Biblioteka "Mendimi"

13/11/2024

11/07/2024

K u j d e s !
Pjesa mes mjekrës dhe veshëve, është pjesa e bardhë në të cilën nuk dalin qimet e mjekrës. Pastrimi i kësaj pjese është Farz, sipas mendimit të imam Ebu Hanifes dhe imam Muhamedit sepse edhe kjo pjesë konsiderohet pjesë e fytyrës. Shejh Alaudin Semerkandi thotë: “Zbrazëtira (hendeku) që gjendet mes mjekrës, vendit ku dalin qimet dhe vesh*t është farz që të lahet sipas mendimit të imam Ebu Hanifes dhe imam Muhamedit, për dallim nga mendimi i imam Ebu Jusufit”. Ky është mendimi më i saktë i medhhebit hanefij i cili transmetohet edhe në “dhahiru rivaje”, dhe këtë e përmendin edhe imam Tahaviju, imam Serahsiju dhe shumë dijetarë tjerë.
J. Zimeri

21/05/2024

" Nëse e sheh një të varfër në shtetin (vendbanimin) e muslimanëve, atëherë, dije se aty ka hajdut të pasur që ua kanë vjedhë pasurinë atyre"

Shejh Sha'ravi Allahu e Mëshiroftë.

14/03/2024

Një Mesele rreth Agjërimit!

Kush vdes dhe i kanë ngelë kaza ditë pa agjëruara nga Ramazani, nëse ka lënë testament për to, atëherë kujdestari i tij, në mënyrë obligative, në emër të tij do të shpërndajë ushqim. Ushqimi i shpërndarë do të jetë nga një e treta e pasurisë së tij, për ndryshe aq sa mund të shpërndahet me një të tretën. Sasia e ushqimit që do të shpërndahet prej një të tretës së pasurisë së tij është për çdo ditë një të varfëri t’i jepet gjysmë Sa’i me grurë, ose një Sa’ me hurma ose një sa’ me elb. Kjo fidje jepet, sepse ai në fund të jetës së tij nuk pati mundësi të agjërojë ditët e ngelura pa agjëruar dhe trajtohet si një plak i moshuar. Sipas nesh testamenti është i detyruar, sepse nëse ka vdekur dhe nuk ka lënë testament për ndarjen e ushqimit, trashëgimtarët e tij nuk detyrohen me një gjë të tillë, e nëse ata e bëjnë në mënyrë vullnetare pa testament, lejohet. Mbi këtë parim vlerësohet edhe zekati. “Hidaje”.

El-lubab fi sherhil kitab - Abdulganij El Midani
Nga arab. J. Zimeri.

14/03/2024

Një Mesele rreth Agjërimit !

Kush hanë syfyr duke menduar se ende është natë dhe ka kohë për syfyr ngase akoma nuk ka lindur agimi, ose ka prishë agjërimin duke menduar se ka perënduar dielli, por, më pas konstatohet dhe sqarohet se kishte lindur agimi në rastin e parë dhe se dielli ende nuk kishte perënduar në rastin e dytë, ai duhet të përmbahet pjesën tjetër të ditës nga ushqimet dhe duhet ta kompensojë këtë ditë me kaza, por, jo edhe me kefaret, për shkak të mangësisë së krimit që ka bërë ndaj agjërimit duke mos pasur qëllimin e prishjes së agjërimit.

El-lubab fi sherhil kitab, - Abdulganij El Midani
Nga arab. J. Zimeri

14/03/2024

Një Mesele rreth agjërimit !

Nëse mysafiri vjen në vendbanimin e tij, ose shërohet i sëmuri, ose shërohet i çmenduri, apo pastrohet gruaja nga menstruacionet ose lehonia, në një pjesë të ditës së agjërimit, të gjithë këta abstenimin e pjesës tjetër të ditës e kanë detyrim (vaxhib) “Xhevheretu” dhe ky është mendimi i saktë pra të largohet nga ngrënia pirja dhe gjërat tjera që e prishin agjërimin gjatë pjesës tjetër të ditës, për hir të kohës, ashtu si e përmendëm.

El-lubab fi sherhil kitab - Abdulganij El Midani.
nga arab. J. Zimeri

13/03/2024

Harresa si dukuri, a e prishë agjërimin?

Harresa është një dukuri me të cilën ballafaqohet njeriu pa dashjen e tij, andaj të ngrënit dhe të pirit që bëhen gjatë agjërimit me harresë, nuk e prishin agjërimin. Këtë e vërteton hadithi i transmetuar nga Ebu Hurejreja r.a. ku Pejgamberi a.s. ka thënë: “Nëse ndonjëri nga ju ka harruar duke qenë agjërueshëm dhe hëngri apo piu le ta plotësojë (vazhdojë) agjërimin e tij, sepse vërtet atë e ka ushqyer All-llahu xh.sh “.

J.Z.

12/03/2024

Nëse i sëmuri ose mysafiri vdesin derisa të jenë gjendjen e tyre, pra duke qenë i sëmurë apo në udhëtim, nuk obligohen me kaza, sepse nuk kanë arritur që të përjetojnë ditë tjera për të agjëruar. Nëse shërohet i sëmuri, ose mysafiri merr statusin e mukimit, e pastaj vdesin, janë të obliguar me kaza për aq kohë sa kanë arritur të përjetojnë pas shërimit apo kthimit në mukim (rezident), kurse dobia e tyre është që të lënë testament për shpërndarje të ushqimit.

El-lubab fi sherhil kitab- bdulganij El Midani

12/03/2024

Agjërimi i mysafirit.

Nëse dikush është në udhëtim (mysafir) dhe ai nuk dëmtohet nga agjërimi i tij, atëherë më mirë është të agjërojë, sepse All-llahu xh.sh. thotë: “Nëse agjëroni, është më mirë për ju” el-Bekare, 184, mirëpo, lejohet që të mos agjërojë dhe këto t’i kompensojë me kaza.

El-lubab fi shrhil kitab -Abdulganin el Midani.
nga arab. J. Zimeri

12/03/2024

Zgjimi dhe ngrënia e syfyrit është Sunet për agjëruesin. Kjo vërtetohet me transmetimin nga Amr ibn Asi, nga Pejgamberi [Alejhis-selam] se ai ka thënë:
إِن فصل مَا بَين صيامنا وَصِيَام أهل الْكتاب أَكلَة السحر
“Dallimi mes agjërimit tonë, dhe agjërimit të ithtarëve të librit, është ngrënia e syfyrit”.

12/03/2024

Pastërtia nga Menstruacionet !

Pastërtia nga Hajzi dhe Nifasi është kusht i zbatimit të agjërimit, e nuk është kusht i obligueshmërisë. Agjërimi i Ramazanit është obligim edhe për gruan që është në Hajz apo Nifas, sepse ajo obligohet me kompensim kaza jashtë muajit të ramazanit, porse zbatimi i agjërimit duke qenë në menstruacione është i pavlefshëm, sepse pastrimi nga Hajzi dhe Nifasi është kusht i vlefshmërisë së agjërimit, ashtu siç është pastërtia nga të gjitha papastërtitë është kusht i vlefshmërisë së namazit. Këtë e kemi mësuar nga konsensusi i sahanëve.

(Tuhfetu-l- fukaha -Kyevepra e fukahave ) nga
Alaudin Samerkandi
Nga arb. Jusuf Zimeri