Regional Archaeology office Rathnapura

02/05/2024

සුහද ක්‍රිකට් තරාගාවලිය
රත්නපුර ප්‍රාදේශීය පුරාවිද්‍යා කාර්‍යාලය - පුරාවිද්‍යා සුබසාධක සංගමය
ස්තූතිය පුදකිරීම... 💐💐

2024.04.30 වන දින ශ්‍රී සංඛපාල රජමහා විහාරස්ථභූමියේදී රත්නපුර පුරාවිද්‍යා සුබසාධක සංගමය විසින් සාර්ථකව සුහද ක්‍රිකට් තරගාවලියක් සංවිධානය කරන ලදි.

එම තරග පැවැත්වීම සඳහා විහාරභූමිය ලබාදුන්, සියළු දෙනාට ඉතා ප්‍රනීත ලෙස දිවා ආහාරය සහ අනෙකුත් යටිතල පහසුකම් ලබාදීමට ඉතාමත් ඕනෑකමින් කටයුතු කරන ලද ශ්‍රී සංඛපාල රජමහා විහාරයේ භාරකාර පූජ්‍ය කොකාවල කෝසල ස්ථවිරයන්ට අපගේ ගෞරවනීය ස්තූතිය දෙපානමස්කාර පූර්වකව පුද කරන්නෙමි.

👉 ක්‍රිකට් තරගාවලිය පැවැත්වීම සඳහා රාජකාරිමය වශයෙන් අනුමැතිය ලබාදුන් පුරාවිද්‍යා අධ්‍යක්ෂ ජනරාල් මහාචාර්ය තුසිත මෙන්දිස් මහතාට මෙන්ම මේ සඳහා මගපෙන්වීම කරමින් නිරන්තරයෙන් උපදෙස් ලබාදුන් අප සමිතියේ අනුශාසකතුමිය සහකාර අධ්‍යක්ෂ (රත්නපුර ) හේමමාලි විජේසිංහ මෙනවියටද ගෞරවනීය ස්තුතිය පුදකරන්නෙමි..

👉 මෙම සුහද ක්‍රිකට් තරගාවලියේ උදෑසන ආහාරය, සිසිල්පැන්, ශබ්ද විකාශන යන්ත්‍ර ලබාදෙමින් කටයුතු කරන ලද මඩුවන්වෙල කලාපයේ සහෘදයන්ට (කලාපභාර නිලධාරී, ස්ථානභාර නිලධාරී ඇතුළු සහෝදර සේවක මණ්ඩලය) අපගේ හෘදයාංගම ස්තූතිය පුදකරන්නෙමි..

👉 මෙහි සංවිධානය කිරීම සඳහා ක්‍රියාශීලීව දායකවූ අප සමිතියේ ගරු සභාපති සේනක නාපාවල මහතා,ගරු භාණ්ඩාගාරික දර්ශන වීරසේකර මහතා සහ මෙම ක්‍රිකට් තරගාවලියේ ප්‍රධාන සංවිධායක ලෙස කටයුතු කරන ලද නුවන් විජේමාන්න මහතා ඇතුළු සමස්ථ නිලධාරී මණ්ඩලයට සහ සියළුම සාමාජිකයන්ට ගෞරවනීය ස්තූතිය පුදකරන්නෙමි..

👉 මෙම ක්‍රිකට් තරගාවලිය පැවැත්වීමට යෝජනා වූ අවස්ථාවේදීම එහි වැය කිරීම් සඳහා තම වැටුපෙන් මුදල් අයකරගන්නා ලෙස ඒකාවන්ව දැන්වූ සමස්ථ සාමාජිකයන්ට මෙන්ම අපගේ දැනුම්දීම මත අද දින මෙම අවස්ථාවට සහභාගිවී තරගශීලීභාවයෙන් සහ සහජීවනයෙන් තම දායකත්වය ලබාදුන් අප සමිතියේ ඔබ සැමට ගෞරවනීය ස්තුතිය පුදකරන්නෙමි..

👉 ක්‍රිකට් තරගාවලියේ විනිසුරුවන් හා ලකුණු සටහන්කරුවන් ලෙස මනා දායකත්වයක් ලබාදුන් ආරාධිතයන් සිව්දෙනාටද අපගේ ස්තුතිය පුදකරන්නෙමි..

👉 මෙම කාර්‍යය සාර්ථකව සිදුකිරීම සඳහා දායකත්වය ලබාදුන් සහෘද අනුග්‍රාහක බවතුන්ද (පන්දු, ජල බෝතල්) මෙහිදී ගෞරවයෙන් සිහිපත් කරන්නෙමි...

