Divisional Secretariat - Attanagalla

04/01/2024

01/06/2023

අත්තනගල්ල ප්‍රාදේශීය ලේකම්, සහකාර ප්‍රාදේශීය ලේකම් ඇතුලු සමස්ත කාර්ය මණ්ඩලයේ සාතිශය සංවේගය !!

24/05/2023

පොසොන් දන්සැල් ලියාපදිංචි කිරීම මැයි 29

24/05/2023

මැයි 26 නිට්ටඹුව- කලල්පිටිය එදිරිසිංහ කුෂන් වර්ක් ආයතනය ඉදිරිපිට දී කුඩා ව්‍යවසායකයන්ගේ නිෂ්පාදන මිලට ගැනීමට හා ආහාර අලෙවි පොළට ඔබත් එන්න 🙏🙏

24/05/2023

අත්තනගල්ල ප්‍රාදේශීය සංස්කෘතික බල මණ්ඩලය සඳහා නව අනු මණ්ඩල 03ක්
===================================
අත්තනගල්ල ප්‍රාදේශීය සංස්කෘතික බල මණ්ඩලයේ කලා කටයුතු ඉදිරියේ දී වඩාත් පුළුල් කිරීමේ අරමුණින් එම බල මණ්ඩලය සඳහා අනු මණ්ඩල කිහිපයක් පත් කිරීමට ප්‍රවීණ කලාකරු දයා වයමන් මහතා ඉදිරිපත් කළ යෝජනාවක් අද දින (මැයි 23) රැස් වූ එම බල මණ්ඩලයේ මහා සභාව විසින් ඒකමතිකව අනුමත කළ අතර සාහිත්‍ය කලා අනු මණ්ඩලය, නාට්‍ය හා රංග කලා අනු මණ්ඩලය හා සංගීත කලා අනු මණ්ඩලය සඳහා ලේකම්වරුන් අද දින පත් කර ගන්නා ලදී.

ඒ අනුව ප්‍රවීණ මාධ්‍යවේදී සිරිමෙවන් කස්තුරිආරච්චි මහතා සහ ප්‍රවීණ ලේඛිකා කාන්ති ගුණතිලක මහත්මිය සාහිත්‍ය කලා අනු මණ්ඩලයේ සම ලේකම්වරුන් ලෙසත්, ප්‍රවීණ කලාකරු දයා වයමන් මහතා නාට්‍ය හා රංග කලා අනු මණ්ඩලයේ ලේකම්වරයා ලෙසත්, ප්‍රවීණ සංගීත ශිල්පී රොෂාන් මාර්ටිනස් මහතා සංගීත අනු මණ්ඩලයේ ලේකම්වරයා ලෙසත් ඒකමතිකව පත් කර ගන්නා ලදී.
තවත් කලා මාධ්‍යයන් කිහිපයක් සඳහා අනු මණ්ඩල මෙන්ම සියලු අනු මණ්ඩල සඳහා සාමාජික කලාකරුවන් නම් කිරීම ඉදිරි ජූනි මස සභාවාරයේ දී සිදු කිරීමට අපේක්ෂිත ය. කලාකාමී සාහිත්‍ය ලැදි අත්තනගල්ල ප්‍රාදේශීය ලේකම් කොට්ඨාසයේ පදිංචි සියලු කලාකරුවන් සඳහා අත්තනගල්ල ප්‍රාදේශීය සංස්කෘතික බල මණ්ඩලය හා අත්වැල් බැඳගන්නා ලෙස සෙනෙහසින් ඇරයුම් කර සිටිමු !!

