Divisional Secretariat Welipitiya

29/09/2026

2026.09.29
වැලිපිටිය, ප්‍රාදේශිය සාහිත්‍ය උත්සවය - 2026.
සමාරම්භක මොහොත....

28/09/2026

2026 සාහිත්‍ය කලා මහෝත්සවය,
මාර/වටගෙදරමුල්ල මහා විද්‍යාලයේදී,
2026.09.29 දින, පෙ
ව. 9.00 ට. සැමට ආරාධනා.. 🙏

01/09/2026

🌿 ගෞරවණීය සමුගැනීමක්… නව පරිපාලන පියවරකට සුබ පැතුමක්… 🌿

2026.08.31 දින

මාතර, වැලිපිටිය ප්‍රාදේශීය ලේකම් කාර්යාලයේ සහකාර ප්‍රාදේශීය ලේකම් ලෙස රාජකාරි කරමින්, තම සේවා කාලය තුළ කාර්යාලයට වටිනා ආලෝකයක් වූ අරවින්ද සමරවික්‍රම මැතිතුමා, මාතර දිස්ත්‍රික් ලේකම් කාර්යාලයේ සහකාර දිස්ත්‍රික් ලේකම් තනතුරට පත්ව, නව වගකීමක් භාර ගැනීම සඳහා අප කාර්යාලයෙන් නික්ම යන අවස්ථාව සනිටුහන් කරමින් විශේෂ සමුදීමේ උත්සවයක් පැවැත්විණි. 💐

රාජකාරියේදී පෙන්වා දුන් ගැඹුරු තීක්ෂණභාවය, මනා නිරවද්‍යතාවය, කාර්යය පිළිබඳ වගකීම සහ විනය, එතුමාගේ පරිපාලන හැකියාවන්හි සුවිශේෂී ලක්ෂණ විය.

එමෙන්ම, නිල තනතුරේ බලය ඉක්මවා ගිය මනුෂ්‍යත්වයෙන් පිරි හැඟීම, සියලු දෙනා කෙරෙහි දැක්වූ සමානාත්මතාවය, සහ අවශ්‍ය අවස්ථාවල කිව යුතු දේ සෘජුව හා නිර්භීතව ප්‍රකාශ කිරීමේ ස්වභාවය එතුමාගේ සේවා දිවියට සුවිශේෂී අනන්‍යතාවයක් එක් කළේය.

වැලිපිටිය ප්‍රාදේශීය ලේකම් කාර්යාලයේ සේවය කළ කාලය තුළ එතුමා තුළින් ප්‍රකට වූ පරිපාලන දැක්ම සහ නායකත්ව ලක්ෂණ දෙස බලන විට, ශ්‍රී ලංකා පරිපාලන සේවයේ තවත් ඉහළ වගකීම් සහිත තනතුරු කරා පියවරෙන් පියවර ඉදිරියට යා හැකි නායකත්ව පෞරුෂයක් එතුමා සතු බව පැහැදිලිව පෙනෙන්නට තිබුණි.

එතුමාගේ නව පත්වීම, අප කාර්යාලයට සමුගැනීමක් වුවද, එය අලුත් වගකීමක්, අලුත් අභියෝගයක් සහ තවත් පුළුල් සේවා මෙහෙවරක් කරා තැබූ වැදගත් පියවරකි. 🌱

මෙම සුවිශේෂී අවස්ථාව, වැලිපිටිය ප්‍රාදේශීය ලේකම් දිල්හානි නදීකා මැතිණියගේ නායකත්වයෙන්, මාණ්ඩලික නිලධාරීන් ඇතුළු කාර්යාලගත සියලුම නිලධාරීන්, ක්ෂේත්‍ර නිලධාරීන්, ග්‍රාම නිලධාරීන්, ප්‍රජා සවිබල ගැන්වීමේ නිලධාරීන්, සමෘද්ධි සංවර්ධන අංශයේ නිලධාරී ඇතුළු සමස්ත කාර්ය මණ්ඩලයේ සහභාගීත්වයෙන් මෙම ගෞරවනීය සමුදීමේ උත්සවය පැවැත්විණි. 🌸

අරවින්ද සමරවික්‍රම මැතිතුමනි,

වැලිපිටිය ප්‍රාදේශීය ලේකම් කාර්යාලයේ ඔබ තැබූ සේවා සටහන් අපගේ මතකයේ සදා රැඳෙනු ඇත.

