Fitaleavam-Paritrin'ny Mponina Sy Ny Firaisankina-Sava

26/09/2026

Na dia andro tsy fiasana aza ny Asabotsy 26 Septambra 2026, dia tsy nanakana ny fitondrana mahefa sy ny fitondram-panjakana tsy hidina ifotony hanohana ireo mpiara-belona tra-boina noho ny hain-trano tao amin'ny Fokontany Antaimby, Distrikan’i Sambava.

Ny Talem-paritry ny Mponina sy ny Firaisankina SAVA (DRPS SAVA), Atoa LEONG Sam Dano Éric, niaraka tamin'ny ekipany, dia niara-nidina tamin’ireo tompon'andraikitra isan-tsokajiny izay nahitana ny
Solontena avy amin’ny Région SAVA,Ny Secrétaire Général de la Préfecture ary ny point focal de la BNGRC.
Notolorana tamin'fomba ôfisialy ny fanampiana avy tamin-dRamatoa Minisitra misahana ny Mponina sy ny Firaisankina, RAKOTONIAINA Voahanginirina Cathia, ireo tokantrano tra-boina. Nisy ihany koa ny fanampiana fanampiny natolotry ny Région SAVA ho an'ireo fianakaviana voakasika.

Ity hetsika ity dia miankohoka tanteraka amin'ny teny filamatra hoe: "Amin’ny fotoan-tsarotra, tsy misy irery. Ny firaisankina no hery, ny fanohanana no fanantenana." 🤝

Manamafy hatrany ny fahavononany ny Ministeran'ny Mponina sy ny Firaisankina amin'ny alalan'ny DRPS SAVA fa ho akaiky ny vahoaka mandrakariva, indrindra ireo marefo sy tra-boina.

24/09/2026

Nifarana tamin'ny fomba ofisialy androany Alakamisy 24 Septambra 2026 tao Antalaha ny fiofanana ireo Agents Enquêteurs ao anatin’ny Projet RSU. Dingana lehibe iray izity natao hanamafisana ny fahaiza-manao sy ny fahavononan’ireo mpisehatra mba hiantohana ny fahombiazan’ny asa fanangonana vaovao eny ifotony.

Tonga nanatrika sy nanomevoninahitra ity lanonana famaranana ity ireto olona manan-kaja ireto:
* Solontenan’ny Ministeran'ny Mponina sy ny Firaisankina
* Talem-paritry ny Mponina sy ny Firaisankina SAVA
* Adjoint au Chef de District d’Antalaha
* Adjoint au Maire
* Chef de l’INSTAT SAVA

🎯 Ny tanjona tamin'ity fiofanana ity dia ny hanamafisana ny fahaiza-manao ara-teknika, ny fahalalana ireo fomba fiasa, ary ny fahamatorana takiana amin’ny fanatanterahana ny fanadihadiana eny anivon’ny tokantrano mba hahazoana antontan-kevitra azo itokisana sy manara-penitra.

🤝 Nandritran'ny fandraisam-pitenenan'ny DRPS SAVA, Atoa LEONG SAM DANO ERIC dia nanamafy hatrany ny fahavononany amin’ny fampiroboroboana ny fiaraha-miasa eo amin’ireo rafitra samihafa, ho fanohanana ireo hetsika mikendry ny fanatsarana ny rafitra ara-tsosialy sy ny fanangonana antontan-kevitra ilaina amin’ny famolavolana politika sy fandaharan’asa mifanaraka amin’ny filàn’ny mponina.

« Dingana iray vita, fahavononana vaovao hanatanterahana amim-pahombiazana ny asa eny ifotony. »

18/09/2026

16/09/2026

05/09/2026

Mitohy hatrany ny ezaka sy ny fanentanana ifotony ataon'ny ekipan'ny fitaleovam-paritry ny Mponina sy ny Firaisankina SAVA (DRPS SAVA), tarihin'ny Talem-paritry ny Mponina sy ny Firaisankina , LEONG SAM DANO ERIC mihitsy.

Tamin'ity tolakandron'ny sabotsy 05 Septembre 2026 ity, dia nidina tany amin'ireo kaominina maromaro ao amin'ny Distrikan'Andapa ny ekipa.
Tanjona tamin'izao fidinana izao ny nanentana mivantana ny mponina sy nametaka afisy manazava ny momban'ny fiarovana amin'ny herisetra mianjady amin'ny zaza. Nanolotra toromarika mazava ihany koa izy ireo mikasika ny fisorohana sy ny fomba fandraisana fepetra mba hiarovana ny ankizy amin'ny endrika herisetra rehetra.

Andraikitry ny rehetra ny miaro ny zaza satria izy ireo no ho avin'ny ampitso.
Ny DRPS SAVA dia mijoro sy mametraka ny sakana rehetra mba hiantohana ny tontolo milamina sy azo antoka ho an'ny zaza tsirairay. 🤝👶