Hadabima Authority of Sri Lanka

24/08/2026

ඇසළ පෙරහැරට සමගාමීව දියකපනා තොට විහාරය සංවිධානය කරනු ලබන බෝධි පුජා මාලාවේ 2026-08-23 වන දින
බෝධි පුජාව ශ්‍රී ලංකා හදබිම අධිකාරියේ පුර්ණ දායකත්වයෙන් අධිකාරියේ සභාපති ආර්.ඩි. සිරිපාල මහතාගේ ප්‍රධානත්වයෙන් හා
අධිකාරියේ සේවක මහම මහත්මීන්ග් හා බැතිමතුන්ගේ සහභාගීත්වයෙන් පැවැත් වු අවස්ථාව.......

07/08/2026

ගොවි ප්‍රජාව සහ පාසල් ප්‍රජාව දැනුවත් කිරීමේ විශේෂ වැඩසටහන

2026 වර්ෂයේ ශ්‍රී ලංකා හදබිම අධිකාරිය මඟින් ක්‍රියාත්මක කරන සංවර්ධන වැඩසටහන් අතර ගොවි ප්‍රජාව දැනුවත් කිරීමේ සහ පාසල් ප්‍රජාව දැනුවත් කිරිමේ විශේෂ වැඩසටහනක් පසුගිය දා ඇලපාත ප්‍රාදේශීය ලේකම් කොට්ඨාශයේ කරන්ගොඩ මහා විද්‍යාලයේදී ඉතා සාර්ථකව පවත්වන ලදී.

මෙම වැඩසටහනේදී ඉතා වැදගත් ක්ෂේත්‍ර කිහිපයක් වන ගෙවතු වගාව, වාණිජ මට්ටමින් සහ ගෙවතු මට්ටමින් කාබනික පොහොර භාවිතය, දැල්වූ දහයියා (කර දහයියා) නිෂ්පාදනය හා භාවිතය පිළිබඳ ප්‍රජාව
ප්‍රායෝගික සහ න්‍යයාත්මකව දැනුවත් කරන ලදි.

මෙම අවස්ථාව සඳහා පාසල් දරුවන්, දෙමාපියන්, වසම භාර රාජ්‍ය නිලධාරීන්, ගොවිජන සේවා නිලධාරීන් සහ කෘෂිකර්ම උපදේශක ඇතුළු කෘෂිකාර්මික නිලධාරීන් සම්බන්ධ විය.

වැඩසටහන සංවිධානය
ජීවන් ජයනාත් විජේරත්න මහතා (ඒකක කළමණාකරු)

06/08/2026

හදබිම වාණිජ බිම්මල් නිෂ්පාදන ව්‍යාපෘතිය ඵල දරයි

ශ්‍රී ලංකා හදබිම අධිකාරියේ 2025 වර්ෂයේ සංවර්ධන වැඩසටහනට අදාලව මාතලේ දිස්ත්‍රික්කයේ දඹුල්ල ප්‍රදේශීය ලේකම් කොට්ඨාශයේ වවුල් අඹේ ග්‍රාම නිලධාරී වසමේ ක්‍රියාත්මක කරනු ලැබු වාණිජ බිම්මල් නිෂ්පාදන
ව්‍යාපෘතිය මෙවන විට සාර්ථක පතිපල ලබමින් ඇත. මේ සඳහා ප්‍රතිලාභීන් සඳහා යෙදවුම් (box bar insect proof net /අමානෝ ශීට් /බැරල් /වගා මලු) ලබාදුන් අතර සියලු ප්‍රතිලාභීන් විසින් භාවිතයට ගෙන ඇති
අතර GAP certificate ලබා ගනිමින් සුපිරි වෙළෙඳසැල් සඳහා බිම්මල් අලෙවි කිරීම ආරම්භ කර ඇත.

2025 වර්ෂයේ ව්‍යවසායකයන් බිහිකිරීමේ වැඩසටහන ශ්‍රී ලංකා හදබිම අධිකාරිය මඟින් ක්‍රියාත්මක කරනු ලැබු අතර එම ව්‍යාපෘති සාර්ථකව ක්‍රියාත්මක කරන බවට කදිම සාක්ෂියකි.

තනූජා අහංගම මිය
ඒකක කලමනාකරු - දඹුල්ල /රත්තොට

05/08/2026

2026 පළතුරු ගම්මාන ව්‍යපෘතිය - ශ්‍රී ලංකා හදබිම අධිකාරිය

ශ්‍රී ලංකා හදබිම අධිකාරියේ 2026 වර්ෂයේ සංවර්ධන වැඩසටහනට අදාලව ක්‍රියාත්මක කරන පලතුරු ගම්මාන ව්‍යාපෘතිය අඹන්පොළ, බක්මී වැව ග්‍රාම නිලධාරී වසමේ ක්‍රියාත්මක කරන අතර එම වසම්වල ප්‍රතිලාභීන් දහතුන් දෙනෙකු සඳහා ලබා දීමට යෝජිත සූර්ය බල ජල සම්පාදන පද්ධති පිළිබඳව සහ 2025 වර්ෂයට අදාලව ලබා දුන් පලතුරු පැල පිළිබඳ ක්ෂේත්‍ර අධීක්ෂණය එම ප්‍රාදේශීය ලේකම් කාර්යාල කෘෂිකර්ම අංශයේද සහභාගිත්වයෙන් හා ශ්‍රී ලංකා හදබිම අධිකාරියේ උපුල් ජයතිලක මහතාගේ සහකාර අධ්‍යක්ෂ (කෘෂිකර්ම) ප්‍රධානත්වයෙන් 2026-08-04 දින සිදු කරන ලදී.

28/07/2026

ශ්‍රී ලංකා හදබිම අධිකාරිය මඟින් සංවිධානය කර 2026-07 22,23 හා 24 යන තෙදින තුළ විද්‍යාත්මක ඉඩම් පරිහරණය හා ගොවිපල තුළ, ගොවිපලෙන්ළි බැහැර පාංශු සංරක්ෂණය පිළිබඳ පුහුණු වෑඩසටහන ක්ෂේත්‍ර නිලධාරින් උදෙසා ග්‍රාම සංවර්ධන පර්යේෂණ අභ්‍යාස ආයතනයේදී ඉතා සාර්ථකව පවත්වන ලදි.

මෙම වැඩසටහන සඳහා සම්පත් දායකත්වය කෘෂිකර්ම දෙපාර්තමෙන්තුවට අයත් ස්වාභාවික සම්පත් කලමණාකරණ ආයතනයේ නිලධාරින් සපයන ලදි.

මෙම වැඩසටහනේ ආරම්භක අවස්ථාවට හා සහතික පත්‍ර ප්‍රධානය කිරිම සඳහා ශ්‍රී ලංකා හදබිම අධිකාරියේ ආර්.ඩි. සිරිපාල මහතා (සභාපති), එ.එම්.ඩබ්.බී. තිලකරත්න මහතා (වැ/ආ විධායක අධ්‍යක්ෂ) , උපුුල් ජයතිලක මහතා (වැ/බ සහකාර අධ්‍යක්ෂ-කෘෂිකර්ම) හා සුනිල් වික්‍රමගේ මහතා (වැ/බ සහකාර අධ්‍යක්ෂ - සංවර්ධන) යන මහත්වරුන්ගේ සහභාගීත්වයෙන් ඉතා සාර්ථකව සිදු කෙරිණි.

28/07/2026