11/08/2026
අත්තම - ජාතික පවිත්රතා දිනය දිවයිනේ සියලුම ග්රාම නිලධාරී වසම්වල සාර්ථකව පැවැත්විණි....🌱
අත්තම - ජාතික පවිත්රතා වැඩසටහන සෑම මසකම අවසන් සෙනසුරාදා දින සියලු ප්රාදේශීය ලේකම් කාර්යාලය කොටිඨාසය ආවරණය කරමින් පැවැත්වෙනු ඇත. පසුගියදා පැවැත්වුණු ශ්රමදාන වැඩසටහන් සඳහා පුළුල් ජන සහභාගීත්වයක් තිබීම කැපී පෙනෙන්නකි. සියලු දිස්ත්රික්ක වල දිස්ත්රික් ලේකම් කාර්යාලය මටිටමින් වැඩසටහන් රැසක් සංවිධාන කෙරිණි. ඒ සඳහා දේශපාලනඥයින් , දිස්ත්රික් හා ප්රාදේශීය ලේකම්වරැන් සහ ක්ෂෙත්ර නිලධාරීන් මෙන්ම අනෙකුත් රාජ්ය නිලධාරීන්, ත්රිවිධ හමුදා සාමාජිකයන් , මෙන්ම ස්වෙච්ජා සංවිධාන වල නියෝජිතයෝ ඇතුළු තවත් පිරිසක් එක්වුහ. “පවිත්ර දේශයක් සඳහා පුරවැසි මෙහෙයුම” වැඩසටහනේ තේමාවයි. පරිසර හිතකාමී මෙන්ම පවිත්ර පරිසර පද්ධතියක් ඉදිරි පරපුර උදෙසා නිර්මාණය කිරීමේ අරමුණෙන් වැඩසටහන සංවිධාන කළේ , ක්ලීන් ශ්රී ලංකා ලේකම් කාර්යාලයයි.
රාජ්ය , පෞද්ගලික හා මහජන හවුල්කාරීත්ව ( 4P ) සංකල්පය මත පදනම්ව , සියලු දිස්ත්රික් ලේකම්වරැන් ගේ අධීක්ෂණය යටතේ වැඩසටහන ක්රියාත්මක විය.
පරිසර ප්රජා සහජීවනය සඳහා වු ජාතික දිනය නිමිත්තෙන් ක්ලීන් ශ්රී ලංකා ලේකම් කාර්යාලය හා තවත් රාජ්ය ආයතන ගණනාවක සහය ඇතිව මෙය ක්රියාවට නැංවිණි. ශ්රී ලංකා යුද හමුදාව ඇතුළු ත්රිවිධ හමුදාවේ ශ්රම දායකත්වය ද ඊට ලැබිණි. ශ්රී ලංකා පොලිසියේ පරිසර ආරක්ෂණ කොට්ඨාසයේ මඟ පෙන්වීමද වැඩසටහනට ලැබිණ..
ප්රජාව අතර සහයෝගීතාවය හා ශ්රම හුවමාරුව නැවතත් තරුණ පරපුර තුළ ප්රවර්ධනය කිරීම, පොදු දේපල කෙරෙහි සංකල්ප ධනාත්මක ආකල්ප ඇතිකරමින් ඌන උපයෝජිත පොදු පහසුකම් වැඩිදියුණු කිරීම, මහාමාර්ග හා වෙළෙඳ පොල ඇතුළු පොදු ස්ථාන පිරිසිදුව තබාගනිමින් දැකුම්කළු පරිසරයක් නිර්මාණය කිරීම සහ පරිසර දුෂණයෙන් ඇතිවන රෝග බෝවන ප්රභවයන් මුළුමනින්ම ඉවත් කිරීම මෙම වැඩසටහනේ ප්රධාන අරමුණයි.
මෙමඟින් අපේක්ෂිත ප්රතිඵල වන්නේ, පිරිසිදු හා ආකල්ප වලින් පිරිපුන් පරිසරයට සංවෙිදී අනාගත පරපුරක් බිහිකිරීම , පොදු පහසුකම් සංවර්ධනය තුළින් ජන ජීවිතය උසස් කිරීම , පුරවැසියන් අතර අනෝන්ය සබඳතා ප්රවර්ධනයයි.
🗓️ මීළඟ "අත්තම": 2026 සැප්තැම්බර් 19 (සෙනසුරාදා)
#අත්තම
