Libyan ليبي

Libyan ليبي صفحة إخبارية ترفهية متنوعة تنقل الاخبار والاحداث والمعلومات التي تفيد الحياة اليومية لليبين في كندا
(1)

اجواء جملية لكأس العالم في تورنتو بأسعار تذاكر فلكية تبدا 1300$ لمباراة كندا 🇨🇦 وبوسنيا 🇧🇦 ولكن غدوة السبت ننصحك ما تمشي...
12/06/2026

اجواء جملية لكأس العالم في تورنتو بأسعار تذاكر فلكية تبدا 1300$ لمباراة كندا 🇨🇦 وبوسنيا 🇧🇦 ولكن غدوة السبت ننصحك ما تمشيش لتورنتو 🍁 لانه في مجموعة سحاتيت طالعين بالدراجات 🚴‍♂️ وزيدها جماعة الوان 🌈

08/06/2026

قاضي محكمة في بوسطن الأمريكية يبطل قرار ترامب الذي يفرض علي الشركات الامريكية دفع 100 الف دولار لتعيين اجانب بوظائف بتاشيرة H1B وهناك أخبار متداولة بان حكم سوف يصدر قريبا بابطال قرار حظر السفر ل75 دولة للحصول علي تاشيرة امريكية 🇺🇸 من ضمنها ليبيا 🇱🇾 هذا يعني ان اي شخص عنده مهارات وحصل شركة ديرله سبونسر اموره تمام ولو فتحوا في القرعة امور تمام، اجراءات الهجرة للمتزوجين امور تمام باذن الله

سعداء جدا بعمليات الصيانة في طريق المطار لكن ملاحظة بسيطة !! زي ما تعرفوا انه العشب الاخضر مكلف جدا من ناحية الرعاية وال...
08/06/2026

سعداء جدا بعمليات الصيانة في طريق المطار لكن ملاحظة بسيطة !! زي ما تعرفوا انه العشب الاخضر مكلف جدا من ناحية الرعاية والاهتمام ويحتاج الي استهلاك ماء بشكل كبير جدا والرسول ﷺ قال لا تسرفوا في الماء ولو كنتم على نهر جاري
ياريت يهتموا بالتشجير افضل كا عازل للأتربة ومكافح لتصحر ومفيد جدا للبيئة الجوية واقل إهدارا للماء خصوصا انه ليبيا تعاني من الجفاف وربي يهني البلاد والعباد

08/06/2026

في اليوم العالمي للغذاء نشرت منظمة الصحة العالمية تقرير فحصت فيه 42 خطرا غدائيا في 194 دولة يتسبب باصابة أكثر من 866 مليون شخص سنويا بامراض خطيرة ويقتل اكتر من مليون ونصف شخص، حيث وجدت مواد الكميائية العضوية ( الزرنيخ والرصاص ) التي تستخدم في الرش، تتسرب عبر التربة والمياه الملوثة الي المحصولات الزراعية ( الفواكة والخضراوات) المسبب الرئيسي في ارتفاع امراض القلب والسرطانات بنسبة 74% والضحية الاكبر هم الاطفال، دول الافريقية والآسيوية هي اكثر تلوثًا للغداء، لذلك احذر جيدا من القشرة الخارجية قبل اكلها. اكتشف هذا الأمر لبعض الفواكه والخضراوات في امريكا 🇺🇸 وللاسف هذه منتجات متواجده حاليا بكثرة في سوق الكندي🇨🇦 يبال الحال في بلادنا 🇱🇾

06/06/2026

قاضي فدرالي يصدر حكم باسقاط قرار ترامب بايقاف معاملات الهجرة ( اللجوء، ترخيص العمل، الاقامة، الجنسية ) لمواطني 39 دولة من بينهم ليبيا 🇱🇾 سوريا 🇸🇾 اليمن 🇾🇪 بحجة انه هذا القرار سياسية وتسبب بضرر لمواطني هذه الدول وعائلاتهم داخل الولايات المتحدة الأمريكية 🇺🇸 ويستأنف النظر في معاملاتهم من قبل الامقريشن USCIS

31/05/2026

بعد الاعلان عن انكماش الاقتصاد الكندي والدخول في ركود تقني !! اليك بعض الجوانب الاخري عن كندا 🇨🇦
هل تعلم انه اكثر من 4.5 مليون شخص يعيش تحت خط الفقر في كندا واكثرهم في اقليم نانوفت، BC، اونتاريو
اكثر من 2 مليون شخص يعتمد علي المساعدات الحكومية ( الوالفير) واكثرهم في نيوفاوندلاند
اكثر من 2.2 مليون شخص يعتمد علي مساعدات الغدائية food bank
ايجاد وظيفة تعتمد بشكل كبير جدا علي التزكية والمعارف referral خصوصا بدون الخبرة الكندية
اكثر من 1.5 مليون شخص عاطل عن العمل بمعدل بطالة 6.9% اعلي معدل منذ 1982 ونيوفونلاند اعلي نسبة وسكان مقاطعات الاتلانتك هم اكثر معدلات الافراد لذوي الدخل المحدود في كندا 🇨🇦
بالبرغم انه كندا 🇨🇦 دولة نفطية ولكن بعض المدن الكبرى تعاني من ازمة غلاء المعيشة، وارتفاع التكلفة والضرائب مقابل تدني الدخل
هل تعلم انه اكثر من 23 الف شخص توفوا في 2025 وهم في قائمة انتظار العمليات وكذلك مشاكل انتظار الطورائ وعدم الحصول على طبيب اسرة خصوصا في كيبك

