10/04/2026
Liesung vum 7 März mam Thema Ouschteren: Am Grupp 7-10 hu mir eis 2 Bicher ugekuckt: Am Buch "Das Osterküken" well d´Chippelchen onbedengt op Ouschteren op d´Welt kommen. Mee Ouschteren ass all Joer en aneren Dag. Wéini ass et dann dëst Joer? Am Buch hu mir follgend geleiert: Fir teischt muss een den Ufank vum Fréijoer ofwaarden. Wann d´Fréijoer ugefaangen huet, brauch een den nächste Vollmound an dann ass Ouschtere sonndes no deem Vollmound. Schippelchen am Ee huet et effektiv gepackt an ass genau op deem Dag op d´Welt komm. Am Buch " Rübchens Reise ins Glück" ass d´Rübchen am Ufank vun der Geschicht guer net frou. Hat lieft an engem Käfeg, zesumme mat anere ganz villen Hinger, an huet nach ni d´Sonn gesinn. Et geet just drëm vill Eeër ze leen mee soss ass säi Liewen zimmlech traureg. Enges Daags ginn all d´Hinger matgeholl mee d´Rübchen gëtt vergiess. .
Hat ergräift seng Chance a geet lass fir säi Gléck ze sichen an et huet Chance: Et fënnt e léift Meedchen dat ganz léif mat him ass. Rübchen kann elo frou mat aneren Hinger an der Wiss wullen, sech sonnen an et huet och e gemittlechen Stall. Sou e Liewe misst am Fong all Hong hunn. Mir hunn och driwwer geschwat wéi vill Hinger et wierklech net gutt well mir hier Eeër wëllen iessen a wei eng Eeër ee soll kafe wann ee well hunn dass d´Hinger e schéint Liewen haten. Mir hunn och e puer Eeër faarweg gemoolt an eng Ouschterkaart gebastelt.
Och am Grupp 3-6 ass et em Ouschtere gaangen. Et ginn esouvill Bicher dass mir zum Deel moies aner Bicher gekuckt hu wei mëttes. Am Buch "Ach du buntes Ei" huet de Bopa Ouschterhues vergiess dass den Dag drop Ouschteren ass. Eeër sinn elo nach keng gemoolt. An de Liblingspinsel ass verluer. Ouni dee kann hien net molen. All déi aner Deieren hëllefe sichen, mee leider fannen si en net. De Bopa ass scho ganz verzweifelt mee seng Frënn loossen hien net am Stach. Sie fänken u mat molen an huelen dofir alles wat se fannen, hier Schnuff, hier Féiss, Plommen asw. Sie ginn sech esou gutt drun dass all d´Eeër pünktlech fäerdeg ginn. A wou den Hong, deen de ganzen Dag geschlof huet, wakereg gëtt, fannen se och de Liblingspinsel: den Hong louch drop.
Am Buch "Dann rufen alle Hoppelpopp" verstinn sech déi 5 Kanéngercher ganz gutt: Sie schlofen zesummen op enger Plaz, spillen zesummen asw. Do kennt op 1x en Hues a freet wee vun hinnen dann dee Beschte wier. D´Kanéngercher soen dass et dat bei hinnen net gëtt. Den Hues léist awer net lacker a mécht verschidde Spiller mat hinne fir eraus ze fanne ween dee Beschten ass. Sou ass een dee séiersten, een deen intelligentsten, een de couragéierten asw. Vun elo u versti sie sech awer net mei esou gutt an et gëtt vill Gestreits. Mee op 1x kennt en Dachs an d´Kanéngercher sinn a Gefor. Zesumme kréien sie sech geint den Dachs gewiert a sie wëssen elo dass et hinnen am beschte geet wa sie zesummen halen.
"Das schönste Ei der Welt" 3 Hinger wëllen dat scheinstent Hung sinn. Well sie sech guer net kennen eenegen, ween dat schéinst ass, rifft de Kinnek e Concours aus. Ween dat scheinstent Ëëë leet huet gewonnen. Sie ginn sech allen 3 ganz vill Mei, all Ee ass eppes ganz Besonnesches. Dofir decidéiert de Kinnek dass se allen 3 gewonnen hunn.
"Der Hase und der ungebetene Gast": Den Här Hues ass ganz uerdentlech bis aus engem Ee e ganz onuerdentlecht Schippelche schlüpft. An do seet et och nach Mamma zum Hues. Den Hues ass entsat. Alles ass duercherneen an eng Mama ass hien och net. Dofir mécht hien alles fir dem Schippelchen seng Famill ze fannen. Dat geléngt him och mee wou hien dunn eleng doheem ass, fillt en sech eleng an d´Schippelche feelt him. D´Schippelche proposéiert him Frënn ze bleiwen an dat maache sie dann och.
