24/08/2026
🍀 Во Центарот за дневен престој на стари лица со активно стареење се реализираат различни активности кои придонесуваат за исполнето, активно и квалитетно секојдневие на корисниците. Преку дружење, разговори, креативни и забавни активности, физички вежби, когнитивни активности и тематски работилници, се создава пријатна средина исполнета со позитивна енергија и можности за активно учество.
👉 Во рамките на секојдневните активности се реализираат: цртање и сликање, квизови, логички задачи, вежби за меморија и внимание, сложувалки, крстозбори и други активности за когнитивна стимулација. Преку нив се поттикнуваат мисловните способности, концентрацијата, помнењето и креативноста, а истовремено корисниците имаат можност да се забавуваат и да поминуваат квалитетно време заедно. Се организираат и тематски работилници и разговори на различни интересни теми, дискусии, како и активности за развивање на практични и креативни вештини.
💚 Внимание се посветува на физичката активност и одржувањето на подвижноста преку вежби за баланс, рамнотежа и физичка кондиција, со поддршка од физиотерапевт и Saroj Corr, волонтерка ангажирана преку Мировниот корпус (Peace Corps), која како специјалист за вежби за лица од третата доба придонесува за подобра физичка активност и благосостојба на корисниците. Во исто време, психологот реализира интерактивни и едукативни работилници насочени кон менталната и емоционалната благосостојба, самодовербата, позитивното размислување и социјализацијата. Медицинската сестра ги следи виталните функции на корисниците.
🎵Музиката, играта и заедничкото дружење се неизоставен дел од секојдневието, создавајќи атмосфера исполнета со разговор, смеа и убаво расположение. На тој начин, Центарот претставува место каде што стареењето се доживува активно и достоинствено – со движење, поддршка, дружење, креативност и создавање нови убави моменти. 🌿
