Lesotho Correctional Service

04/06/2026

IDM E KETEKA LETSATSI LA MACHABA LA BOHLOEKI NAKONG EA MATSATSI (MENSTRUAL HYGIENE) JTC

Maseru, 03 Phupjane 2026

Basebetsi ba sekolo sa Institute of Development Management (IDM) ba etetsese Setsi sa Koetliso ea Bana ba Hohlaneng le Molao (Juvenile Training Centre) ho ts'oaea Letsatsi la Machaba la Bohloeki Nakong ea Matsatsi (Menstrual hygiene) le ketekoang ka la 28 Mots'eanong selemo le selemo.

Ke ketekong ena moo banana barutiloeng mekhoa e nepahetseng ea ho sebelisa mesangoana (sanitory pads) ho boloka bohloeki le ho thusa h**e ba seke ba its'aba nakong ena.

Ka lehlakoreng le leng bashanyana ba setsing sena ba rutiloe h**e ba seke ba khesa, ho ts'eha kapa ho soma le ho hobosa banana ha ba le matsatsing. Ba rutiloe ho utloisisa h**e taba ena ke tlholeho 'me ke karolo ea bophelo.

Basebetsi ba IDM ba qeteletse ka ho fa bana tataiso ea ho khetha lithulo sebakeng sa ho ea likolong tsa thuto e phahameng (career guidance) ba boetse ba fana ka limpho ho banana le bashanyana. Limpho tsena li kenyelletsa lisebelisoa tsa bohloeki joalo ka mesangoana, lisepa, le tse ling tse hlokahalang bophelong ba letsatsi le letsatsi.

04/06/2026

Minister of Law and Justice Hon. Richard Ramoeletsi visited Juvenile Training Center yesterday for the inspection of Poultry (Broiler) Project.
03-06-2026.
゚viralシfypシ゚

02/06/2026

LEKALA LA TEMO LE KOETLISA BAHLANKA BA LCS KA LERUO LA LIKHOHO TSA NAMA

Lekala la Temo le Kanetso ea Lijo le ts’oaretse bahlanka ba Lefapha la Tlhabollo ea Bats’oaruoa (LCS) thupelo ea matsatsi a mane CTC, ho tloha ka la 26 ho isa la 29 Mots’eanong 2026. Thupelo ena e ne e le mabapi le tataiso ea leruo la likhoho tsa nama.
Sepheo sa thupelo ena e ne e le ho matlafatsa le ho hlahlella bahlanka bana ka tsebo ea tlhokomelo, tlhahiso, le mebaraka ea leruo la likhoho tsa nama, kaha lefapha la LCS le ikakhetse ka matla morerong ona.

Barupeli baneng batsamaisa thupelo ena e bile basupisi batsoang Lefapheng la Thuo ea Bo-malits’ebana, e leng Monghali Peo Ntho, Mofumahali Masekhothali Nkuebe, le Mofumahali Makwane Lekau ea neng a tsepame holima litaba tsa mebaraka.
Ho feta moo, lingaka tsa liphoofolo, Ngaka Nonyane le Ngaka Moima, le tsona li ile tsa fana ka thuto e batsi mabapi le bophelo bo botle ba likhoho. Ba rutile ka mafu a fapaneng a ka hlahang, mekhoa ea ho itšireletsa ho tsona, meriana ea pheko, hamoho le taolo e nepahetseng ea mafu ao.

Thupelo ena e koetsoe ka la 29 Mots’eanong,’me mookameli ofising ea meralo LCS, Senior Assistant Commissioner Kabo Moeno, o hlalositse h**e morero ona oa thuo ea likhoho ‘moho le merero e meng ka hara lefapha e tsehelitsoe ke ‘Muso oa Lesotho ka chelete e fetang limillione tse nne le makholo a mahlano a likete (M4, 500 000.00).
Ka lehlakoreng le leng ea ts’oereng molepo e le Mookameli oa Lefapha, Monghali Matingoe Phamotse o laile liofisiri tse ikarabellang mererong ena h**e ba sebetse ka; boikitlaetso, boitelo le bots’epehi e le ho baballa chelete eo ‘Muso o e tsetetseng sebakeng sa morero ona ,’me ba selemong sa bobeli sa morero ona oa lilemo tse tharo.
A re tebello ke h**e ka meralo ona lefapha le its’ematlele phepong ea bats’oaruoa e le ho fokotsa chelete etsoang mokotleng oa ‘Muso ka linokotse mashome a mahlano (50%). O ile a koala thupelo ena ka molao.
゚viralシfypシ゚

01/06/2026

MOKHATLO OA SEFAPANO SE SEFUBELU O PHALLELA BATS’OARUOA

Maseru,28 Mots’eanong 2026 – Mokhatlo oa Sefapano se Sekhubelu Lesotho (Lesotho Red Cross Society) o fane ka liphallelo tsa bohlokoa, ‘me tsona ke peo ea erekise le lisebelisoa tsa ho hlapa ho bats’oaruoa ba fetang mashome a mabeli (20) ba setsi sa Maseru Central. Phallelo ena e shebile haholo bats’oaruoa ba hlokang 'me ba senang baeti ba ba tlisetsang lisebelisoa tsa letsatsi le letsatsi.

