Protect Wilpattu - විල්පත්තුව සුරකිමු

18/08/2026

රැකුනොත් නම් ඉතින් අනාගත හැඩකාරයෝ තමා😇
දන්න අය නම කියාගෙන යමු.. 🐘😍

16/08/2026

කාවන්තිස්ස සුවෙන් 💚

ඊයේ ඇහැටුවැව ආශ්‍රිත ප්‍රදේශයක දී ඇතෙක් සමඟ සිදුවූ යතුරු පැදි අනතුරෙන් පසුව කාවන්තිස්ස ඇතා අද උදෑසන එම ප්‍රදේශයට ආසන්න වෙල් යායක දර්ශනය වී තිබුණා. එහිදී කිසිදු ආබාධයක් සහිත බවක් දැක නැති බවට තොරතුරු ලැබී ඇත.

යම් පිරිස් අනතුර සිදුවූයේ කාවන්තිස්ස ඇතාට නොව වෙනත් ඇතෙකු බව පැවසුවද ඒ ප්‍රදේශයේ ඊයේ සිටියේ දකුණු තනි දළ රඝූ ඇතා පමණි. එසේම එතරම් පහළට දළයක ගැටීමට තරම් දළ දිග වෙනත් ඇතෙකු ද නැත. ඊයේ පාන්දර සහ අද උදෑසන ඇතා එම ප්‍රදේශය ආසන්නයේ ම කාවන්තිස්ස ඇතා වාර්තා වූ නිසා ඒ කාවන්තිස්ස බව මේ වන විට තහවුරු වී ඇත.

ඊයේ සවස ඇතා පිළිබඳව තොරතුරක් සොයාගැනීමට නොහැකි වුවද අද උදෑසන ඇතා පිළිබඳව තොරතුරු ලැබීය.

එසේම අනතුරට පත් වූ සිසුවා ද සිදුවූ තුවාලවලට ප්‍රතිකාර ගෙන මේ වන විට සුවෙන් සිටියි. වන අලි සිටින ප්‍රදේශයක තත්වය නොදැන එම සිසුවාට ද පරුෂ වචනවලින් බනින අලි ලෝලින් පිළිබඳ ඇත්තේ කනගාටුවකි. එම ස්ථානය අලිමංකඩක් ද නොවේ. මේ ප්‍රදේශයක සිටිද්දී ඔබට හෝ ඔබේ දරුවාට වුවත් එසේ සිදුවිය හැකියි. වාහනයක දී නොව පාගමනින් යද්දී වුවද සිදුවිය හැකියි. අලියෙක් මුණ ගැසෙන සෑම තැනක්ම අලිමංකඩක් නොවේ. මේ සතුන් මෙලෙස හෝ ජීවත් වන්නේ මේ ප්‍රදේශවල මිනිසුන් ඔවුන් ගැන අවධානයෙන් සිටිමින් ඔවුන් ආරක්ෂා කරන නිසා මිසක් වෙන හේතුවක් නිසා නොවේ. 😊

15/08/2026

උසස් පෙළ සිසුවෙකුගේ යතුරු පැදියේ ගැටුන කාවන්තිස්ස.. ස්ථානයෙන් දළ කොටස් හමුවෙයි ‼️

පසුගිය දින කිහිපයේ දී අඹන්පොළ කාසිකොටේ ගැටදිවුල ප්‍රදේශයේ සැරිසරමින් සිටි කාවන්තිස්ස ඇතා අද උදෑසන ඇහැටුවැව ප්‍රදේශයට ආසන්නව පැමිණ සිටියා. එහිදී අද උදෑසන 7.30ට පමණ උසස් පෙළ විභායගට මුහුණ දීමට යමින් සිටි ශිෂ්‍යයෙකුගේ යතුරු පැදියේ ගැටී තිබුණා. ලොරි රථයකට මෙලෙස ඉස්සර කිරීමේ දී ඇතාගේ අහඹු පැමිණීමෙන් නවතාගැනීමට නොහැකිවී ඇත.

එම සිසුවාගේ කකුලකට ද දළයක් වැදීමෙන් තුවාල වී ඇත. සිසුවා ප්‍රතිකාරවලින් පසුව විභාගයට ද මුහුණ දී ඇත. කාවන්තිස්ස ඇතා යතුරු පැදියට සුළු හානි සිදු කර ඇති නමුත් සිසුවාට නැවත හානියක් සිදුකර නැත. එසේම කුඩා දළ කොටස් ද එම අනතුර වූ ස්ථානයෙක් හමුව ඇත. ඒවා වනජීවී නිලධාරීන් සන්තකයේ මේ වන විට ඇත.

උදෑසන ගමන් බිමන් යාමේ දී මේ දිනවල සියලු දෙනා විශේෂයෙන් අලිමංකඩවල් ආසන්නයේ දී සැලකිල්ලෙන් යමු.

14/08/2026

08/08/2026

අවදානම් ලෙස ඩ්‍රෝන් යැවූ පුද්ගලයෙකුට ගල්ගමුව වනජීවීයෙන් දඬුවම් ‼️

අද දින සවස කාසිකොටේ ගැටදිවුල දී වන අලි පාර මාරුවන අවස්ථාවේ කාවන්තිස්ස ඇතාට ඉහළින් අනාරක්ෂිත සහ අවදානම් ලෙස අවසරයකින් තොරව ඩ්‍රෝන යානාවක් පියාසර කිරීම නිසා තරුණයෙකු එම ස්ථානයේ දී ම ගල්ගමුව වනජිවී නිලධාරීන් විසින් අත්අඩංගුවට ගත්තා.

මෙලෙස මිනිසුන් බොහෝ රැස්ව සිටින අවස්ථාවක මෙලෙස අවදානම් සහ සතුන්ට හිංසාකාරී ලෙස ඩ්‍රෝන යැවීමෙන් බොහෝ අනතුරු සිදුවිය හැක. එනිසා ඉදිරියට මෙම වැරදි කරන පුද්ගලයන් වෙනුවෙන් මෙහි දඬුවම පිළිබඳව අප විමසිල්ලෙන් සිටිමු.

මින් පෙරද වන අලින්ට ඉහළින් ඩ්‍රෝන යැවූ පුද්ගලයන් පිළිබඳව වනජීවී චායාරූපශිල්පීන් විසින් ගල්ගමුව වනජීවී කාර්‍යාලය දැනුවත් කර තිබුණා. ඔවුන්ට විරුද්ධව ද ක්‍රියාමාර්ග ඉක්මනින් ගනු ඇතැයි බලාපොරොත්තු වෙමු.