ඔබගේ නව වගකීම සාර්ථක වේවා!
ඔබගේ පරිපාලන ගමන තව තවත් ශක්තිමත් වේවා!
ජනතා සේවය වෙනුවෙන් ඔබ සතු දැනුම, හැකියාව සහ මනුෂ්‍යත්වය තවදුරටත් පුළුල් මෙහෙවරකට යොදාගැනීමට හැකි වේවා!

ශ්‍රී ලංකා පරිපාලන සේවයේ ඉහළම තලයන් කරා පියවර තබමින්, සාර්ථකත්වයේ දිගු ගමනක් යාමට හෘදයාංගම සුබ පැතුම්! 💐🌿

සුබ ගමන්… සුබ අනාගතයක්…! ❤️

━━━━━━━━━━━━━━━━━━
වැඩසටහනේ සංවිධාන ශක්තිය
සේවක සුබසාධක සංගමය
ප්‍රාදේශීය ලේකම් කාර්යාලය – වැලිපිටිය.
==================
මාධ්‍ය ඒකකය, ප්‍රා.ලේ.කා. වැලිපිටිය.

31/08/2026

2026.08.31

21/08/2026

📅 2026.08.21

රාජ්‍ය නිලධාරීන්ගේ සාමාන්‍ය හැසිරීම සහ විනය පිළිබඳ දැනුවත් කිරීමේ වැඩසටහන

මාතර, වැලිපිටිය ප්‍රාදේශීය ලේකම් කාර්යාලයේ ග්‍රාම නිලධාරීන්, ප්‍රජා සවිබල ගැන්වීමේ නිලධාරීන්, ක්ෂේත්‍ර නිලධාරීන් සහ කාර්යාල නිලධාරීන්ගේ සහභාගීත්වයෙන් “රාජ්‍ය නිලධාරීන්ගේ සාමාන්‍ය හැසිරීම සහ විනය” පිළිබඳ විශේෂ දැනුවත් කිරීමේ වැඩසටහනක් අද දින කාර්යාලයීය ශ්‍රවණාගාරයේදී සාර්ථකව පැවැත්විණි.

මෙම වැඩසටහන දකුණු පළාත් කළමනාකරණ සංවර්ධන හා පුහුණු ආයතනය මගින් සංවිධානය කරන ලදී.

වැඩසටහනේ සම්පත් දායකත්වය ලබා දෙමින්, සිය දීර්ඝ රාජ්‍ය සේවා අත්දැකීම් හා දැනුම සහභාගී වූ නිලධාරීන් සමඟ බෙදාගනු ලැබුවේ, ප්‍රවීණ රාජ්‍ය නිලධාරියෙකු සහ පුහුණුකරුවෙකු වන හිටපු පළාත් සෞඛ්‍ය ලේකම් බුද්ධප්‍රිය නිගමුණි මැතිතුමන් විසිනි.

රාජ්‍ය සේවයේ ගුණාත්මකභාවය ඉහළ නැංවීම සඳහා නිලධාරීන්ගේ වගකීම, විනය, ආකල්ප හා වෘත්තීය හැසිරීම පිළිබඳ අවබෝධය වර්ධනය කිරීම සඳහා මෙවැනි වැඩසටහන් ඉතා වැදගත් වේ.

🙏 තම වටිනා දැනුම හා අත්දැකීම් බෙදා දෙමින් මෙවැනි සත්කාර්යයන් සඳහා දායක වන බුද්ධප්‍රිය නිගමුණි මැතිතුමන්ට අපගේ ගෞරවය හා ස්තුතිය පුද කරමු.

එතුමන්ට තවදුරටත් මෙවැනි සත්කාර්යයන් සිදු කිරීමට අවශ්‍ය ශක්තිය, ධෛර්යය, නිරෝගී සුවය සහ දීර්ඝායුෂ ලැබේවායි ප්‍රාර්ථනා කරමු. 🙏

