СОУ „Ристе Ристески-Ричко“, Прилеп

23/08/2026

Сообраќајната единица при СОУ „Ристе Ристески - Ричко“ е неуморна дури и во лето 🏍

Нашите ученици зедоа активно учество на овогодишниот „Мото Куп Прилеп“ — спектакуларен саботен настан кој на едно место собра над 1.000 моторџии од цела Македонија, спојувајќи ги мото-атракциите, рок музиката и убавата дружба.
Главната задача на нашата единица беше промоција на сообраќајната култура и безбедноста на патиштата преку делење на едукативни флаери. Оваа иницијатива ја реализиравме во одлична соработка со станицата за технички преглед „Автоконтрол“, која како општествено одговорна компанија беше организатор на настанот и ги обезбеди сите материјали.
Горди сме што нашите ученици продолжуваат да бидат позитивен пример, да ја подигаат свеста за одговорно учество во сообраќајот и достојно да го претставуваат училиштето.

19/08/2026

Сè уште имаш време да го направиш вистинскиот избор- запиши се во СОУ „Ристе Ристески-Ричко“!

18/08/2026

Распоред за полагање на вонредни кандидати и полагање поправни испити во августовска испитна сесија 2026г.

06/08/2026

Почитувани матуранти,
(редовни и вонрендни)
екстерните испити од државната матура во августовска сесија од нашето училиште ќе се одржат на 12ти и/или 14ти август.
Вашето присуство на економскиот факултет треба да биде најдоцна до 8 часот

20/07/2026

Со огромна гордост и радост, денес свечено ги доделивме дипломите на уште една прекрасна генерација матуранти во СОУ „Ристе Ристески - Ричко“!
​Зад нас остануваат години исполнети со труд, учење, дружење и безброј спомени, а пред нас стојат млади, амбициозни луѓе подготвени да го освојат светот. Ви благодариме што бевте дел од нашето училишно семејство.
​Драги матуранти, чекорете храбро кон вашите соништа, верувајте во себе и никогаш не престанувајте да учите и да се усовршувате🍀

10/07/2026

08/07/2026

СООПШТЕНИЕ📣
Почитувани ученици (редовни и вонредни),
Ве известуваме дека во периодот од 9 јули до 14 јули 2026 година, во просториите на училиштето ќе се врши пријавување за августовскиот испитен рок.
Пријавувањето ќе се одвива секој работен ден во терминот од 08:00 до 11:00 часот за следните категории:
- Државна матура;
- Државна стручна матура;
- Завршен испит (за тригодишно образование).
Во истиот период, учениците кои сакаат да извршат префрлување од еден во друг вид матура, потребно е да уплатат 300 денари на жиро-сметката на училиштето.

08/07/2026

https://www.instagram.com/p/Dahi2xHgDXg/?img_index=3&igsh=MzVmZGx2eGRyNWli

03/07/2026

26/06/2026

Честитки за огромниот успех на учениците од СОУ „Ристе Ристески - Ричко“!

Со вашите постигнати резултати на државните натпревари, уште еднаш докажавте дека сте вистински амбасадори на нашиот град и чувари на знаењето. Вашиот труд и посветеност се инспирација за целата заедница и доказ дека иднината ја градат способни и мотивирани млади луѓе.

Упатуваме голема благодарност до Општина Прилеп за континуираната поддршка, препознавањето и наградувањето на младите таленти. Инвестицијата во образованието е инвестиција во иднината, а поддршката од локалната самоуправа е клучна за секој нов успех.

Секој вложен труд носи плод. Продолжете гордо да чекорите по патот на знаењето и мудроста.