Државен студентски Дом - Скопје

02/06/2026

###II Домијада 2026 во хотел „Десарет“ – спорт, дружење и нови пријателства

Во периодот од 29 до 31 мај 2026 година, во хотел „Десарет“ се одржа ###II Домијада 2026, традиционална спортско-културна манифестација на ученичките и студентските домови од Македонија. На настанот учествуваа околу 300 ученици и студенти од ученичките и студентските домови од државата, како и гости од Србија, Хрватска, Косово и Албанија.

Учесниците се натпреваруваа во повеќе дисциплини: мал фудбал, пинг-понг, шах и одбојка во машка и женска конкуренција, а беа организирани и ликовна колонија и тркалезна маса.

Иако натпреварувачкиот дух беше присутен во сите активности, главен приоритет на Домијадата беа дружењето, забавата, меѓусебното запознавање и создавањето нови пријателства. Токму затоа, може да се каже дека сите учесници беа победници.

На манифестацијата учествуваа и ученици и студенти од специјалните домови во Македонија, со што уште еднаш беше потврдена заложбата за инклузивност и еднакви можности за сите млади.

Домијадата свечено ја отвори и затвори г-н Александар Каровски, претседател на Здружението на директори на ученичките и студентските домови на Македонија и актуелен директор на Државен студентски дом Скопје.

Настанот помина во одлична атмосфера исполнета со спортски натпревари, културни активности, дружење и позитивна енергија. Со својата масовност, меѓународно учество и успешна организација, ###II Домијада 2026 уште еднаш ја потврди својата важна улога во поврзувањето на младите и промовирањето на вредностите на пријателството, солидарноста и заедништвото. Со еден збор – сите учесници беа победници.

09/02/2026

Реконструкцијата на домовите „Стив Наумов“ и „Кузман Јосифовски-Питу“ почна во октомври 2024 година, а според најавите, се очекува, комплетно реновирани, вратите за студентите да ги отворат во септември 2026 година. Прочитајте како ќе изгледаат 👇

Двата државни студентски дома што се реновираат - „Кузман Јосифовски-Питу“ и „Стив Наумов“ во Скопје не само што ќе бидат најмодерни на овие простори и енергетск....

23/01/2026

Некогаш голем потрошувач на енергија и извор на загадување – денес, во процес на целосна трансформација кон енергетски ефикасен објект. 🏢💨🌱

Студентскиот дом Кузман Јосифовски Питу минува низ темелна реконструкција што го менува не само изгледот, туку и неговото влијание врз животната средина. Од неефикасен објект, домот прераснува во современ, одржлив и удобен простор за идните генерации студенти. 💡♻️

Ова не е само реконструкција, туку инвестиција во поздрави услови, понизок енергетски отпечаток и подобар студентски стандард. 🎓✨

Дознајте повеќе за проектот на 🔗 www.dormfor10.mk

10/01/2026

Студентскиот дом „Стив Наумов“ ќе ја дочека следната академска година целосно подготвен да ги пречека своите студенти, со подобрени услови за живеење, учење и секојдневен престој.

За многу млади луѓе, студентскиот дом е повеќе од сместување, тоа е првиот чекор кон самостојност, место каде се создаваат нови пријателства, се споделуваат искуства и се градат навики што траат цел живот. Затоа, обезбедувањето функционални, безбедни и пријатни услови е од суштинско значење за квалитетот на студентскиот живот.

Со континуирани подобрувања и вложувања, домот „Стив Наумов“ создава средина која ги поддржува образованието, личниот развој и секојдневните потреби на студентите - подготвена за нови почетоци и нови генерации!

Дознајте повеќе за проектот на:
🔗 www.dormfor10.mk

23/12/2025

23/12/2025

Изјава на Директорот на ДСД Скопје - Скопје м-р Александар Каровски за реконструираните спортски игралишта во СД „Гоце Делчев“

23/12/2025

Реконструирани спортските игралишта во СД „Гоце Делчев“ – Скопје ⚽️🏀

Министерот за спорт Борко Ристовски денеска, заедно со градоначалникот на општина Карпош Сотир Лукровски и Директорот на ДСД Скопје-Скопје Александар Каровски официјално ги пуштија во употреба реконструираните спортски игралишта во рамки на Студентскиот дом „Гоце Делчев“.

Проектот е реализиран со поддршка на Министерството за спорт, како одговор на барањата и потребите на студентите. Извршена е целосна санација и реконструкција на просторот за спорт и рекреација, при што се уредени современи игралишта за фудбал и кошарка со полипропиленска подлога, согласно важечките стандарди.

Со оваа инвестиција значително се подобруваат условите за спортски активности и рекреација на студентите, поттикнувајќи здрав начин на живот, физичка активност и квалитетно студентско секојдневие.

Државниот студентски дом Скопје – Скопје и понатаму ќе продолжи да работи на унапредување на условите за живот и развој на студентите.

09/12/2025

Потпишан Меморандум за соработка со Воена академија „Генерал Михаило Апостолски“

Воена академија „Генерал Михаило Апостолски“ – придружна членка на Универзитетот „Гоце Делчев“ – Штип и Државниот студентски дом – Скопје потпишаа Меморандум за соработка, со кој се воспоставува рамка за унапредување на заедничките активности и развојни иницијативи од обостран интерес.

Овој Меморандум претставува значаен чекор кон продлабочување на институционалната соработка, поддршка на студентската заедница и унапредување на условите за образование и професионален развој.