Europass North Macedonia / Европас Северна Македонија

  • Home
  • Macedonia
  • Skopje
  • Europass North Macedonia / Европас Северна Македонија

Europass North Macedonia / Европас Северна Македонија Подготвени да научите нешто ново?

Europass може да ви помогне да го направите следниот чекор во вашата кариера:

-лесно пребарување курсеви
-предлози прилагодени на курсот
-подгответе кратка биографија, мотивациско писмо и апликации
-статии за студирање, обука и волонтирање

Креирајте го вашиот Europass денес и испланирајте го учењето .

30/06/2026

Во рамките на еднодневна едукативна работилница, учениците од деветто одделение од ООУ „Кузман Шапкарев“-н.Драчево, Кисела Вода успешно учествуваа во активност посветена на запознавање и користење на платформата Europass.
Работилницата започна со презентација на платформата, при што наставничката м-р Дијана Игњевска-Стојаноска ги запозна учениците со нејзината намена, можностите што ги нуди и нејзината важност за нивниот понатамошен образовен и професионален развој. Учениците со голем интерес ја проследија презентацијата и активно се вклучија во дискусијата и практичната работа.
Со стручна поддршка и насоки, учениците успешно креираа лични профили на платформата Europass. Со особена гордост можеме да истакнеме дека беа успешно изработени 37 профили, што претставува значаен резултат и доказ за ангажираноста, одговорноста и дигиталните вештини на учениците.
Оваа работилница претставува важен чекор во подготовката на учениците за нивното понатамошно образование и идна кариера. Стекнатите знаења и практични вештини ќе им овозможат полесно да ги претстават своите компетенции, достигнувања и квалификации во европски рамки.

На 04.06.2026 година се одржа Работилница за Европас во училница во ООУ Св. Климент Охридски - с. Драчево. На оваа работ...
29/06/2026

На 04.06.2026 година се одржа Работилница за Европас во училница во ООУ Св. Климент Охридски - с. Драчево. На оваа работилница учествуваа 22 ученици.

Во воведниот дел учениците беа запознаени со Европас платформата, нејзината намена и значењето што го има за нивниот понатамошен образовен и професионален развој.
Преку практична презентација им беше претставен мојот Европас профил, при што беа објаснети сите негови сегменти и можностите шти платформата ги нуди.
На учениците им беше демонстрирана постапка за креирање на биографија преку Европас, со објаснување на секој чекор во процесот.
Во главниот дел на учениците им беше демонстрирано чекор по чекор како се креира личен профил на Европас по што учениците самостојно пристапија кон креирање на свој профил.

Учениците покажаа голем интерес и активно учествуваа во сите активности.

РЕАЛИЗИРАНА РАБОТИЛНИЦА„Европас во училница“ На 08.06.2026 година беше успешно реализирана работилница за Европас во уч...
29/06/2026

РЕАЛИЗИРАНА РАБОТИЛНИЦА
„Европас во училница“
На 08.06.2026 година беше успешно реализирана работилница за Европас во училница во ООУ Петар Поп Арсов- Скопје под менторство на наставничката Олгица Бајалџиева.
Целта на работилницата беше учениците да се запознаат со Европас платформата и нејзината улога во преставувањето на личните знаења, вештини, компетенции и квалификации.
Преку интерактивен пристап и практични активности учениците добија основни информации за можностите што ги нуди Европас за планирање на образовниот и професионалниот развој.
Во текот на работилницата беа презентирани основните карактеристики на Европас профилот, начинот на креирање на Европас кратка биографија (CV), како и начинот на правилно евидентирање на стекнатите компетенции и достигнувања.
Работилницата придонесе за подигнување на свеста кај учениците за важноста на личниот развој, доживотното учење и можностите што ги нуди европскиот образовен простор.