සංස්කෘතික කටයුතු අංශය - අත්තනගල්ල ප්‍රාදේශීය ලේකම් කාර්යාලය

15/05/2023

මේ ඡන්ද හිමි නාම ලේඛන ප්‍රතිශෝධනය කරන සමය යි 👍👍

20/04/2023

අත්තනගල්ල ප්‍රාදේශීය ලේකම් කාර්යාලයීය බක්මහ උළෙල අප්‍රේල් 23 ඉරිදා උදේ 8 සිට නිට්ටඹුව සංඝබෝධි විද්‍යාලයීය ක්‍රීඩාංගණයේ දී

11/04/2023

අත්තනගල්ලේ සුබසාධක ප්‍රතිලාභ සමීක්ෂණ කටයුතු කලට වේලාවට අවසන් කර දුන් සමීක්ෂණ නිලධාරීන් සැමට බෙහෙවින් ස්තුතියි !!

11/04/2023

අත්තනගල්ල කුඩා ව්‍යවසායකයන්ගේ වීදි ආහාර සැණකෙළිය හා යෞවනයන්ගේ නාඩගම සංස්කෘතිකාංගය - 03/31-04/01
=====================================
අත්තනගල්ල ප්‍රාදේශීය ලේකම් කාර්යාලයේ කුඩා ව්‍යාපාර සංවර්ධන අංශයේ මඟ පෙන්වීම මත දිරියෙන් නැඟී සිටින අත්තනගලු ව්‍යවසායකයන්ගෙන් සැදුම්ලත් දිනමු ව්‍යවසායක සංගමයේ සංවිධාන ශක්තියෙන් පසුගිය මාර්තු 31 හා අප්‍රේල් 01 දෙදින නිට්ටඹුව ඩිපෝ පාරේ දී පැවැත්වූ Street Food Festival (වීදි ආහාර සැණකෙළිය) හා Mini Fair අලෙවි පොළ සාර්ථක කර ගැනීම සඳහා උපකාර කළ සැමටත්, සහභාගී වූ සැමටත් අපගේ හදපිරි ස්තුතිය පිරිනමමු.

මෙම වැඩසටහන සංවිධානය කිරීමේ එකම අරමුණ වූයේ පසුගිය ආර්ථික අර්බුද සමයේ අතිශය දුෂ්කරතා මැද තම ව්‍යාපාර පවත්වාගෙන ගිය කුඩා ව්‍යවසායකයන් සවිබල ගැන්වීම පිණිස ඔවුන් හට වෙළෙඳපොළ අවස්ථා නිර්මාණය කර දීම ය. එම අරමුණ මනාව හඳුනාගත් අත්තනගල්ල ප්‍රාදේශීය සභාවේ එවකට සභාපති ප්‍රියන්ත පුෂ්පකුමාර මැතිතුමා සහ ලේකම් උපුල් රංජිත් මැතිතුමා ඇතුලු කාර්ය මණ්ඩලය ප්‍රාදේශීය සභාවෙන් ඒ සඳහා ලබා දිය යුතු ආයතනික සහයෝගය නොඅඩුව ලබා දුන් අතර නිට්ටඹුව නගරයේ වෙළෙඳ ප්‍රජාව වෙතින් ලද සහයෝගය ද ගෞරවයෙන් සිහිපත් කරමි.