Monghali Relebohile Moholobela ho tsoa Ntlo-kholo ea Mokhatlo Maseru, o hlalositse h**e tlas’a morero oa lithuso ho bats'oaruoa (International Humanitarian Law-IHL), morero o ka sehloohong ke ho hlokomela bats’oaruoa ba ntoa. Leha hole joalo, ba bone hole bohlokoa ho nanabetsa letsoho le ho bats’oaruoa ba Maseru Central ho netefatsa h**e ba phela ba hloekile ‘me ba na le seriti.

Ntle le lisebelisoa tsa bohloeki, mokhatlo o arabetse boipiletso ba tlhokahalo ea lijo ka hara setsi sena. Sena se latela khoelehetso e entsoeng ke Mookameli oa Setsi sa Tlhabollo ea Bats’oaruoa Maseru Central, Assistant Commissioner Neo Moramotse mabapi le khaello ea lijo.

Monghali Mokholane Sefatsane ena o bontsitse h**e ba fane ka peo ea erekise e le tharollo ea nako e telele ho matlafatsa phepelo ea lijo. Mokhatlo o ke ke oa fella feela ka ho fana ka peo,empa o tla fana ka tataiso e nepahetseng ea temo le ho sala morao ts’ebetso eohle ho netefatsa h**e ho ba le kotulo e atlehileng.

Mohlahlami oa Mokameli oa Setsi, Senior Superintendent Leluma Mahlelebe o fetisitse liteboho ho Sefapano se Sekhubelu bakeng sa mohato ona oa bohlokoa. Ka lehlakoreng le leng emong oa bats’oaruoa o ile a fetisa liteboho ho tsoa botebong ba pelo, a bonts’a thabo ka h**e ebe ha baa lebaloa,’me aba kopala Red Cross tlhohonolofatso ho Molimo.

゚viralシfypシ゚

24/05/2026

The funeral of the late Teacher Lebona Qhobosheane

A teacher's work never truly ends, because the lessons they leave behind continue to live within those they taught.
Thank you for the guidance, patience, and love you shared with your students and the LCS community at large.

May your soul rest in eternal peace. You will always be remembered and deeply missed🕊🕊🕊

21/05/2026

LEFAPHA LA TLHABOLLO EA BATS’OARUOA-LCS LE HOPOLA TS’EBETSO E KHAHLEHANG EA BAFU BA LONA

Ka la 20 ‘Mesa, Lefapha la Tlhabollo ea Bats’oaruoa (LCS) le ile la ts’oara sehopotso le ho keteka bophelo ba bafu: L/Sgt Lekena Sematlane le Tichere Lebona Qhobosheane.
Monghali Qhobosheane ene e le tichere Sekolong sa Bana ba Hohlaneng le Molao (Juvenile Training Centre-JTC) moo a sebelitseng teng a fana ka thuto le tlhahiso-leseling ho bana ho tloha ka selemo sa 2009 ho fihlela 2026 ha lefu le mokhaoletsa.

L/Sgt Sematlane ena o sebelitse Lefaphapheng lena ho tloha ka selemo sa 1949 kamor’a ho khutla Ntoeng ea Bobeli ea Lefats’e, a sebetsa ka bots’epehi ho fihlela a ea phomolong ka 1979.
Ka bobeli bafu ba tla bolokoa ka Moqebelo oa la 23 Mots'eanong 2026

”Ha meea ea bona le meea ea balumeli bohle ba falletseng e phomole ka khotso ka mohau oa Molimo...”

21/05/2026

Le chaea le boella...

18/05/2026

FEMALE CORRECTIONAL INSTITUTION

Setsi sa tlhabollo ea Bats’oaruoa sa basali (Female Correctional Institution) ke setsi se bolokang le ho hlabolla bats’oaruoa, se fumanehang Maseru. Ke sona feela setsi se seholo ka hare ho naha se bolokang bats’oaruoa ba basali. Ntle le ho ba sebaka sa tlhokomelo, setsi sena se fetohile sebaka sa thuto, boits’epo le tsosolotso ea litoro tse ncha ka lebaka la manane thuto a fanoang molemong oa bats’oaruoa.

Har’a manane thuto a teng ho kenyelletsa hair salon moo bats’oaruoa ba ithutang ho lokisa moriri, moroko (tailoring)moo ba ithutang ho teka le ho roka liphahlo ka mechini, hammoho le plastic recycling project moo ba sebelisang lipolasetiki le lipampiri tse lahluoeng ho etsa lihlahisoa tse fapaneng tse babatsehang. Ho ea ka e mong oa bats’oaruoa, manane ana a thusa ho hlabolla likelello tsa bona, h**e ba lule ba phathahane le ho ba fa litsebo tseo ba ka iqalellang mesebetsi ka tsona ha ba khutlela kantle.Puong ea Principal Rehabilitation Officer, mofumahali ‘Mamochone Mahase, o itse sepheo sa manane ana ke ho hlomella bats’oaruoa ka litsebo tse tlang ho ba thusa ho ikemela le ho iphelisa, hobane “ha hona khomo sebeletsa pere.” O boetse a bontša h**e sena se thusa h**e ba phelise malapa a bona le ho qoba ho khutlela litlolong tsa molao.

Ka kakaretso, manane thuto ana a reretsoe ho hlahahlella bats’oaruoa ka litsebo tseo bat lo iphelisa ka tsona ha ba khutlela kantle sechabeng.

12/05/2026