Divisional Secretariat-Nivithigala

05/06/2026

අග්‍රහාර රන් රක්ෂණාවරණයේ සාමාජිකයන්ට හිමි ප්‍රතිලාභ..

05/06/2026

05/06/2026

𝐀 𝐌𝐞𝐦𝐨 𝐭𝐨 𝐭𝐡𝐞 𝐍𝐚𝐭𝐮𝐫𝐞 - සොබාදහමට හසුනක්

පරිසර සංරක්ෂණය කියන්නේ විෂය නිර්දේශයේ පාඩමක් විතරක් නෙමෙයි, දරුවාගේ හෘද සාක්ෂියට දැනිය යුතු වටිනාකමක්.🌱✨

පාසල් මිදුලේ නිහඬ මහා වෘක්ෂය, තමන්ගේ ආදරණීය "හරිත මිතුරෙක්" ලෙස දකින්නට දරුවන්ගේ හිත් හැඩගස්වන සංවේදී ප්‍රායෝගික ව්‍යාපෘතියකි 💚🎒

#සොබාදහමටහසුනක්

05/06/2026

🌎🌿 අද ලෝක පරිසර දිනයයි.🌎🌿
🌎🌿 இன்று சர்வதேச சுற்றாடல் தினம்.🌎🌿

02/06/2026

ප්‍රජා ශක්ති 2026 - නිවිතිගල

​ශ්‍රී ලංකාවේ බහුමාන දරිද්‍රතාවය පිටුදැකීම සඳහා ග්‍රාමීය සංවර්ධන, සමාජ ආරක්ෂණ සහ ප්‍රජා සවිබලගැන්වීම් අමාත්‍යාංශය මඟින් ක්‍රියාත්මක කරනු ලබන “ප්‍රජා ශක්ති 2026 - ගම් දහසක වැඩ දහසක්” ජාතික ව්‍යාපෘතියට අනුගතව 2026.06.02 දින නිවිතිගල ප්‍රාදේශීය ලේකම් කොට්ඨාසයේ දී සාර්ථකව ආරම්භ කරන ලදී.

​මහජන බදු මුදල් රුපියල් මිලියන 25,000ක් වැය කරමින් දිවයින පුරා ක්‍රියාත්මක වන මෙම සුවිශේෂී වැඩසටහන යටතේ, නිවිතිගල ප්‍රාදේශීය ලේකම් බලප්‍රදේශයට අයත් ග්‍රාම නිලධාරී වසම් 24 සඳහා රුපියල් මිලියන 24 ක් ජනතාවගේ ජීවනෝපාය නංවාලීම වෙනුවෙන් ක්‍රියාත්මක වන ව්‍යාපෘති සඳහා වෙන් කර ඇත.

සමාරම්භය සනිටුහන් කරමින් පහත සඳහන් වසම් වල ව්‍යාප්ති ආරම්භ කෙරුණි.

01. ​හොරංගල ග්‍රාම නිලධාරී වසම : ප්‍රදේශයේ ජීවනෝපාය සංවර්ධනය උදෙසා " නයි මිරිස් වගාව " ව්‍යාපෘතිය.

02. තුත්තිරිපිටිය ග්‍රාම නිලධාරී වසම : ප්‍රදේශයේ ආර්ථිකය ශක්තිමත් කිරීම වෙනුවෙන් ක්‍රියාත්මක කෙරෙන " පොල් ආශ්‍රිත නිෂ්පාදන " ව්‍යාපෘතිය.

03. දෙල්වල ග්‍රාම නිලධාරී වසම : ප්‍රදේශයේ ආර්ථිකය ශක්තිමත් කිරීම වෙනුවෙන් ක්‍රියාත්මක කෙරෙන " බුලත් වගාව " ව්‍යාපෘතිය.

04. කොළඹගම ග්‍රාම නිලධාරී වසම : ප්‍රදේශයේ ආර්ථිකය ශක්තිමත් කිරීම වෙනුවෙන් ක්‍රියාත්මක කෙරෙන " ඇඟලුම් නිෂ්පාදන " ව්‍යාපෘතිය.