වර්තමානයේ දක්නට ලැබෙන ඇතැම් ආහාර සැණකෙළි හා සසඳන කල මෙය කුඩා පරිමාණ වීදි ආහාර සැණකෙළියක් විය හැකි නමුත් ඒ තුළින් රටේ ආර්ථිකයේ ජීව රුධිරය බඳු අංකුර ව්‍යවසායකයන් ලැබූ පන්නරය අති මහත් ය. ඇතැම් ව්‍යවසායකයන්ගේ ආදායම ලියැවී තිබුණේ ඉලක්කම් 06කිනි. ඉල්ලක්කම් 05කින් ආදායම් නොලැබූ කිසිවෙක් නොවීය. ආහාර සැණකෙළියට සමගාමීව තිබූ Mini Fair හි මල් පැල අලෙවි සැල් පවා රු. 20,000- 30,000 වැනි ආදායම් ලබා තිබුණි. දිනමු ව්‍යවසායක සංගමයට ද ස්ථාවර ප්‍රාග්ධන අරමුදලක් ද ස්ථාපිත කර ගත හැකි විය. රට තුළ නිෂ්පාදන ආර්ථිකය වර්ධනය කිරීම, රැකියා වියුක්තිය අවම කිරීම, ආදායම් ඉහළ නැංවීම හා උද්ධමනය අඩු කිරීම යන සාර්ව ආර්ථික ඉලක්ක ළඟා කරගැනීමට ඇති එකම මාර්ගය වනුයේ ව්‍යවසායකත්වය දියුණු කිරීම ය. අත්තනගල්ල ප්‍රාදේශීය ලේකම් කොට්ඨාසය පුරා විසිරී සිටින අංකුර ව්‍යවසායකයන් හඳුනාගෙන ඔවුන් ශක්තිමත් ව්‍යවසායකයන් ලෙස නඟා සිටුවීම අත්තනගල්ල ප්‍රාදේශීය ලේකම් කාර්යාලයේ කුඩා ව්‍යාපාර සංවර්ධන අංශයේ අරමුණ වේ. මෙම වැඩසටහන ද එම අරමුණ කරා යන ගමනේ එක් පියවරක් පමණි.

වීදි ආහාර සැණකෙළි හැම තැනම තිබුණත් එය නාඩගම යනුවෙන් අලංකාර සංස්කෘතිකාංගයකින් භෞතීස්ම කිරීමේ ගෞරවය හිරිමල් නිර්මාණශීලී තාරුණ්‍යයේ අත්තනගලු නියෝජනය වූ අත්තනගල්ල ප්‍රාදේශීය යෞවන සමාජ සම්මේලනයට හිමි විය යුතු ය. මේ සියලු සාර්ථකත්වයට ශක්තියක් වෙමින් වීදි ආහාර සැණකෙළියට හා නාඩගමට සහභාගී වූ ආදරණීය අත්තනගල්ල ජනතාවට අපගේ ගෞරවනීය ප්‍රණාමය නැවතත් පුද කර සිටිමු !!

01/04/2023

මාර්තු 31 සහ අප්‍රේල් 01 දෙදින තුළ ක්‍රියාත්මක අත්තනගල්ල දිනමු ව්‍යවසායක සංගමයේ වීදි ආහාර සැණකෙළියට සහ අත්තනගල්ල යෞවන සමාජ සම්මේලනයේ නාඩගම සංස්කෘතිකාංගය සඳහා ඊයේ පළමු දිනයේ ම අනපේක්ෂිත විශාල ජනතා සහභාගිත්වයක් තිබීම නිසා රාත්‍රී 9 පමණ වන විට බොහෝ ආහාර අලෙවිසැල්වල ආහාර සැපයුම අවසන් වී තිබිණ.

දිරියෙන් නැඟී සිටින කුඩා ව්‍යවසායකයන්ගේ ආදායම් ඉලක්ක නොසිතූ ලෙස ඉහළ යෑමට ඔබගේ එම ආදරණීය සහභාගිත්වය හේතු විය. ඒ හේතුවෙන් ම ඔවුන් අද දින තම ආහාර සැපයුම විශාල ලෙස ඉහළ නැංවීමට කටයුතු කර ඇති බවත්, රාත්‍රී 11 පමණ වන තෙක් 5000 - 6000ක් පමණ පිරිසකට අඛණ්ඩ ආහාර සැපයුමක් සිදු කිරීමට අත්තනගල්ල කුඩා ව්‍යවසායකයන් සූදානමින් සිටින බවත් අද (අප්‍රේල් 01) දින සැණකෙළි භූමියට පැමිණීමට අපේක්ෂිත ආදරණීය ඔබට කාරුණිකව සැල කර සිටිමු !!

01/04/2023

නිට්ටඹුව Food Festival අප්‍රේල් 01 අද දෙවැනි දිනටත් ක්‍රියාත්මක යි ආහාර සැපයුම දෙගුණයකින් වැඩි කරනු ඇත