РЕАЛИЗИРАНА РАБОТИЛНИЦА „ЕВРОПАС ВО УЧИЛНИЦА“ во ООУ „Ѓорѓи Сугарев“ БитолаНаставник: м-р Оливера Шиклеска-ГроздановаНа ...
29/06/2026

РЕАЛИЗИРАНА РАБОТИЛНИЦА „ЕВРОПАС ВО УЧИЛНИЦА“ во ООУ „Ѓорѓи Сугарев“ Битола

Наставник: м-р Оливера Шиклеска-Грозданова

На ден 03.06.2026 г., во просториите на училиштето ООУ „Ѓорѓи Сугарев“ Битола беше успешно реализирана еднодневна работилница под наслов „ЕВРОПАС во училница“, наменета за ученици од 8-мо и 9-то одделение. Основната цел на оваа активност беше воведување на учениците во европските стандарди за управување со учењето и кариерата преку алатките понудени од Европас мрежата. Имајќи предвид дека Европас е сет на онлајн алатки и информации креирани од Европската комисија за да им помогнат на граѓаните да ги споделуваат своите вештини и квалификации јасно низ цела Европа, лично сметам дека е од клучно значење учениците да започнат со овој процес уште во основното образование. Бидејќи услугата е достапна на 29 јазици, вклучувајќи го и македонскиот, и е целосно бесплатна, таа претставува идеална почетна точка за нивниот кариерен развој.

РАБОТЕН ПЛАН НА РАБОТИЛНИЦАТА

Работилницата беше внимателно планирана за да се постигне максимален ефект преку комбинација на теоретски и практичен дел. Планот се состоеше од следниве фази:

Мотивациски вовед (10 минути)

Работилницата започна со дискусија за значењето на правилното претставување на личните вештини при аплицирање за понатамошно образование или воннаставни активности. Учениците беа запознаени со фактот дека Европас е најсигурната европска алатка за управување со нивниот развој. Беше нагласено дека Европас е наменет за сите

граѓани, без разлика на нивната возраст или професија, што значи дека е соодветен и за нив како ученици во основно училиште.

Запознавање со Европас Профилот (10 минути)

Во овој дел, учениците се запознаа со структурата на Европас профилот како централна алатка за документирање на нивниот личен напредок. Беше објаснето дека овој профил им помага да размислат за нивните тековни вештини и искуства, без разлика дали се стекнати во или надвор од училиштето. Учениците научија дека преку овој профил ќе можат да го покажат својот „вкупен потенцијал“ и да добиваат прилагодени предлози за учење низ цела Европа.

Практично креирање на профил (35-40 минути)

Најголемиот дел од работилницата беше посветен на практична работа на официјалната веб-страница на Европас. Секој ученик започна со креирање на свој личен онлајн профил, при што фокусот беше ставен на следниве сегменти:

· Внесување на лични податоци за контакт.

· Документирање на тековното образование.

· Идентификација на вештини и воннаставни активности: Овој дел беше клучен за поттикнување на саморефлексија кај учениците. Тие беа насочени да ги трансформираат своите хобија, спортски успеси и волонтерски искуства во професионално претставени вештини.

ЦЕЛИ И ПОСТИГНАТИ РЕЗУЛТАТИ

Главната цел на оваа работилница беше да ги поддржи учениците во правењето на следниот чекор во нивната едукација со помош на Европас. Преку активно учество, учениците почнаа критички да размислуваат за своите искуства, а преку користење на онлајн алатките, учениците се оспособија самостојно да управуваат со својот дигитален профил за вештини.

ЗАКЛУЧОК И ПРЕПОРАКИ

Реализацијата на работилницата покажа дека учениците од 8-мо и 9-то одделение имаат голем интерес за дигитално претставување на своите искуства и вештини. Лично сметам дека раното воведување во користењето на Европас мобилност и разбирањето на додатоците на сертификатите ќе биде одлична надградба за овие ученици во нивната понатамошна едукација.

Работилницата успешно ги насочи учениците да пронајдат идни можности кои соодветствуваат на нивните вештини и искуства низ цела Европа.

Тема: “Европас во училница”Датум на реализација: 02.06.2026Локација: ООУ “Ацо Шопов”-Бутел, СкопјеВо рамки на соработка ...
29/06/2026

