27/08/2026
දරුවන් සදහා නායකත්ව කුසලතා සහ ආකල්ප සංවර්ධන වැඩසටහනක්...
=============================
නොච්චියාගම, දුණුපොතගම විද්යා ප්රදීප මහා විද්යාලයේ දී
2026.08.26 වන දින නායකත්ව කුසලතා සහ ආකල්ප සංවර්ධන වැඩසටහනක් පවත්වන ලදි.
ළමා සමාජ දරුවන් හා විද්යාලයේ ශිෂ්ය නායක දරුවන් 75 දෙනෙකු සහභාගි කර ගනිමින් පැවති මෙහිදී තමන්ගේ ශක්තීන් හා දුර්වලතා හදුනා ගනිමින්, වගකීම් හා වටිනාකම් වර්ධනය කරගත් දරු පිරිසක් සමාජගත කිරීම අරමුණු විය.
මෙහිදී කණ්ඩායම් ක්රියාකාරකම්වලට දරුවන් සක්රීයව දායක කරගනිමින්, නායකයකු යනු කවරෙක්ද යන්න සහ නායකත්ව ලක්ෂණ හා ගුණාංග පිළිබඳ අවබෝධය දරුවන්ට ලබාදීම සදහා සම්පත් දායකත්වය රාජාංගනය ප්රාදේශීය ලේකම් කාර්යාලයේ මානව සම්පත් සං.නි. සරත් චන්ද්රරත්න මහතා විසින් ලබාදෙන ලදී.
එසේම ධනාත්මකව සිතන සදාචාරාත්මක වටිනාකම් සහ වගකීම් සහගත පුරවැසියකු වන්නේ කෙසේද යන්න පිළිබඳව හරවත් දේශනයක් පොලිස් සැරයන් සම්පත් උඩුදුම්බර මහතා විසින් සිදුකළ අතර දරුවන්ගේ කුසලතා හා හැකියාවන් ඉදිරිපත් කිරීමේ අවස්ථාවක් ද වැඩසටහන තුල විය.
මෙම වැඩසටහන ප්රාදේශීය ලේකම් තුමියගේ හා සහකාර ප්රාදේශීය ලේකම් තුමාගේ මගපෙන්වීම මත පාසලේ සහයෝගයද ලබාගනිමින් ළමා හිමිකම් ප්රවර්ධන නිලධාරි කේ.බී.වී. චන්ද්රලතා මිය විසින් සංවිධානය කරන ලදී.
නොච්චියාගම, ළමාරක්ෂක නිලධාරි නිරෝමි වන්නිනායක මිය සහ පාසලේ විදුහල්පතිතුමා හා ප්රියන්ති රංගමුව ගුරුතුමිය මේ සදහා සහභාගි විය.