මාධ්‍ය ඒකකය
ප්‍රාදේශීය ලේකම් කාර්යාලය – වැලිපිටිය

30/07/2026

27/07/2026

📅 2026.07.27

🌿 සුපිළිපන් රාජ්‍ය සේවයක් ගොඩනැගීම උදෙසා 🌿
━━━━━━━━━━━━━━━━━━━━

පුරවැසි අයිතීන් සහ අවශ්‍යතාවයන් තවදුරටත් සුරක්ෂිත කරමින්, දූෂණයෙන් තොර, පාරදෘශ්‍ය හා කාර්යක්ෂම රාජ්‍ය සේවාවක් තුළින් යහපත් පුරවැසි සමාජයක් බිහි කිරීම උදෙසා රාජ්‍ය සේවකයන් ලෙස අපගේ කාර්යභාරය වගකීමෙන් හා අවංකභාවයෙන් ඉටු කිරීම අරමුණු කර ගනිමින්,

“සුපිළිපන් රාජ්‍ය සේවයක්” ගොඩනැගීම උදෙසා දිවුරුම් දීමේ වැඩසටහනක් වැලිපිටිය ප්‍රාදේශීය ලේකම් කාර්යාලයේදී පැවැත්විණි.

මෙම අවස්ථාව වැලිපිටිය ප්‍රාදේශීය ලේකම් ආර්. එස්. දිල්හානි නදීකා මැතිණියගේ ප්‍රධානත්වයෙන් පැවැති අතර, ප්‍රධාන මාණ්ඩලික නිලධාරීන් ඇතුළු සමස්ත කාර්ය මණ්ඩලය එක්ව සුපිළිපන්, අවංක, පාරදෘශ්‍ය හා ජනතා හිතකාමී රාජ්‍ය සේවයක් වෙනුවෙන් සිය කැපවීම ප්‍රකාශ කළහ.

ජනතා විශ්වාසය සුරකිමින්,
වගකීමෙන් හා අවංකභාවයෙන්,
පාරදෘශ්‍ය හා කාර්යක්ෂම සේවාවක් තුළින්
යහපත් පුරවැසි සමාජයක් ගොඩනැගීම අපගේ අරමුණයි. 🇱🇰

🤝 සුපිළිපන් රාජ්‍ය සේවයක් වෙනුවෙන් අපි සැවොම එක්වෙමු!
━━━━━━━━━━━━━━

28/05/2026

🟢 'සුරකිමු ලංකා' බලශක්ති සුරක්ෂිතතා වැඩසටහනට කැබිනට් අනුමැතිය 🟢

ජනාධිපති ලේකම් කාර්යාලය, බලශක්ති අමාත්‍යාංශය, ශ්‍රී ලංකා සුනිත්‍ය බලශක්ති අධිකාරිය සහ ක්ලීන් ශ්‍රී ලංකා ලේකම් කාර්යාලය එක්ව සංවිධානය කරනු ලබන 'සුරකිමු ලංකා' බලශක්ති සුරක්ෂිතතා ජාතික මෙහෙයුම සියලූම සියලූම රාජ්‍ය, අර්ධ රාජ්‍ය පෞද්ගලික අංශය සහ මහජනතාව සම්බන්ධ කරමින් ක්‍රියාත්මක කිරීමට කැබිනට් අනුමැතිය හිමිව ඇත.

පොසිල ඉන්ධන මත අධික ලෙස රඳා පැවතීම, අහිතකර කාලගුණය, භූ දේශපාලනික අස්ථාවරත්වය සහ ලෝක වෙළෙඳපොළේ මිල උච්ඡාවචනයන් හේතුවෙන් ශ්‍රී ලංකාවේ බලශක්ති සුරක්ෂිතතාව අභියෝගයට ලක්ව ඇති අතර, පාරිභෝගිකයන්ගේ අවිධිමත් විදුලි භාවිතය නිසා ඉහළ යන ඉන්ධන ආනයන වියදම ජාතික ආර්ථිකයට දැඩි පීඩනයක් එල්ල කරයි. මෙම තත්ත්වය කළමනාකරණය කරමින් රටේ බලශක්ති සුරක්ෂිතතාව තහවුරු කිරීම සඳහා, පුනර්ජනනීය බලශක්තිය වැඩිපුර ජනනය වන කාලසීමාවන් තුළ විදුලිය පරිභෝජනය කිරීමට මහජනතාව යොමු කිරීම සහ බලශක්ති කාර්යක්ෂමතාව ඉහළ නැංවීමට අවශ්‍ය චර්යාත්මක වෙනස්කම් ඇති කිරීම අරමුණු කරගනිමින් ඉදිරියේදී වඩාත් ත්‍රීව ලෙස මෙම වැඩසටහන ක්‍රියාත්මක කිරීමට නියමිතය.
--------------------------------------