Тема: “Европас во училница”
Датум на реализација: 02.06.2026
Локација: ООУ “Ацо Шопов”-Бутел, Скопје
Во рамки на соработка со Националната агенција за европски образовни програми и мобилност, на 02.06.2026 беше спроведена работилница “Европас во училница”. Целта на активноста беше учениците да се запознаат со можностите што ги нуди платформата Europass како европска алатка за евидентирање на знаења, вештини и квалификации, како и за креирање професионална биографија (CV).
Активноста беше со теоретски и практичен дел. Теоретскиот дел беше преку презентација каде на учениците им беше објаснета платформата Europass и придобивките од користење на истата. Темите што ги опфати презентацијата беа што е Европас, како се креира профил и кои можности ги нуди платформата.
Практичниот дел беше преку работилница во која учениците со насоки и помош на наставникот, пристапија до платформата и креираа свои профили на Европас. Учениците успешно внесуваа податоци на својот профил, како што се лични податоци, образование и постигнувања.
Работилницата успешно ја завршија 23 ученици од осмо и деветто одделение. Учениците имаат активен Европас профил кој во иднина може да го менуваат и надоградуваат.
Работилницата помина без технички пречки и придонесе за развој на дигитални компетенции на ученицитеи за подобро разбирање на значењето на професионалното претставување и планирањето на идната образовна и професионална кариера. Активноста беше успешно реализирана и претставува значаен чекор во подготовката на учениците за понатамошното образование и идниот пазар на труд.

Одржана работилница за „Европас во училница“Датум на реализација: 2 јуни 2026Училиште: ООУ „Гоце Делчев“ – ВасилевоБрој ...
29/06/2026

Одржана работилница за „Европас во училница“

Датум на реализација: 2 јуни 2026

Училиште: ООУ „Гоце Делчев“ – Василево

Број на ученици: 20

Наставник: Томе Китановски

На ден 2 јуни 2026 година, во ООУ „Гоце Делчев“ – Василево беше одржана работилница на тема „Европас во училница“, на која учествуваа ученици од осмо и деветто одделение. Работилницата се реализираше онлајн преку платформата Zoom, поради целосната реконструкција на училиштето, при што една група од учениците учествуваа онлајн, а друга група беа физички присутни.

Во текот на работилницата, на учениците најпрво им беше објаснето што претставува Европас, за што се користи и на кој начин може да им помогне во нивното понатамошно образование, професионален развој и кариерно насочување. Тие се запознаа со можностите што ги нуди платформата за систематско евидентирање на знаењата, вештините, квалификациите и постигнувањата.

Потоа, наставникот Томе Китановски го претстави својот Европас профил и CV како практичен пример за изработка на професионална биографија. Учениците имаа можност да ги разгледаат материјалите преку своите паметни телефони и да ги користат како насока при креирањето на сопствен Европас профил и биографија.

Во практичниот дел од работилницата, учениците се регистрираа на платформата Европас, ја потврдија својата електронска пошта и успешно се најавија на своите кориснички профили. Со соодветна поддршка и насоки, тие започнаа со внесување на основни лични податоци, образование, јазични и дигитални вештини. Дополнително, им беше демонстрирано како се изработува, уредува и ажурира биографија, како и можностите за нејзино преземање во различни формати. Активностите на учениците се документирани и можат да се видат на фотографиите, каде што е прикажан процесот на пополнување на профилите.

Учениците се запознаа и со останатите можности што ги нуди платформата, која е достапна на повеќе европски јазици и вклучува дополнителни алатки за планирање на образованието и кариерниот развој. На тој начин, тие стекнаа практични знаења и вештини кои ќе придонесат за нивниот понатамошен образовен и професионален развој.

Работилницата беше реализирана со поддршка од Националната агенција за европски образовни програми и мобилност, со цел промовирање на европските вредности, унапредување на дигиталната писменост и зајакнување на кариерното насочување кај младите.

Одржана работилница за „Европас во училница“ Датум на реализација: 4 јуни 2026Училиште: ООУ „Гоце Делчев“ – БосиловоБрој...
29/06/2026

Одржана работилница за „Европас во училница“

Датум на реализација: 4 јуни 2026

Училиште: ООУ „Гоце Делчев“ – Босилово

Број на ученици: 18

Наставник: Павлинка Милчева

На ден 4 јуни 2026 година, во ООУ „Гоце Делчев“ – Босилово, успешно беше спроведена едукативна работилница „Европас во училница“. Едукативната работилница се реализираше во рамките на еден наставен час со учениците од осмо и деветто одделение, под раководство и менторство на наставничката Павлинка Милчева. Беа опфатени два класа, бидејќи паралелките се со помал број на ученици од 7 до 12 ученици затоа беа вклучени вкупно 18 ученици. Работилницата беше реализирана со поддршка од Националната агенција за европски образовни програми и мобилност.

