LTPES - Lycée technique pour professions éducatives et sociales

23/07/2026

🎪🎠 Sport- a Spillfest 2026 – Motto: „Zirkus & Kiermes“ 🎠🎪

Den 20. Juni 2026 hunn d'Schüler*innen vun der Klass 1SGED06 vum LTPES mat vill Engagement, Kreativitéit a Begeeschterung e flotte Sport- a Spillfest ënnert dem Motto „Zirkus & Kiermes“ organiséiert. 🤹‍♀️🎡✨

Kanner am Alter vun 3 bis 12 Joer konnten op ville spannende Statiounen hir Geschécklechkeet a Sportlechkeet ënner Beweis stellen, spillen, laachen a gemeinsam eng onvergiesslech Zäit verbréngen. 🎯🏃‍♀️🎪🍭

Mir soen e grousse Merci un all d'Kanner, Elteren a Begleeder fir hir Präsenz an hir gutt Stëmmung. E spezielle Merci geet un d'Schüler*innen vun der 1SGED06, déi dësen Dag mat vill Häerzblutt geplangt, organiséiert a begleet hunn. ❤️👏

E ganz besonnesche Merci geet och un de Sportkrees Atert fir säi wäertvollen Asaz an seng Ënnerstëtzung. Ausserdeem bedanke mir eis beim ALR fir d'Bereetstelle vun der Infrastruktur an dem Material, déi zum Erfolleg vun dësem flotte Projet bäigedroen hunn. 🙏✨

Et war e gelongenen Dag voller Beweegung, Freed a schéine Momenter! 🌟

🎪🎠🤹‍♂️🏃‍♀️🍿✨

23/07/2026

🤝🎉 Inklusiounsprojet „NOSL meets ZAK“ 🎉🤝

Den 13. Juni 2026 hunn d'Schüler*innen vun der Klass 1SGED11 vum LTPES an Zesummenaarbecht mam NOSL an dem ZAK den Inklusiounsprojet „NOSL meets ZAK“ geplangt an duerchgefouert. 🌟

Duerch gemeinsam Aktivitéiten, Spiller a vill flott Momenter stounge Spaass, Begéinung an Zesummenhalt am Mëttelpunkt. 😄🎈

De Projet huet gewisen, wéi wichteg et ass, Mënschen zesummenzebréngen, Diversitéit ze liewen a gemeinsam schéin Erfarungen ze maachen. 💙

E grousse Merci un all Participanten, un d'Teams vum NOSL an dem ZAK an un eis Schüler*innen fir hiren Engagement an hir gutt Laun! 👏✨

🤝🌈✨

15/07/2026

Diplomfeier 2026 – Stolz op eis Absolvent*innen!
Häerzlech Felicitatiounen un all eis 1SGED Student*innen, déi hiren Diplom kritt hunn! 🎓👏

E Meindeg, de 6.7.2026, huet de Eric Thill (Ministre de la Culture) d'Diplomer un eis talentéiert Student*innen iwwerreecht. Hir haart Aarbecht an hiren Engagement hunn sech gelount.

🎹 E Merci geet och un d'Krick, wat eis de ganzen Owend mat senger musikalescher Begleedung bereichert huet an d'Stëmmung ëmmer erëm opgelockert huet.

Mir wënschen Iech alles Guddes fir d’Zukunft a vill Erfolleg op Ärem weidere Wee! 🌟
Kuckt Iech dës onvergiesslech Momenter un a deelt d'Freed mat eis! 📸✨

📷 Méi Fotoe vum Owend ginn an de nächste Wochen op de Sharepoint gesat, gitt also ëmmer emol erëm dohi luussen.

14/07/2026

❗️UPDATE❗️

📸 D'Fotoe vun den Diplomiwwerreechungen 1GED an 1SGED 2025/26 kënnt dir ab elo um Sharepoint fannen!

Nach e Mol Felicitatiounen un alleguerten a mir wënschen Iech eng schéi Vakanz! 😎 🌴

13/07/2026

🎓 Donneschdeg, den 2.7.2026, huet d'Diplomiwwerreechung vun eisen 1GED Schüler*innen stattfonnt.

