Krushi Radio

01/06/2026

මේ මැස්සා ගැන දන්නේ නැතුව පළතුරු වවන්න එපා....

31/05/2026

කසීභාරද්වාජට දේශනා කරපු දර්මය

30/05/2026

හිතුන පළියට මාර්ගඵල ලබන්න බෑ...! හරියට වැපුරුව පළියට අස්වැන්නක් ලබන්න බෑ වගේ...

29/05/2026

මෙලොව පරලොව සාර්ථක කරන, ක්‍රම 8 ක්

28/05/2026

මී මැසි පාලනය සදහා අත්‍යාවශය වන උපකරණ නිෂ්පාදන පුහුණු වැඩසටහනක් බිදුණුවැව මී මැසි සංවර්ධන ඒකකයේ දී පැවැත්විණි.

මෙම වැඩසටහන 2026.05.25 සිට 27 දක්වා තෙදින තුලදී පැවැත් වූ අතර ඒ සදහා දිවයිනේ විවිධ ප්‍රදේශ වලින් පුහුණුලාභීන් සහභාගී විය. එහිදී මී මැසි පෙට්ටි රාමු 6 සහ රාමු 8, දුම්විසුරණ සහ ගේට්ටු තහඩු නිෂ්පාදනය සදහා දැණුම හා හුරුව ලබාදෙන ලදී.

ආයතනයෙහි මූලික පරමාර්ථය වන්නේ ගුණාත්මක මී පැණි නිෂ්පාදනය සදහා අවශ්‍ය වන මී මැසි පාලන උපකරණ රටතුළ සුලභ කිරීම වන අතර එමගින් නව ව්‍යවසායකයින් පිරිසක් ඇතිකිරීමත් තවත් පරමාර්ථයකි.

මෙයට සමගාමීව මෙම මැයි මස 25 සහ 26 මී මැසි පාලනය පිළිබදව දෙදින පුහුණු වැඩසටහනක්ද ආයතන පරිශ්‍රයේදී සහ ප්‍රායෝගික කටයුතු අඹදණ්ඩේගම අවට ක්ෂේත්‍රයේදී සිදුකෙරිණි. ජාතික මී පැණි නිෂ්පාදන ඉලක්කය සපුරාලීම සදහා අවශ්‍ය වපසරිය නිර්මානය කිරීම බිදුණුවැව මී මැසි සංවර්ධන ඒකකයේ අභිප්‍රායයි.

කෘෂි රේඩියෝවට වාර්තාකරන්නේ...

සුනෙත් කරුණාරත්න
Krushi MedCo
මී මැසි සංවර්ධන ඒකකය
බිදුණුවැව බණ්ඩාරවෙල

28/05/2026

කෙසෙල් වගාවේ නව සතුරා...

කෙසෙල් වගාවේ පැනමා රෝගයේ නවතම මාදිලියක් වන panama trace 4 මාදිලිය මේවනවිට ශ්‍රිලංකාවේද වාර්තා වී ඇත. කෙසෙල් වගාකරන ප්‍රදේශ තුල මෙම රෝගය මේ වනවිට ව්‍යාප්ත වෙමින් පවතින බැවින් , මෙම රෝගය හදුනාගැනීම හා පාලනය කරගැනීම සම්භන්ධව දැනුවත්කිරීමේ වැඩසටහන් මේ වනවිට ජාතික ශාක ආරක්ෂණ සේවය මගින් ක්‍රියාත්මක කරමින් පවතී.

එම වැඩසටහන් මාලාවේ උතුරු පලාතට අදාළ වැඩසටහන 2026.05.27 දින ජාතික ශාක ආරක්ෂණ සේවයේ අතිරේක අධ්‍යක්ෂ W.P නිශාන්ත මහතාගේ අධීක්ෂණය හා මගපෙන්වීම යටතේ, හම්බන්තොට යාපනය තිරුනවෙලි දිස්ත්‍රික් කෘශිකර්ම පුහුනු මධ්‍යස්ථානය දී පැවැත්විය.

මේසදහා උතුරු පලාත් කෘශිකර්ම දෙපාර්තමේන්තුව නියෝජනය කරමින් උතුරු පලාත් අතිරේක කෘශිකර්ම අධ්‍යක්ශ තුමා සහ යාපනය හා මන්නාරම නියෝජ්‍ය කෘශිකර්ම අධ්‍යක්ශ තුමියන් ඇතුලු ක්ශේත්‍ර නිලධාරී මහත්ම මහත්මීන් 75 දෙනෙකු සහභාගී විය.

මේසදහා සම්පත් දායකයින් ලෙස ජාතික ශාක ආරක්ෂණ සේවය ගන්නොරුව නියෝජනය කරමින් ආයතනයේ නියෝජ්‍ය අධ්‍යක්ෂ දිල්රුක්ෂි විජේරත්නයක මහත්මිය, සහකාර කෘශිකර්ම අධ්‍යක්ශ උදාර සෙනවිරත්න මහතා. හොරණ පලතුරු පර්යේෂණ ආයතනයේ සහකාර කෘෂිකර්ම අධ්‍යක්ෂ සවින්දී ජයසේකර මහත්මිය,
ආචර්‍ය ප්‍රධාන කෘශි විද්‍යා මනෝරි කුරුප්පු මහත්මිය සහභාගී විය.

වැඩසටහන මෙහෙයවීම හා සම්භන්ධිකරණය ජාතික ශාක ආරක්ෂණ සේවය ගන්නොරුව හි කෘෂිකර්ම උපදේශක ධම්මිකා සරත්චන්ද්‍ර මහත්මිය සහ කෘෂිකර්ම උපදේශක සුරේෂ් රත්නප්‍රිය මහතා විසින් සිදු කරන ලදී.

