපදෙස් හා මඟපෙන්වීම මත, පුහුණු අංශයේ සම්බන්ධීකරණයෙන් සිවිල් ආරක්ෂක දෙපාර්තමේන්තු මූලස්ථානය, කටුනායක සහ වෙන්නවත්ත බලකායන්, සේරුපිට පුහුණු පාසල සහ වැලිසර උප බලකාය ආවරණයවන පරිදි එක් පුහුණු වැඩසටහනක් සඳහා සාමාජිකයින් 30දෙනෙකු බැගින් සහභාගී විය.
අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ සී/ස නිපුණතා සංවර්ධන අරමුදල (SDFL) සහ රාජ්ය පරිපාලන අමාත්යාංශය යටතේ පවතින දුරස්ථ ඉගෙනුම් මධ්යස්ථානය (DLC) යන ආයතනයන්හි සම්පත් දායකත්වයෙන් පවත්වන ලද මෙම පුහුණු වැඩසටහන් මාලාවේ සහතික පත් ප්රදානය කිරීම, අතිරේක අධ්යක්ෂ ජනරාල් මේජර් ජෙනරල් කීර්ති බංඩාර ජ්යෙෂ්ඨ නිලධාරිගේ ප්රධානත්වයෙන් 2026 ජූනි මස 24 වන දින සිදු කෙරිණි.
රාජකාරී අවශ්යතාවයන් මත දැනුම වර්ධනය කළ යුතු ක්ෂේත්ර ඔස්සේ පහත විෂය මාලාවන් යටතේ පුහුණු වැඩසටහන් පැවැත්විය.
I. 2026.05.20 කාර්යාල කළමනාකරණය - චමින්ද අරුණ කුමාර පරණමාන (ශ්රී ලංකා පරිපාලන සේවය ජනාධිපති, මහජන සම්බන්ධතා නියෝජ්ය අධ්යක්ෂ)
II. 2026.05.25 සහ 26 මූලික විමර්ශනය - ලොකු හැන්නැදිගේ නිහාල්, (කථිකාචාර්ය ටයිටම්ස් ඇකඩමි (පුද්) සමාගම.)
III. 2026.06.05 ලිපිගොනුකරණය, සටහන් ලිවීම හා රාජකාරි ලිපි ලිවීම - එම්.ඒ. තිලක් සෙනරත්, (ලේකම්, පළාත් රාජ්ය සේවා කොමිෂන් සභාව.)
IV. 2026.06.16 සහ 17 ප්රසම්පාදන ලේඛන - (ජ.එස්.කේ.සමරතුංග, (ප්රධාන මූල්ය නිලධාරී ප්රසම්පාදන, ජනාධිපති ලේකම් කාර්යාලය.)
V. 2026.06.19 ටෙන්ඩර් කැඳවීමේ ක්රියාපටිපාටිය - ඒඩීපීඅයි ප්රසන්න (ප්රසම්පාදන විශේෂඥ, ප්රසම්පාදන කොමිෂන් සභාව)
VI. 2026.06.23 සහ 24 මූලික ගබඩා කළමනාකරණය - සුමිත් ජේ. කුමාර, (ප්රධාන අභ්යන්තර විගණක, ශ්රී ලංකා යුධ හමුදා මූලස්ථානය.)
