28/07/2026
"සුපිළිපන් සංස්කෘතියක් - ක්ලීන් ශ්රී ලංකාවක්" - රත්නපුර පා ගමන| 🇱🇰
පුරවැසි ආචාරධර්මීය යහපැවැත්ම ප්රවර්ධනය කිරීම සහ දූෂණයෙන් තොර, ආදර්ශමත් පරිපාලන ව්යුහයක් ගොඩනැගීමේ අරමුණින් ප්රකාශයට පත් කරන ලද “ජාතික සුපිළිපන් සතිය” (2026 ජූලි 27 - 31) නිමිත්තෙන් රත්නපුර දිස්ත්රික් ලේකම් කාර්යාලය සහ සබරගමුව පළාත් සභාව එක්ව සංවිධානය කළ විශේෂ වැඩසටහන් මාලාවේ ප්රධාන පාගමන 2026.07.28 දින පැවැත්විණි.
ආරම්භය සහ මාර්ගය - සබරගමුව පළාත් සභා සංකීර්ණය අසළින් ආරම්භ වී රත්නපුර නව නගරයේ උසාවි හංදිය දක්වා ගමන් කිරීම සිදු විය.
සමාජ දැනුවත් කිරීම - පාගමන අවසානයේදී ජනතාව හා රාජ්ය නිලධාරීන් දැනුවත් කෙරෙන වීදි නාට්ය ද්විත්වයක් රඟ දැක්වීම සිදු විය.
මේ සඳහා සබරගමුව පළාත් ගරු ආණ්ඩුකාර චම්පා ජානකී රාජරත්න මහත්මිය, සබරගමුව පළාත් ප්රධාන ලේකම් උපාලි ජයසේකර මහතා, රත්නපුර දිස්ත්රික් ලේකම් / දිසාපති එම්.ජී. ලලිත් ආනන්ද මහතා, සබරගමු පළාත් සභා අමාත්යාංශ ලේකම් වරුන්, අතිරේක දිස්ත්රික් ලේකම් ගයානි අයි. කරුණාරත්න මහත්මිය, අතිරේක දිස්ත්රික් ලේකම් අමිල විජේරත්න මහතා , රත්නපුර ප්රාදේශීය ලේකම් චින්තන උදාර නානායක්කාර මහතා, දිස්ත්රික් අධ්යක්ෂ (සැලසුම්) එම්.කේ.එල්. ජයසිංහ මහතා, රාජ්ය ආයතන ප්රධානීන්, ක්ලීන් ශ්රී ලංකා රත්නපුර දිස්ත්රික් සම්බන්ධීකාරක උපුල් වසන්ත මහතා, ආරක්ෂක අංශ සහ රාජ්ය නිලධාරීන් 500 ක් පමණ මේ සඳහා සහභාගි විය.
මෙම වැඩසටහන සතියකට පමණක් සීමා නොකරමින්, රත්නපුර දිස්ත්රික් රාජ්ය සේවයේ ගුණාත්මකභාවය, කාර්යක්ෂමතාවය සහ පාරදෘශ්යභාවය තහවුරු කෙරෙන කෙටිකාලීන, මධ්යකාලීන සහ දීර්ඝකාලීන සැලසුම් රැසක් ඉදිරියටත් ක්රියාත්මක කිරීමට නියමිතය.
මාධ්ය ඒකකය,
ප්රාදේශීය ලේකම් කාර්යාලය, රත්නපුර.
Media Unit | Divisional Secretariat, Ratnapura®
Copyright 2026 © All Rights Reserved
[ © 2026 RPDS Media ]
