10/04/2026
සංස්කෘතික අනන්යතාවය සහ ජන ක්රීඩා රැසක් සමඟින් විශ්වමඩු බලකායේ බක්මහ සැමරුම.
------------------------------------------------------------------------------------------------------
සිවිල් ආරක්ෂක සාමාජික සාමාජිකාවන්ගේ කාර්යබහුල රාජකාරි ජීවිතයෙන් මිදී, නව වසරේ නැවුම්බව සමඟින් මනසට සැහැල්ලුවක් සහ ප්රබෝධයක් එක් කිරීමේ අරමුණින් විශ්වමඩු බලකාය මගින් සංවිධානය කරන ලද අවුරුදු උත්සවය 2026 අප්රේල් මස 08 වන දින බලකා මූලස්ථානයේදී පවත්වන ලදී.
සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් පාලිත ප්රනාන්දු ජ්යෙෂ්ඨ නිලධාරීගේ උපදෙස් හා මඟපෙන්වීම මත 553 වන බලසේනා මූලස්ථානයේ බලසේනාධිපති බ්රිගේඩියර් එම්පීජේ මුතුනායක ජ්යෙෂ්ඨ නිලධාරීගේ ප්රධානත්වයෙන් විශ්වමඩු බලකා අණදෙන නිලධාරී ලුතිතන් කර්නල් ඩබ්එම්පීඑම් අපෝන්සු ජ්යෙෂ්ඨ නිලධාරීගේ මෙහෙයවීමෙන් ක්රියාත්මක වූ මෙම උත්සවය, හින්දු සංස්කෘතික අංගයන්ගෙන් විචිත්රවත් විය.
බක්මහ කුමරා සහ කුමරිය තේරීම, අලියට ඇස තැබීම, කොට්ට පොර, බනිස් කෑම, බිත්තර ඇල්ලීම, සංගීත පුටු තරඟය සහ විවිධ ඇඳුම් තරඟය වැනි ජනප්රිය ජන ක්රීඩා ඉසව් රැසකින් සමන්විත වූ මෙම බක්මහ උළෙල සඳහා මුලතිව් බලකා අණදෙන නිලධාරී, විශ්වමඩු බලකායේ දෙවන අණදෙන නිලධාරී ඇතුළු බලකා සාමාජික සාමාජිකාවන් සහභාගී වූහ.
