Blerim Bexheti

17/07/2026

Kur nuk ke guxim ta dënosh influencën dhe dhunën e "Botës Serbe", përfundon duke e mbrojtur atë!

Afrim Gashi nuk zgjodhi të mbrojë dinjitetin e Kuvendit. Zgjodhi të mbrojë “kapadaillëkun” e Ivan Stoilkoviqit, duke u fshehur pas arsyetimit absurd të "mbrojtjes së të dhënave personale" për të mos publikuar pamjet e incidentit.

Është paradoksale që mbrohen "të dhënat personale" të një politikani, ndërsa fshihet një akt që ka ndodhur në një institucion publik, gjatë ushtrimit të funksionit publik.
Afrim Gashi duhet t'i përgjigjet një pyetjeje të thjeshtë: kë po mbron?
Po mbron një deputet të zakonshëm, apo po mbron ambasadorin më të zëshëm të projektit "Bota Serbe" në Maqedoninë e Veriut?
Sepse sa herë relativizohet sjellja e Ivan Stoilkoviqit, i jepet mesazhi se ai është mbi ligjin, mbi institucionet.

Nëse sot mbulon sjelljen e atij që konsiderohet simbol i politikave që kanë cenuar të drejtat e shqiptarëve, atëherë nuk mund të pretendosh se je në mbrojtje të interesit të tyre. Heshtja dhe fshehja, në këtë rast, nuk janë neutralitet. Janë zgjedhje politike.
Sepse nuk është vetëm pyetja pse nuk u publikuan pamjet.

Pyetja më e madhe është: pse u zgjodh të mbrohej ai, e jo dinjiteti i Kuvendit dhe e drejta e qytetarëve për të ditur të vërtetën?

16/07/2026

Sot, opozita shqiptare dëshmoi se mbetet zëri i qytetarëve dhe mbrojtëse e të drejtave të shqiptarëve, sepse forma e propozuar e Ligjit për Përfaqësim të Drejtë dhe Adekuat nga koalicioni VLEN VMRO nuk garanton përfaqësim real dhe rrezikon të dëmtojë një të drejtë të fituar me Marrëveshjen e Ohrit.

Të drejtat e shqiptarëve nuk mund të ndryshohen pa konsensus dhe pa respektuar mekanizmat kushtetues. Ne do të vazhdojmë të mbrojmë barazinë dhe përfaqësimin e drejtë në institucionet e shtetit.

16/07/2026

Me kënaqësi pranova ftesën për të marrë pjesë në edicionin e 10 jubilar të Shkupi Folk Fest, një festival që tashmë është shndërruar në një urë të rëndësishme të promovimit të kulturës, traditës dhe miqësisë mes popujve.

Ishte nder i veçantë që, në cilësinë e deputetit, të mbaj fjalën e rastit dhe ta shpall zyrtarisht të hapur këtë festival, i organizuar nga Shoqëria Kulturore Artistike “Shqiponja” Saraj, në Sheshin “Isa Boletini” në Saraj.

Ky aktivitet mblodhi ansamble dhe artistë nga Shqipëria, Kosova, Turqia, Bosnja dhe Hercegovina, Lituania, Gjeorgjia, Bullgaria dhe Rumania, duke e kthyer Sarajin në një qendër të dialogut kulturor dhe të vlerave tradicionale.

Urime organizatorëve, në veçanti drejtorit të festivalit z. Fevzi Ebipi për përkushtimin dhe punën e palodhur në ruajtjen dhe promovimin e trashëgimisë sonë kulturore. Uroj që Shkupi Folk Fest të vazhdojë të rritet dhe të mbetet një ngjarje që na bashkon përmes artit, folklorit dhe respektit të ndërsjellë.

13/07/2026

30/06/2026

Pjesë nga fjala ime në Kuvendin Zgjedhor të Degës së Bashkimit Demokratik për Integrim në Saraj.

Së bashku, me unitet dhe përkushtim, vazhdojmë rrugëtimin tonë.

29/06/2026

Sot, Kuvendi Zgjedhor i Degës së Sarajit dëshmoi edhe një herë se forca jonë buron nga uniteti, përkushtimi dhe besimi i palëkundur në rrugëtimin tonë të përbashkët.