31/05/2026

نقاط وملاحظات خليهم في بالك عند التقديم على الجنسية الكندية 🇨🇦
1- نفرض انه عيلة مقدمين على جنسية الكندية، لو الاب مثلا خدي الجنسية قبل الام والصغار، بامكان الاب يسحب ملف الاطفال ويعطيهم الجنسية الكندية في حالة كانوا تحت سن 18 وملف الام خش مقبرة المخابرات csis والعكس صحيح

2- ما ننصحش العائلات يقدموا مع بعض والسبب بسيط جداً احيانا فرد من عيلة عنده مشكلة ما راح يعطل ملف العيلة بالكامل !! مرات الاب او الام عنده تشابه اسماء او غير اسمه في الجواز او خاش في قطاف السياسة او يعلق على بني قريضة ومرات احد الابناء عليه شك في فترة الاهلية وغيره لذلك كل واحد يقدم بروحه افضل

3- الاطفال تحت سن 18 سنة يقدموا مع ولي الامر اللي يشتغل ويدفع في الضرائب وعنده سجل وظيفي وضريبي لانه ملفه يكون اكثر فاعلية من الشخص اللي دخله ديما صفر خصوصا لو ربت بيت

4- لو الاب او الام اصبحوا مؤهلين لتقديم علي الجنسية والاطفال مزالوا بوضع PR، بامكانهم يقدموا مع ولي امرهم بدون انتظار فترة الاهلية للجنسية

5- رد بالك تعطل في التقديم بعد ما تصبح مؤهل للجنسية وقدم بعد تاريخ الاهلية باسبوعين لانه مرات يبدا عندك خطا في الحسبة وتسبب في رفض ملفك والحسبة عبر الرابط
eservices.cic.gc.ca/rescalc/startBasicCalc.do

6- بأمكانك تغادر كندا اول ما تستلم رسالة الاستلام AOR للابلكيشن ودير امتحان الجنسية وتقعد في ليبيا 🇱🇾 تراجي جنسيتك الا اللي وضعه لجوء طبعا لانه هذاكا بعد الجنسية يخشها، بأمكانك دير امتحان الجنسية خارج كندا ومرات يطلبوا عليك بصمات RCM بامكانك ديرهم خارج كندا 🇨🇦 ولكن السيرومني ضروري داخل كندا 🇨🇦

7- في نوعين من المقابلة اثناء معالجة الملف الجنسية
في مقابلة بعد امتحان اللغة وهي يدردشوا معاك باش يشوفوا مستوى لغةٍ الانجليزي او فرنسي متاعك
ومقابلة التانية اثناء معالجة الفحص ومرات يكون في علامات استفهام علي ملفك واغلب الاحيان تكون شكوك حول فترة تواجدك في كندا 🇨🇦 او دواعي امنية

8- متطلبات اللغة لشخص تحت 18 سنة وفوق 54 سنة معفيين من امتحان اللغة وامتحان الجنسية الكندية، لو عندك ايلتس او توفل طايح صلاحيته !! يتم قبوله، شهادة لغة مستوي 4 intermediate من داخل او خارج كندا يقبلوا فيها واسهل امتحان لغة في كندا هو CAEL

9- أهم الملاحظات اللي تساعدك في امتحان الجنسية الكندية
https://drive.google.com/file/d/1ICOQsY1-P1HozaQk0F3CHEsYy1rVJ5T8/view
افضل تطبيق يساعدك في امتحان الجنسية بالشرح والاسئلة
https://apps.apple.com/ca/app/canadian-citizenship-2022-test/id1530490881

10- شهادة البراءة الليبية في الجنسية او اي برنامج هجرة لغرض PR من داخل كندا 🍁 غير مطلوبة حتي ولو طلبت منك ذلك

26/05/2026

تكلفة الحج vip من شركة ديار الخير في ليبيا 🇱🇾 ب66800$ دولار امريكي ما يعادل اكثر من نص مليون دينار ليبي

26/05/2026

لو المنشور هذا طلعلك! هذه الدعوة من نصيبك في يوم عرفه
الموضوع اللي تراجي فيه ،، ان شاءالله تسمع خبر كويس عليه🤲🏻

نبارك لصديقنا فراس الحاسي علي افتتاح فرع جديد لشركة أوتو رام Auto Ram لإستيراد السيارات من كندا في طرابلس وكان من ضمن حض...
25/05/2026

نبارك لصديقنا فراس الحاسي علي افتتاح فرع جديد لشركة أوتو رام Auto Ram لإستيراد السيارات من كندا في طرابلس وكان من ضمن حضور الافتتاح بنته ماشاء الله عيلها ومدايرين مسابقة سحب علي سيارة 2018 وان شاءالله تكون من نصيبك والف مبروك

Address

Tripoli
L5BOA1

Website

Alerts

Be the first to know and let us send you an email when Libyan ليبي posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Libyan ليبي:

Shortcuts

Share

Category