​මෙම අවස්ථාවන් සඳහා නිවිතිගල ප්‍රාදේශීය සම්බන්ධීකරණ කමිටු සභාපති රත්නපුර දිස්ත්‍රික් පාර්ලිමේන්තු මන්ත්‍රීනී නීතිඥ නිලූෂා ලක්මාලි ගමගේ මහත්මිය , ප්‍රාදේශීය සභා මන්ත්‍රී ඩිෂාන් නෙරංජ කරූණාරත්න මහතා ඇතුළු දේශපාලන අධිකාරිය , නිවිතිගල ප්‍රාදේශීය ලේකම්තුමා , සහකාර ප්‍රාදේශීය ලේකම්තුමා , මූලස්ථාන සමෘද්ධි කළමනාකරු , ප්‍රාදේශීය ලේකම් කාර්යාලයීය ප්‍රජා සවිබලගැන්වීම් නිලධාරීන් , ග්‍රාම නිලධාරීන් ඇතුළු රාජ්‍ය නිලධාරී මහත්ම මහත්මීන් සහභාගී වූ අතර මෙම ව්‍යාපෘති සඳහා තෝරාගත් ප්‍රතිලාභීන් සහ ප්‍රදේශවාසී ජනතාව මේ සඳහා ඉතා උනන්දුවෙන් සම්බන්ධ වූහ.


(2026/06/02)

02/06/2026

NIDS - වෙසක් දන්සල 2026

වාර්ෂිකව වෙසක් පොහොය දිනය නිමිත්තෙන් සිදු කරනු ලබන සුප් සහ රෝස්පාන් දන්සල මෙවරත් ජූනි මස 01 වන දින සියලු කාර්‍ය මණ්ඩලයේ සංවිධානයෙන් සහ සහභාගීත්වයෙන් පවත්වන ලදී.


(2026/06/02)

01/06/2026

මතින් තොර රටක් - සුවබර හෙටක්

ජාත්‍යන්තර දුම්වැටි හා මත් විරෝධී දිනය - 2026

ග්‍රාමීය සංවර්ධන , සමාජ ආරක්ෂණ සහ ප්‍රජා සවිබල ගැන්වීමේ අමාත්‍යාංශය , සමෘද්ධි සංවර්ධන දෙපාර්තමේන්තුව , සමාජ සංවර්ධන අංශයේ මගපෙන්වීම යටතේ ක්‍රියාත්මක කරනු ලබන ජාත්‍යන්තර දුම්මැටි හා මත් විරෝධී දිනය - 2026 නිමිත්තෙන් සිදු කරනු ලබන කොඩි අලෙවි වැඩසටහන මැයි 31 සිට ජූනි 17 දක්වා ක්‍රියාත්මක වේ.

නිවිතිගල ප්‍රාදේශීය ලේකම් කොට්ඨාසයේ කොඩි අලෙවි වැඩසටහනේ සමාරම්භක අවස්ථාව නිවිතිගල ප්‍රාදේශීය ලේකම්තුමාගේ ප්‍රධානත්වයෙන් , සහකාර ප්‍රාදේශීය ලේකම්තුමා , මූලස්ථාන සමෘද්ධි කළමනාකරු , කරවිට හා දොලොස්වල සමෘද්ධි බැංකු කළමනාකරුවන් , ප්‍රජාමූල බැංකු සමිති කළමනාකාරතුමිය , ප්‍රජා මූල සංවර්ධන නිලධාරී , කලාප සහකාරවරු , සමාජ සංවර්ධන සහකාර , සමෘද්ධි සංවර්ධන නිලධාරීන් සභ සමෘද්ධි ප්‍රජා මුල සංවිධාන සභාපතිවරුන්ගේ සහභාගිත්වයෙන් පවත්වන ලදී.

මෙම කොඩි අලෙවි වැඩසටහනේ කොඩි අලෙවියෙන් 85% ක කොටසක් ප්‍රජාමූල සමිතියේ සමාජ සංවර්ධන කටයුතු සඳහා යොදා ගැනේ.


(2026/06/02)

31/05/2026

සිතුවිලි පවුර 19

අවංකත්වය තුළ ලැබෙන සතුට මැනිය නොහැක..

31/05/2026

සියලු දනන් සිත් සුවපත් වන බෞද්ධාලම්භන ප්‍රීතිය දනවන වෙසක් දිනයේ සම්බුද්ධ තෙමගුල බැති සිතින් සැමරීම...🙏🙏🙏

ප්‍රාදේශීය මහ ලේකම් කාර්‍යාලය - නිවිතිගල

31/05/2026

NIDS - සුප් හා රෝස් පාන් දන්සල