💐💐 මෙදින සියළුම සාමාජිකයන් ඉතාමත් සතුටින්,විනෝදයෙන්, උද්යෝගයෙන් සහ එකමුතුකමින් මෙම කාර්‍යය සඳහා දායකවූ අතර කෘතඥතාවය ඔබ සියළුම දෙනාටම පුදකරන්නෙමි..

පුරාවිද්‍යා සුබ සාධක සංගමය
රත්නපුර ප්‍රාදේශීය පුරාවිද්‍යා කාර්‍යාලය

02/05/2024

රත්නපුර ප්‍රාදේශිය කාර්යාලයේ සියලු කටයුතු පහත ගිණුමෙන් ඔබවෙත දැකබලා ගත හැකිය. පුරාවිද්‍යා දෙපාර්තමේන්තමේන්තුවේ නිල ‌Face Book ගිණුම වෙත එක්වන්න.
https://www.facebook.com/profile.php?id=100095052245766&mibextid=ZbWKwL

Landmark & Historical Place

13/04/2024

ඔබ සැමට සෞභාග්‍යමත් සුබ අලුත් අවුරුද්දක් වේවා ! 🙏🙏🙏

𝗠𝗮𝘆 𝘁𝗵𝗲 𝗡𝗲𝘄 𝗬𝗲𝗮𝗿 𝗯𝗿𝗶𝗻𝗴 𝘆𝗼𝘂 𝗵𝗮𝗽𝗽𝗶𝗻𝗲𝘀𝘀, 𝗽𝗲𝗮𝗰𝗲, 𝗮𝗻𝗱 𝗽𝗿𝗼𝘀𝗽𝗲𝗿𝗶𝘁𝘆. 𝗪𝗶𝘀𝗵𝗶𝗻𝗴 𝘆𝗼𝘂 𝗮 𝗷𝗼𝘆𝗼𝘂𝘀 𝟮𝟬𝟮4!

සහකාර අධ්‍යක්ෂතුමිය ඇතුළු කාර්‍ය මණ්ඩලය...
ප්‍රාදේශීය පුරාවිද්‍යා කාර්‍යාලය, රත්නපුර.

15/03/2024

පුරාවිද්‍යා දෙපාර්තමේන්තුවේ නව අධ්‍යක්ෂ ජනරාල්වරයා ලෙස පත් වූ මහාචාර්ය තුසිත මැන්දිස් මැතිතුමාට උණුසුම් සුභ පැතුම්!

සහකාර අධ්‍යක්ෂ තුමිය ඇතුළු සමස්ථ කාර්ය මණ්ඩලය

ප්‍රාදේශිය පුරාවිද්‍යා කාර්යාලය
රත්නපුර

01/02/2024

රත්නපුර ජාතික කෞතුකාගාර ශ්‍රාස්​තීය දේශන මාලාව- අංක 01

රත්නපුර ප්‍රාදේශිය පුරාවිද්‍යා කාර්යාලයේ සේවයේ නියුතු උදේනි අරැණසිරි මහතා මෙහෙයවන දේශනය

Join Zoom Meeting
https://us06web.zoom.us/j/87130327172?pwd=WZEXbAlTTK5xibWkmDXbjPQK4YeEmb.1

Meeting ID: 871 3032 7172
Passcode: DNMSL

19/01/2024

සාතිශය සංවේගය පලකිරීම....!

පේරාදෙණිය විශ්ව විද්‍යාලයේ පුරාවිද්‍යා අංශාධිපතිව සිටි සම්මානිත මහාචාර්ය සුදර්ශන සෙනෙවිරත්න මහතාගේ අභාවය පිළිබදව සංවේගයෙන් යුතුව දැනුම් දෙමු.

මධ්‍යම සංස්කෘතික අරමුදලේ හිටපු අධ්‍යක්ෂ ජනරාල්වරයෙකු වන එතුමා, කලක් ඉන්දියා හා බංග්ලාදේශ මහකොමසාරිස්වරයා ලෙසද කටයුතු කරන ලදි.

ශ්‍රී ලංකා පුරාවිද්‍යාවට නොමද සේවාවක් කල සම්මානිත මහාචාර්ය සුදර්ශන සෙනෙවිරත්න මහතාණෙනි ඔබට නිවන් සුව ප්‍රාර්ථනා කරමු.

රත්නපුර, ප්‍රාදේශීය පුරාවිද්‍යා කාර්‍යාලයේ කාර්‍ය මණ්ඩල

01/01/2024

2024 නව වසරේ මඩුවන්⁣වෙල කලාපයේ කාර්යය මණ්ඩලය සිරිත් විරිත් වලට මුල්තැන දෙමින් නව රාජකාරි කටයුතු ආරම්භ කිරීම, මඩුවන්⁣වෙල කලාප කාර්යාල පරිශ්‍රයේ සිට සිදු කරන ලදි.

