19/08/2026
♟️ ЗАВРШИ ЛЕТНАТА ШАХОВСКА ШКОЛА! ♟️
Во ОНБ „Браќа Миладиновци“ – Радовиш се одржа финалниот шаховски натпревар, со кој официјално заврши летната шаховска школа.
Нашите млади шахисти со голема концентрација, посветеност и спортски дух ги одиграа завршните партии, покажувајќи го знаењето и вештините што ги стекнаа во текот на школата.
🏆 Победник на финалниот натпревар е Никита Илиев!
Честитки за Никита за одличниот резултат, но и за сите учесници кои со својот труд, интерес и ентузијазам ја збогатија оваа прекрасна шаховска приказна.
На сите учесници им беа доделени дипломи за учество, а на победникот му беше доделена и посебна награда – шаховски комплет. 🏆♟️
Упатуваме благодарност до едукаторот Влатко Крстев за неговата посветеност, знаење и вложениот труд во работата со младите шахисти, како и до колективот на ОНБ „Браќа Миладиновци“ – Радовиш, кој со својот ангажман и посветеност придонесе оваа шаховска школа да биде успешно реализирана.
Благодарност и до сите учесници и нивните родители за довербата и поддршката.
♟️ Со нови знаења, убави спомени и љубов кон шахот до следната шаховска средба!
📢 Известување
Учесниците кои не беа присутни на завршниот натпревар, своите дипломи за учество можат да ги подигнат во просториите на ОНБ „Браќа Миладиновци“ – Радовиш.
📅 Од понеделник до петок
🕖 Од 7:00 до 19:00 часот