කෘෂි රේඩියෝවට වාර්තා කරන්නේ...

W M D K Wijerathnayake,
krushi medco NPPS

27/05/2026

27/05/2026

ලොකුලූනු බීජ නිශ්පාදන ගම්මානය - නාච්චාදූව

අනුරාධපුර අන්තර් පලාත් බල ප්‍රදේශයේ නාච්චාදූව කෘෂිකර්ම උපදේශක බල ප්‍රදේශයේ මෙම වැඩසටහන ක්‍රියාත්මක වන අතර ජයිකා ආයතනයේ අධාර මත පසුගිය දිට්වා සුළි කුණාටුව නිසා වගාවන් හානිවූ ගොවි මහතුන් මේ සදහා තෝරා ගත් අතර ගොවීන් 43 දෙනකු සදහා අක්කර 0.25 ක වගා වපසරියකින් යුතු ලොකුලූනු වගාවට අවශ්‍ය බිංදු ජල පද්ධති 43 ක් බෙදා දීමට සූදානම් කර ඇත.

මෙම පද්ධතියක් රු ලක්ෂ 3 ක් පමන වටින අතර ඒ සඳහා රු මි. 12.9 ක පමන ආධාරයක් ගොවීන් වෙත ලැබී ඇත.

නාච්චාදූව ව්‍යාපාරය තුල තුරුවිල, හිදෝගම ,කලුවිල, මඩවලගම දිවුල්වැව, කටුගම්පොල , පහලවැව ශ්‍රාවස්තිපුර යන ගම්මාන වලින් ගොවි මහතුන් තෝරාගත් අතර මෙම ගොවීන් වෙත කෘෂිකර්ම දෙපාර්තමේන්තුවේ සහන පදනම මත බීජ ලබාදී තවාන් කටයුතු මේ දිනවල සිදුකරනු ලබයි.

ඒ සදහා මහඉලුප්පල්ලම ක්ෂේත්‍ර බෝග පර්යේෂණ හා සංවර්ධන මධ්‍යස්ථානයේ පර්යේෂණ නිලධාරීන් සහ අප ව්‍යාප්ති නිලධාරීන් විසින් ගොවීන් පුහුනු කරන ලද අතර ඉදිරි වගා තාක්ෂණික කටයුතු ද එලෙස සැලසුම් කර ඇත.

මෙම ව්‍යාපෘතිය මගින් මෙම යල කන්නයේ ලොකු ලූනු අස්වැන්න ලෙස මෙ ටො 172 ක නිෂ්පාදනයක් ජාතික නිශ්පාදනයට එකතු කර ගැනීමට ඉලක්ක කරන අතර මෙම ගොවි කණ්ඩායම බීජ නිශ්පාදන ක්‍රියාවලියෙන් ඉදිරියට රැගෙන යාමට සැලසුම් කර ඇත.

එමගින් ඉදිරි 26/27 මහ කන්නයේ බීජ නිශ්පාදනය සදහා එක ගොවිමහතෙකු ව මී 100 ක බීජ නිශ්පාදන වපසරියක් වගා කිරීමට ඉලක්ක කරන අතර එමගින් මුලු බීජ නිශ්පාදන කණ්ඩායම විසින් සත්‍ය බීජ කිලෝ ග්‍රෑම් 450 ක් පමන නිශ්පාදන සිදුකර එය ජාතික නිශ්පාදනයට එක් කිරීමට ඉලක්ක කර මෙම වැඩසටහන ක්‍රියාත්මක වේ.

27/05/2026

ලෝක බිඟු දිනයට සමගාමීව ක්ෂේත්‍ර දින වැඩසටහක් හසලකදී...

ලෝක බිඟු දිනයට සමගාමීව හසලක, නියෝජ්‍ය කෘෂිකර්ම අධ්‍යක්ෂ කාර්‍යාලය මඟින් සංවිධානය කරනු ලබන ප්‍රදර්ශනාත්මක ක්ෂේත්‍ර දින වැඩසටහක් 2026 ජුනි මස 02 වන දින හසලක, මිණිපේ ප්‍රාදේශිය සභා පරිශ්‍රයේ දී පැවැත්වීමට කටයුතු සූදනම් කොට ඇත.

"බිඟුන් හා මිනිසුන් අතර යහ සබඳතාවය ලෝකයේ පැවැත්මයි" යන තේමාව යටතේ මී මැසි පාලන උපකරණ, ගෝචර ශාක, රෝග හා පළිබෝධ පාලනය හා නඩත්තුව මෙන් ම පහසුවෙන් ජනපදයක් කට්ටි බෙදීම හා ජනපදයක් පෙට්ටිගත කිරීම ප්‍රායෝගික ආදර්ශන සහිතව මෙහි දි සිදු කිරීමට නියමිත ය.

මී මැසි පාලනයට ආධුනිකයින් හට මෙන් ම දැනටත් බිඟු පාලනයේ යෙදෙන ගොවීන් හටද නව තාක්ෂණික දැනුම ලබාගැනීම සඳහා මෙම වැඩසටහනට පැමිණෙන ලෙස ආරාධනා කර සිටිමු.

කෘෂි රේඩියෝවට වාර්තා කරන්නේ...

ඉසුරු මැදවල,
කෘෂිMedCo,
නියෝජ්‍ය කෘෂිකර්ම අධ්‍යක්ෂ (අන්තර් පළාත්) කාර්‍යාලය,
හසලක.

27/05/2026

මිරිස් වගාවේ කොළ කහ වෙලා මැරෙණවද ? මේකට හේතුව අද අපි 1920 අහමු...

See less