Den Diplom kruten d'Absolventen vum Monsieur Max Hahn (Ministre de la Famille, des Solidarités, du Vivre ensemble et de l’Accueil) iwwerreecht.📜

👏🏻 E Bravo un all eis Laureaten a Laureatinne fir hir super Leeschtungen! 👏🏻👏🏻

Mir wënschen hinnen op hirem weidere Wee alles Guddes a freeën eis, ville vun hinnen an engem Joer den Diplôme d'État d'Éducateur/trice iwwerreechen ze kënnen.

📷 Méi Fotoe vum Owend ginn an de nächste Wochen op de Sharepoint gesat, gitt also ëmmer e Mol erëm dohi luussen.

02/07/2026

Vum 28. Juni bis den 1. Juli hu 4 Schüler:innen aus der 1SGED08 an 11 Schüler:innen aus der 2GED02 un enger pädagogescher Rees op Aix-en-Provence deelgeholl. 🚎😊
Am Camp des Milles hunn si eng Visite guidée vun engem Deportatiounslager vum 2. Weltkrich gemaach. D'Schüler:innen hun och un engem Atelier iwwer d’Entstoe vu Virurteeler deelgeholl an sech domat befaasst, wéi Stereotyppen zu Diskriminatioun an am schlëmmste Fall bis zu engem Genozid féiere kënnen. 🤓
De kulturelle Programm gouf duerch Visitten zu Marseille ofgeronnt, ënner anerem an der Grotte Cosquer, wou d’Grupp déi impressionant prehistoresch Fielsmolereie kennegeléiert huet.😁

24/06/2026

🎬✨ Och dëst Joer war de MediaDay e grousse Succès!

Mat vill Virwëtz, Kreativitéit an Engagement sinn eis 223 Schülerinnen a Schüler aus der 2GED an déi spannend Welt vun de Medie agedaucht. 🌍📱

De MediaDay gouf vun den Terminals-Schülerinnen a -Schüler organiséiert a war zu Miersch am LTPES, dem Lycée Technique pour Professions Éducatives et Sociales. 🏫

A méi wéi 20 Atelieren an interaktive Statiounen hunn d’Schülerinnen a Schüler sech mat aktuelle Medientheemen auserneegesat. Dobäi goufen ënner anerem Froe behandelt wéi:

🔍 Wéi erkennt een Fake-Accounts a Falschinformatiounen?
🔐 Wéi privat si meng sozial Netzwierker wierklech?
🎮 Wéi eng Geforen huet d’Spillsucht am digitale Beräich?

Weider Atelieren hu sech mat digitale Trends, Sécherheet um Internet an dem verantwortungsvollen Ëmgang mat Medie beschäftegt. 💻🛡️

Besonnesch fir d’Schülerinnen a Schüler aus der Erzéierausbildung, der 2GED, war de MediaDay eng wäertvoll Erfarung. An de Workshops konnten si konkret pedagogesch Handlungsweisen an Aktivitéite kenneléieren an ausprobéieren, déi si spéider am Stage oder an hirer Aarbecht mat Kanner a Jugendlechen asetze kënnen. 👥📚

Doduerch gouf de Bezuch tëscht Mediekompetenz an der pedagogescher Praxis direkt erliefbar.

D’Zil vum MediaDay ass et, déi jonk Generatioun op d’Erausfuerderunge vun der digitaler Welt virzebereeden an hir Mediekompetenz ze stäerken. Dobäi steet e bewossten, kriteschen a verantwortungsvolle Gebrauch vu Medie am Mëttelpunkt. 🌐💡

Et war en Dag voller Inspiratioun, neien Erkenntnesser a spannende Momenter. D’Fotoe schwätze fir sech! 📸✨

16/06/2026

https://www.rtl.lu/life/news/wann-et-leeft-1804261517

Am Musée geet et meeschtens drëm, eng Ausstellung ze besichen. Mee dëse Weekend gëtt am Lëtzebuerg City Museum de Spiiss emol ëmgedréint. Jonk Leit iwwerhuelen d'Kontroll a gestalten de Programm selwer.

11/06/2026