Urime kryetarit të Degës, Iljas Veselit, për zgjedhjen e Kryesisë së re. Ju uroj punë të mbarë, suksese dhe vendime që do ta forcojnë edhe më tej organizimin tonë.

Mirënjohje të veçantë për të gjithë veteranët, të cilët me sakrificën dhe kontributin e tyre kanë ndërtuar themelet e këtij rrugëtimi. Njëkohësisht, urime të gjithë të sapozgjedhurve që nga sot marrin një përgjegjësi të re për t’u shërbyer qytetarëve dhe kauzës sonë.

Faleminderit çdo aktivisti, çdo simpatizanti dhe çdo anëtari që vazhdon të besojë dhe të angazhohet pa u lodhur. Bashkë kemi përballuar shumë sfida dhe bashkë do t’i arrijmë edhe fitoret që na presin.

Saraji ka qenë dhe do të mbetet bastion i unitetit, dinjitetit dhe fitores.

Drejt fitoreve të radhës! 💙

28/06/2026

Dy vite VLEN në qeveri.
Njëzet vite kthim prapa!!!

Premtuan ndryshim, sollën nënshtrim. Premtuan dinjitet, sollën poshtërim. Premtuan përfaqësim, pranuan fshirjen e mekanizmave që garantonin punësimin e shqiptarëve.
VLEN hyri në qeveri duke folur për “Plan 2030”, për barazi, për meritokraci, për Europë, për shqiptarë vendimmarrës.
Sot, pas dy vitesh, nuk mbeti as plan, as barazi, as vendimmarrje. Mbeti vetëm një realitet i hidhur: shqiptarët nuk humbën sepse nuk kishin zë, por humbën sepse ata që duhej ta mbronin këtë zë, zgjodhln të nënshtrohen padronit.
Kur u prek përfaqësimi i drejtë, heshtën. Kur u godit Balanceri, arsyetuan. Kur të drejtat u kthyen në premtime boshe, duartrokitën. Kur Maqedonia e Veriut u largua nga rruga europiane, ata u fshehën pas konferencave të padronit.
Problemi nuk është vetëm se VLEN nuk i realizoi premtimet. Problemi më i madh është se nuk arriti as t’i vendosë premtimet në tavolinën e qeverisë. Nga partner politik u shndërrua në dekor të shëmtuar qeveritar.
Këto dy vite treguan një të vërtetë të dhimbshme: servilizmi nuk sjell të drejta, sjell poshtërim. Heshtja nuk është strategji, është dorëzim.
Shqiptarët nuk kërkojnë ministra për fotografi. Kërkojnë fuqi politike, dinjitet institucional dhe garanci për të drejtat e fituara me mund e sakrificë.
VLEN mund të vazhdojë të flasë për sukses. Por qytetarët e shohin realitetin: më pak dinjitet, më pak përfaqësim, më pak siguri për të drejtat dhe shumë poshtërim!
Dhe këtë shqiptarët nuk do ta harrojnë.

24/06/2026

Sot në Kuvend theksova rëndësinë e Ligjit për Përfaqësim të Drejtë dhe Adekuat, si garanci për barazi dhe respektimin e të drejtave të të gjitha komuniteteve.
Përfaqësimi i drejtë nuk është privilegj, por e drejtë.

18/06/2026

Kuvendi Zgjedhor i Bashkimit Demokratik për Integrim në Degën e Karposh*t dëshmoi edhe një herë unitetin, organizimin dhe përkushtimin e anëtarësisë sonë ndaj vizionit dhe vlerave të BDI-së.

Me pjesëmarrje të gjerë dhe frymë demokratike, konfirmuam se forca jonë buron nga besimi i anëtarëve, puna e përbashkët dhe angazhimi i vazhdueshëm për t’u shërbyer qytetarëve.

Falënderoj të gjithë delegatët dhe anëtarët për kontributin e tyre në këtë proces të rëndësishëm. Së bashku vazhdojmë të ecim përpara, më të bashkuar dhe më të vendosur se kurrë. 💙🇦🇱