09/05/2025
සබරගමුව විශ්ව විද්යාල තාක්ෂණ පීඨයේ දෙවන වසරේ සිසුන් හට නවකවදය ලබා දීම සම්බන්ධයෙන් 2025.04.29 වන දින සමනලවැව පොලිස් ස්ථානය වෙත ලද පැමිණිල්ලක් අනුව සිදුකෙරෙන විමර්ශනයට අදාලව අපරාධ පරීක්ෂණ දෙපාර්තමේන්තුවේ නිලධාරීන් 2025.05.06 වන අද දින උදෑසන සබරගමුව විශ්ව විද්යාලයේ තාක්ෂණ පීඨයේ තෙවන වසරේ ඉගෙනුම ලබන තවත් සිසුන් දෙදෙනෙකු අත්අඩංගුවට ගෙන ඇත.
අපරාධ පරීක්ෂණ දෙපාර්තමේන්තුවේ නිලධාරීන් මින් පෙර, එනම් 2025.05.04 වන දින සබරගමුව විශ්ව විද්යාලයේ තාක්ෂණ පීඨයේ තෙවන වසරේ ඉගෙනුම ලබන සිසුන් සිව් දෙනෙකු අත්අඩංගුවට ගත් අතර බලංගොඩ මහේස්ත්රාත් අධිකරණය වෙත ඉදිරිපත්කිරීමෙන් අනතුරුව ඔවුන්ව ලබන 16 වන දා තෙක් රක්ෂිත බන්ධනාගාරගතකරන ලදී.
විමර්ශනයට අදාලව 2025.05.05 වන දින තාක්ෂණ පීඨයේ තෙවන වසරේ ඉගෙනුම ලබන තවත් සිසුන් සිව්දෙනෙක් අපරාධ පරීක්ෂණ දෙපාර්තමේන්තු නිලධාරීන්ගේ අත්අඩංගුවට පත්විය.
ඒ අනුව 2025.05.06 (අද) දින අත්අඩංගුවට ගත් දෙදෙනාත් සමඟ මේ දක්වා සිසුන් දහ දෙනෙකු අත්අඩංගුවට ගෙන අපරාධ පරීක්ෂණ දෙපාර්තමේන්තුව විමර්ශන ඉදිරියට පවත්වයි.
#මේ_ඔබේ_පොලිසියයි
