Општина Кривогаштани / Municipality of Krivogashtani

17/08/2026

14/08/2026

И З В Е С Т У В А Њ Е

Се известуваат корисниците на јавната чешма со кисела вода во населено место Крушеани дека, Согласно извештајот за здравствена исправност на водата за пиење за примерок земен од јавната чешма (кисела вода) во населено место Крушеани, Лаб.Број 1186/2026 од 06.08.2026 година издаден од ЈЗУ Центар за јавно здравје – Прилеп, Водата не е здравствено исправна заради наод на бактерии Escherichia coli, intestinal enterococci, pseudomonas aeruginosa, зголемен вкупен број на колиформни бактерии, како и зголемено присуство на манган и нитрити, понизок pH и не смее да се користи за пиење.

https://krivogastani.gov.mk/?p=9040

13/08/2026

Општина Кривогаштани ги известува жителите на Кривогаштани дека во понеделник, 17.08.2026 година, поради планирани активности на електроенергетската мрежа, ќе има прекин на електричната енергија во периодот од 08:30 до 11:00 часот.

Во останатите населени места во Општина Кривогаштани ќе има електрична енергија.

Ве замолуваме за разбирање и трпение.

https://krivogastani.gov.mk/?p=9036

10/08/2026

⚽ ТУРНИР ВО МАЛ ФУДБАЛ – КРИВОГАШТАНИ 2026 ⚽

Од 14 до 28 август 2026 година, на повеќенаменското игралиште во Кривогаштани ќе се одржи традиционалниот турнир во мал фудбал, кој и оваа година ќе ги собере најдобрите екипи.

🏆 Награден фонд:

🥇 1. место – 2.000 евра
🥈 2. место – 1.200 евра
🥉 3. место – 800 евра

💰 Котизација за учество: 6.000 денари по екипа.

📅 Пријавување на екипи: до 12.08.2026 година

📞 Контакт за пријавување: 071/347-235

🎲 Извлекување на паровите: 13.08.2026 година.

Ги повикуваме сите љубители на фудбалот да формираат свои екипи и да бидат дел од овој спортски спектакл.

Ве очекуваме на две недели исполнети со спорт, фер-плеј и одлична атмосфера! ⚽🏆

08/08/2026

ОПШТИНА КРИВОГАШТАНИ ОДДАДЕ ПОЧИТ НА ЗАГИНАТИТЕ БРАНИТЕЛИ КАЈ КАРПАЛАК

По повод одбележувањето на 25-годишнината од трагичниот настан кај Карпалак, делегација на Општина Кривогаштани, предводена од градоначалникот Игор Каравилоски, претседателот на Советот на Општина Кривогаштани Андреј Ацески и претставници на општинската администрација, денес положи свежо цвеќе и оддаде почит пред споменикот во Пашино Рувци и пред спомен-обележјето во Прилеп.

На 8 август 2001 година, во нападот врз армискиот конвој на автопатот Скопје – Тетово, кај месноста „Карпалак“, животот го загубија десет припадници на резервниот состав на Армијата.

Меѓу загинатите беше и нашиот сограѓанин Љубе Грујоски од Пашино Рувци, кој заедно со своите соборци го положи својот живот во служба на татковината.

И по 25 години, сеќавањето на загинатите кај Карпалак останува нераскинлив дел од нашата колективна меморија. Наша должност е со почит да го чуваме споменот за нив и да го пренесуваме на идните генерации.

Нека им е вечна слава на загинатите бранители! 🇲🇰

07/08/2026

Општина Кривогаштани Ве поканува на незаборавна театарска вечер со претставата „Девојките на Марко“, во изведба на Театар „Војдан Чернодрински“ – Прилеп Народен Театар Војдан Чернодрински која за прв пат ќе се одигрува на отворено небо 🌙

📅 26.08.2026 (среда)
🕗 Почеток: 20:00 часот
📍 Кривогаштани – во дворот на реновираното училиште

Да уживаме заедно во магијата на театарот под ѕвезденото небо. Ве очекуваме!

Влезот е слободен.
https://krivogastani.gov.mk/?p=9009

05/08/2026

ИЗВЕСТУВАЊЕ за спроведување на превентивна систематска дезинсекција на територијата нa Општина Кривогаштани.

Врз основа на одлуката на ЕЛС- Кривогаштани за спроведување на превентивна систематска дезинсекција, се информира населението дека на ден 06.08.2026 год. во периодот од 22 до 04 часот на територијата нa Општина Кривогаштани екипа од Центарот за јавно здравје- Прилеп ќе спроведува адултицидна теристична (од земја) дезинсекција со цел уништување на комарци.

Дезинсекцијата ќе се изведува со УЛВ-апаратура за ладно замаглување поставена на пикап возило со претходница на друго возило означено со ротационо светло. Со дезинсекцијата ќе бидат опфатени следните населени места и локации:

Н.м-Врбјани, Н.м-Годивље, Н.м-Крушеани, Н.м-Обршани, Н.м-Бела Црква, Н.м-Пашино Рувци, Н.м-Боротино, Н.м-Славеј, Н.м-Кривогаштани, Н-м Подвис, Н-м Воѓани, Н-м Кореница, Депонија, Блато река, Пречистителна станица, Пилана, Резервоар, попатни канали и шамаци и места со стоечки води.

Со цел избегнување на евентуални несакани последици се информираат пчеларите да превземат превентивни мерки за заштита на пчелните семејства. Во случај на појава на неповолни временски услови (ветар, дожд) дезинсекцијата се одложува за следниот поволен ден.

Доколку граѓаните не се придржуваат на горенаведените превентивни мерки ЦЈЗ-Прилеп се оградува од секаква одговорност од појава на несакани последици.

https://krivogastani.gov.mk/