Целите на часот беа учениците да се запознат со платформата Europass, да развијат вештини за дигитално претставување и помагање за дигитално описменување, кариернио советување и нивно оспособување за самостојно користење на европските образовни алатки.

За време на часот, активностите беа поделена во неколку фази:

Воведен дел каде учениците преку кратка презентација беа запознаени за значењето на Europass, како европска рамка за дигитални вештини, со мисијата на Европас мрежата и значењето на кариерното планирање од рана возраст. Преку презентацијата исто така беше прикажано како се изработува, уредува и ажурира биографија, како и можностите за нејзино преземање во различни формати. Како наставник го претставив својот Европас профил и CV како практичен пример за изработка на професионална биографија.

Практичен дел преку користење на училишните компјутери, и своите паметни телефони секој ученик успешно креираше свој личен Europass профил и биографија. Учениците практично ги совладаа чекорите за структурирано внесување на личните податоци, формалното образование, јазичните вештини и дигиталните компетенции со цел креирање на свое Europass CV. Учениците успешно се регистрираа на платформата и ги пополнија своите профили покажувајќи висок степен на мотивираност, дигитална писменост и интерес за самостојно истражување.

Преку нивното активно учеството од оваа еднодневна едукативна работилница учениците се стекнаа со вештини за користење на официјална меѓународно признаена европска платформа и безбедно управување со своите лични податоци. Со креирање на Europass профилот учениците се здобија со дигитална писменост според европските стандарди и критериуми.

Во рамки на активноста Европас во училница во ООУ Наум Наумовски Борче- Гази Баба од страна на наставничката Маја Станко...
29/06/2026

Во рамки на активноста Европас во училница во ООУ Наум Наумовски Борче- Гази Баба од страна на наставничката Маја Станковска беа реализирани две работилнци и тоа:
- првата работилница беше реализирана на 03.06.2026 година на која учествуваа 16 ученици од IX одделение
- втората работилница беше реализирана на 04.06.2026 година на која учествуваа 14 ученици од VIII одделение.

Целта на работилниците беше учениците да се запознаат со Европас платформата нејзината намена и можностите што ги нуди.
Наставникот чекор по чекор го демонстрираше пристапот на платформата преку веб страницата www.europass.eu, изборот на јазик, регистрацијата/најавата и основните делови од профилот. Учениците беа запознаени со деловите Мој Европас, Мој Профил, Мои Вештини, Мои Интереси, Мои Апликации, како и со можноста за креирање и извоз на биографија.
Во практичниот дел учениците индивидуално работеа и со поддршка од наставникот креираа свој Европас профил, внесуваа основни информации, вештини и интереси, се запознаа со структурата и креираа Европас CV.
Активностите придонесоа за зајкнување на дигитални и кариерни компетенции на учениците, како и за поголема свесност за важноста на правилното дигитално претставување.

Во периодот од 22 и 23 јуни се одржа Студиска посета за Европас и Еврогајденс во Фондација Темпус, Србија.На оваа посета...
23/06/2026

Во периодот од 22 и 23 јуни се одржа Студиска посета за Европас и Еврогајденс во Фондација Темпус, Србија.
На оваа посета присуствуваа претставници од Европас и Еврогајденс центрите од земјите од регионот.
На студиската посета се разговараше за новитетите на сите земји во делот на кариерно советување и кариерни советници како и за Европас платформата.
Исто така секоја земја сподели добра практика за кариерно советување и во овој дел нашиот Еврогајденс центар ги испрезентира обуките кои ги завршија нашите кариерни советници досега како и идните чекори кои треба да ги превземеме во полето на кариерно советување.
На крајот на студиската посета се договоривме за заеднички идни активности кои треба да ги предвидиме сите Европас и Еврогајденс центри во регионот во следниот период.

Address

Булевар Кузман Јосифовски Питу
Skopje
17

Opening Hours

Monday 08:30 - 16:30
Tuesday 08:30 - 16:30
Wednesday 08:30 - 16:30
Thursday 08:30 - 16:30
Friday 08:30 - 16:30

Website

Alerts

Be the first to know and let us send you an email when Europass North Macedonia / Европас Северна Македонија posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Europass North Macedonia / Европас Северна Македонија:

Shortcuts

Share

Category