01/01/2024

බුදුගල කලාපයේ පුරාවිද්‍යා ස්ථානයන්හී නව වසරේ රාජකාරී ආරම්භ කිරීම

බුදුගල කලාපයේ පුරාවිද්‍යා ස්ථානයන් වන බුදුගල, හඳගිරිය, ගල්ටැම්යාය යන ස්ථානයන්හි නිලධාරී හා සේවක මහත්ම මහත්මීන් විසින් ආගමික වතාවත් වලට මුල්තැන දෙමින් නව වසරේ රාජකාරී කටයුතු ආරම්භකිරීම සිදු කරන ලදි.

මෙම කටයුතු සහකාර අධ්‍යක්ෂතුමියගේ අධීක්ෂණයෙන් හා කලාපභාර නිලධාරීගේ උපදේශකත්වයෙන් සිදු කරනු ලැබු අතර ස්ථානභාර නිලධාරිනියගේ මුලිකත්වයෙන් සිදුකරන ලදි.

01/01/2024

2024 නව වර්ෂය වෙනුවෙන් රත්නපුර ප්‍රාදේශීය පුරාවිද්‍යා කාර්‍යාලයේ රාජකාරී කටයුතුවල සමාරම්භය

චිරාගත සාම්ප්‍රදායට හා ආගමික වතාවත්වලට මුල්තැන ලබාදෙමින් සෙත් පිරිත් සජ්ජායනාකර ආශිර්වාදය ලබාගැනීමෙන් අනතුරුව සහකාර අධ්‍යක්ෂ හේමමාලි විජේසිංහ මෙනවියගේ ප්‍රධානත්වයෙන්, ජාතික කොඩිය එසවීම, රාජ්‍ය සේවක ප්‍රතිඥාව ලබා ‍සිදුකරන ලදි.. ඉන් අනතුරුව සහකාර අධ්‍යක්ෂතුමිය විසින් කාර්ය මණ්ඩලය සියලුදෙනා ආමන්ත්‍රණය කිරීම කරන ලදි.

කාර්‍යාලයේ සියලූම නිලධාරීන් හා සේවක මණ්ඩලයට වෙනුවෙන් තේ පැන් සංග්‍රහයක් සංවිධානය කර තිබුණි.

දැයේ උරුමය සුරකීමට අප නිබදව වෙහෙසවී කටයුතු කරන්නෙමු....

ප්‍රාදේශීය පුරාවිද්‍යා කාර්‍යාලය
රත්නපුර.

01/01/2024

Each new year is a gift of learning, growth, and hope.
May your mind and soul be enriched with these things and more in the days to come!
Happy 2024 to you and your loved ones!

~Best wishes from the Assistant Director and staff
of
the Regional Archeological Office,
Rathnapura.

13/12/2023

රාජ්‍ය සේවයට එක්වූ සේවක මහතුන් සදහා සංවිධානය කරන ලද ජංගම සේවා වැඩසටහන - අදියර 02
=============================

රත්නපුර ප්‍රාදේශීය පුරාවිද්‍යා කාර්යාලයට පත්වීම් ලැබී සේවයට වාර්තා කරන ලද නවක සේවක මහත්ම මහත්මීන් සදහා ජංගම සේවා වැඩසටහනක් මඩුවන්වෙල කලාපයේ මඩුවන්වෙල පුරාවිද්‍යා ස්ථානය මුල් කරගනිමින් 2023.12.11 දින පවත්වන ලදි.

ජංගම සේවය තුළින් ඔවුන්ගේ පෞද්ගලික ලිපි ගොනු වලට අදාල අඩුපාඩු සම්පුර්ණ කිරීම, රාජකාරි හැදුනුම්පත් සදහා ජායාරූප ලබා ගැනීම, රාජ්‍ය සේවයේ කටයුතු කිරීමේදි ඇතිවන ගැටලු සදහා විසදුම් ලබාදීම සහ කාර්යෂමතා කඩඉම් විභාගය සම්බන්ධ උපදෙස් ලබාදීම සිදුකරන ලදි.

සහකාර අධ්‍යක්ෂ(රත්නපුර) හේමමාලි විජේසිංහ මෙයගේ අධීක්ෂණය යටතේ සහ ප්‍රාදේශීය පුරාවිද්‍යා කාර්යාලීය පාලන අංශයේ ප්‍රධාන කළමනාකරණ සේවා නිලධාරිනී ඇතුළු නිලධාරීන්ගේ මූලිකත්වයෙන් මෙම කටයුතු සිදු කරන ලදී.

මෙම වැඩසටහන සාර්ථක කර ගැනීම සඳහා මඩුවන්වෙල කලාප භාර නිලධාරී ඩී.ඩබ්. ලංකාතිලක මයා සහ ස්ථානභාර නිලධාරි එම්.ඩබ්. එස්. මානගේ මයා ඇතුළු කාර්‍යමණ්ඩලය ලබාදුන් සහයෝගය අගය කොට සලකමි.

ප්‍රාදේශීය පුරාවිද්‍යා කාර්යාලය
රත්නපුර

12/12/2023

බලන්ගොඩ කූරගල කැණීමෙන් පහළ පුරාතන ශිලා යුගයට අයත් ගල් ආයුධ සොයා ගැනෙයි

පුරාවිද්‍යා අධ්‍යක්ෂ ජනරාල් නිශාන්ති ජයසිංහ, සහකාර අධ්‍යක්ෂ (කැණීම්) පී.එස්.කේ පෝරඹගේ මහතාගේ හා සහකාර අධ්‍යක්ෂ (රත්නපුර) හේමමාලී විජේසිංහ මෙනෙවියගේ අධීක්ෂණය යටතේ කැණීම් අංශභාර නිලධාරී සේනක චන්ද්‍ර කුමාර මහතාගේ (සං.නි) මෙහෙයවීමෙන් සදුන් දීපාල් (කැ.කෞ.ශි), මහේෂ් කුලතුංග (පු.ස), ධනුෂ්ක පි‍්‍රයන්ත (පු.ස), ශාන්තලාල් (පු.ස) යන සේවක මහත්වරුන්ගේ සහභාගිත්වයෙන් 2023.11.27 දින සිට සති දෙකක පමණ කෙටි කාලයකින් සිදුකරන ලද බලන්ගොඩ කූරගල පර්යේෂණ කැණීමෙන් පුරාතන ශිලායුගයට (Paleolithic) අයත් මානවයන් විසින් භාවිතා කරන ලද ගල් ආයුධ සොයාගන්නා ලදී.

2013 වසරේ පුරාවිද්‍යා දෙපාර්තමේන්තුව විසින් කූරගල ප්‍රධාන ගුහා සංකීර්ණයේ සිදුකරන ලද ප‍්‍රාග් ඓතිහාසික කැණීමෙන් මධ්‍ය ශිලායුගයට අයත් ක්ෂුද්‍ර ශිලා මෙවලම් හා අනෙකුත් සංස්කෘතික ද්‍රව්‍ය (අදින් වසර 4000 - 15000 අතර) අනාවරණය කරගන්නා ලදී. ඒ අතර ඇති මානව ඇටසැකිල්ල ඉතා සුවිශේෂී වෙයි.
එසේ වුව ද මෙවර සිදුකරන ලද කැණීම්වලින් මධ්‍ය ශිලායුගයට අයත් ක්ෂුද්‍ර ශිලා මෙවලම් මෙන්ම පුරාතන ශිලා යුගයට අයත් කලූගල් පාෂාණයෙන්(Gneiss) නිමවන ලද විශාල ප‍්‍රමාණයේ ශිලා මෙවලම් (සෙ.මී 27ක් පමණ) කිහිපයක් අනාවරණය කරගැනීමට පර්යේෂකයින්ට හැකියාව ලැබුණි.

ප‍්‍රවීන ප‍්‍රාග් ඓතිහාසික පුරාවිද්‍යාඥයෙකු වන පුරාවිද්‍යා දෙපාර්තමේන්තුවේ හිටපු කැණීම් අධ්‍යක්ෂ ආචාර්ය නිමල් පෙරේරා මහතාගේ නිරීක්ෂණ අනුව මෙම ශිලා මෙවලම් නිෂ්චිතවම පහළ පුරාතන ශිලා යුගයට (Lower Paleolithic) අයත් බව තහවුරු කරන ලදී. එම ශිලා මෙවලම් ගොන්න අතර තනි පැත්තක් මුවහත් කරන ලද උල් ආයුධ (Unifacial point) අත් පොරෝ (Hand Axe) මිටි ආයුධ (Hammer Tool) වන බව ද මෙම සොයාගැනීම දකුණු ආසියාතික ප‍්‍රාග් ඉතිහාසයේ විප්ලවීය වෙනසක් නිරුපණය කරන බව ද වැඩි දුරටත් පැහැදිලි කරන ලදී.

විශේෂ ස්තූතිය - කලාපභාර නිලධාරී අනිල් බණ්ඩාර මහතා ඇතුලූ කූරගල හා ගල්ටැම්යාය පුරාවිද්‍යා ස්ථානවල සේවකමහතුන් විසින් ලබාදෙන ලද සහය ස්තුති පූර්වකව සිහිපත් කරමි...